باکسر محمد وسیم اسلام آباد پولیس کے ناروا سلوک سے پریشان

اسلام آباد: قومی باکسر محمد وسیم اسلام آباد پولیس کے ناروا سلوک سے پریشان ہوگئے۔

قومی باکسر محمد وسیم کا کہنا ہے کہ پولیس انٹرنیشنل ایتھلیٹ کے ساتھ ایسا سلوک کررہی ہے تو عام لوگوں کے ساتھ کیا کرتی ہوگی۔

محمد وسیم نے کہا کہ پولیس اہلکاروں نے ماسک لگانے پر روکا اور پہچاننے کے باوجود مجھ سے بدتمیزی کی۔

ویڈیو پیغام میں انہوں نے کہا کہ پولیس کا کام ہے کہ عوام کی جان و مال کی حفاظت کریں نہ کہ عوام کو تنگ کریں۔

قومی باکسر نے آئی جی اسلام آباد سے اہلکاروں کے خلاف ایکشن لینے کا مطالبہ کردیا۔

واضح رہے کہ محمد وسیم نے 2 با ر ڈبلیو بی سی ٹائٹل جیتا تھا اور کولمبین حریف باکسر رابر بریرا کو زیر کیا تھا۔