وزیراعظم اپنی مدت پوری کرینگے، تمام وزارتوں کا تھرڈ پارٹی آڈٹ کرایا جائے: محسن نقوی

محسن نقوی نے کہا کہ بطور وزیر ان کی پرفارمنس پر سوالات اٹھائے جا رہے ہیں، تاہم وہ اپنی کارکردگی پر وزیراعظم کو جوابدہ ہیں

محسن نقوی نے کہا کہ ان کی درخواست ہے کہ تمام وزارتوں کی تھرڈ پارٹی ایویلیوایشن کرائی جائے تاکہ ہر وزارت کی کارکردگی کا غیرجانبدارانہ جائزہ لیا جا سکے۔

وزیر داخلہ نے کہا کہ ان کی کابینہ میں حاضری 70 فیصد کے قریب ہے، وہ وزیراعظم سے درخواست کرتے ہیں کہ ان کی وزارت کا تھرڈ پارٹی آڈٹ کرایا جائے اور جو نتائج سامنے آئیں وہ عوام کے سامنے پیش کیے جائیں۔

محسن نقوی کا کہنا تھا کہ وہ سمجھتے ہیں ملک میں 80 سال سے جو نظام چل رہا ہے وہ تباہ ہے، اگر نظام درست چل رہا ہوتا تو پاکستان کہیں زیادہ ترقی کر چکا ہوتا۔۔