پاکستان سپر لیگ 9 کا آفیشل ترانہ ریلیز کردیا گیا

پاکستان کرکٹ بورڈ (پی سی بی) نے پاکستان سپر لیگ (پی ایس ایل) 9 کا آفیشل ترانہ (اینتھم) ریلیز کردیا ہے۔

پی ایس ایل کے مداحوں کو جس گھڑی کا انتظار تھا وہ آہی گئی، پی سی بی نے ایونٹ کے 9 ویں سیزن کا ترانہ ’کھل کے کھیل‘ ریلیز کردیا ہے۔

پی سی بی کا جاری کردہ پی ایس ایل 9 کا ترانہ معروف گلوکار علی ظفر نے گایا ہے، جس میں اُن کے ساتھ گلوکارہ آئمہ بیگ نے بھی آواز کا جادو جگایا ہے۔