بیمار اہلیہ کیلیے ریٹائرمنٹ لینے والی کی اہلیہ الوداعی تقریب میں انتقال کر گئیں

بھارت میں بیمار اہلیہ کی دیکھ بھال کے لیے قبل از وقت ریٹائرمنٹ لینے والے شخص کی اہلیہ الوداعی پارٹی میں انتقال کر گئیں۔

راجھستان کے شہر کوٹا سے تعلق رکھنے والے دیویندرا صندل نے مدت سے تین برس قبل ریٹارمنٹ لینے کا فصلہ کیا تاکہ دل کے عارضے میں مبتلا اپنی اہلیہ ٹینا کی دیکھ بھال کر سکیں۔

الوداعی پارٹی کے دوران ٹینا نے اپنے شوہر سے کہا کہ انہیں چکر آ رہے ہیں اور اور کرسی سے ٹیک لگالی۔دیویندر نے اہلیہ کی کمر سہلانا شروع کی اور وہاں پر موجود لوگوں سے پانی لانے کے لیے کہا۔

ان سے کسی نے کیمرے میں دیکھ کر مسکرانے کے لیے کہا وہ مسکرائیں اور پھر سامنے رکھی میز پر گِر گئیں۔

ان کے شوہر ان کو سہارا دینے کے لیے کھڑے ہوئے لیکن تب تک وہ گر چکی تھیں۔

اسپتال لے جانے پر ڈاکٹروں نے ان کی موت کی تصدیق کی۔