جنوبی سوڈان میں مسافرہ طیارہ گر کر تباہ، 20 افراد ہلاک

جنوبی سوڈان کی یونٹی اسٹیٹ میں ایک طیارہ گر کر تباہ ہو گیا جس کے نتیجے میں 20 افراد ہلاک ہو گئے۔

غیر ملکی خبر رساں ادارے ’اے ایف پی‘ کے مطابق اسٹیٹ یونیٹی کے وزیر برائے اطلاعات نے کہا کہ جنوبی سوڈان کے شمال میں ایک طیارہ گر کر تباہ ہو گیا، جس میں کم از کم 20 افراد ہلاک ہو گئے۔

گیٹ ویچ بپل بوتھ نے اے ایف پی کو بتایا کہ جہاز میں 21 افراد سوار تھے، صرف ایک مسافر زندہ بچ گیا ہے، مزید بتایا کہ طیارہ رن وے سے محض 500 میٹر (گز) کے فاصلے پر مقامی وقت کے مطابق صبح 10:30 بجے کے قریب گر کر تباہ ہوا، جس کی تحقیقات جاری ہیں۔

انہوں نے کہا کہ طیارہ گریٹر پاینیر آپریٹنگ کمپنی کی طرف سے چارٹر جبکہ لائٹ ایئر سروسز ایوی ایشن کمپنی کے ذریعے چلایا گیا، اور یہ علاقے میں معمول کے مشن پر تھا۔