مفتاح اسماعیل کا پیپلز پارٹی میں شامل ہونے کا امکان

سابق وزیر خزانہ مفتاح اسماعیل کا پیپلزپارٹی میں شمولیت کا امکان ہے۔

پیپلزپارٹی کے ذرائع نے دعوی کیا ہے کہ انکی جماعت کے سابق ن لیگی رہنما مفتاح اسماعیل سے معاملات طے پانے والے ہیں، مفتاح اسماعیل جلد پیپلزپارٹی میں شمولیت کا باضابطہ اعلان کریں گے۔

 

ذرائع کا کہنا ہے کہ مفتاح اسماعیل کی ممکنہ شمولیت کے معاملے پر پیپلزپارٹی قیادت کو اعتماد میں لیا گیا ہے، پیپلزپارٹی کے سینئر رہنماؤں کا وفد گزشتہ ڈیڑھ ماہ سے مفتاح اسماعیل سے رابطے میں ہے۔

واضح رہے کہ مفتاح اسماعیل نے جون 2023 میں مسلم لیگ ن کے پارٹی عہدوں سے مستعفی ہو کر سیاست چھوڑنے اعلان کیا تھا۔