بلدیاتی انتخابات کیلئے مہلت سے متعلق خیبرپختونخوا حکومت کا مطالبہ مسترد

اسلام آباد()الیکشن کمیشن نے بلدیاتی انتخابات کیلئے مہلت دینے کی خیبرپختونخوا حکومت کا مطالبہ مسترد کردیا۔

نجی ٹی وی سما نیوز کے مطابق الیکشن کمیشن نے چیف سیکرٹری خیبرپختونخوا کو خط لکھ دیا، الیکشن کمیشن نے بلدیاتی انتخابات کیلئے فوری اقدامات کرنے کی ہدایت کردی۔ صوبائی حکومت نے بلدیاتی انتخابات سے پہلے نئی قانون سازی اور امن وامان کے پیش نظروقت مانگا تھا۔

خط کے مطابق حلقہ بندیوں کیلئے صوبائی حکومت کی مشاورت لازمی نہیں، موسم اور سیکیورٹی حالات کو حلقہ بندی میں رکاوٹ قرار دینے کا موقف مسترد کردیا گیا، الیکشن کمیشن کے مطابق صوبائی حکومت کا مؤقف غیرتسلی بخش ہے۔