ایران نے سخت جوہری معائنوں پر اتفاق کر لیا: صدر ٹرمپ

امریکی صدر ڈونلڈ ٹرمپ نے کہا ہے کہ ایران نے اعلیٰ سطح کے جوہری معائنوں پر طویل المدتی اتفاق کر لیا ہے جبکہ آبنائے ہرمز میں مزید بحری ناکہ بندی جاری نہیں رکھی جائے گی۔

سماجی رابطے کی سائٹ ٹروتھ سوشل پر جاری اپنے بیان میں صدر ٹرمپ نے کہا کہ ضرورت پڑنے پر دوبارہ ناکہ بندی کیلئے تمام بحری جہاز اپنی پوزیشن پر موجود رہیں گے تاہم ناکہ بندی کی بحالی کا امکان انتہائی کم دکھائی دیتا ہے۔

امریکی صدر نے کہا کہ ایران کیلئے جاری کی جانے والی رقوم امریکی نگرانی والے ایسکرو اکاؤنٹ میں رکھی جائیں گی اور یہ فنڈز صرف خوراک اور طبی سامان کی خریداری پر خرچ کیے جا سکیں گے۔