حکوم نے پیٹرول اور ڈیزل فی لیٹر 26 روپے 77 پیسے مہنگا کر دیا
حکوم نے پیٹرول اور ڈیزل فی لیٹر 26 روپے 77 پیسے مہنگا کر دیا
پیٹرول کی فی لیٹر قیمت 393 روپے 35 پیسے فی لیٹر مقرر کر دی گئی
ZAHEER ALI
Apr 24, 2026
whatsaap
حکوم نے پیٹرول اور ڈیزل فی لیٹر 26 روپے 77 پیسے مہنگا کر دیا
petrol prices
تازہ ترین خبروں اور تبصروں کیلئے ہمارا وٹس ایپ چینل جوائن کریں
حکومت نے پیٹرولیم مصنوعات کی قیمتوں میں نمایاں اضافہ کرتے ہوئے پیٹرول اور ڈیزل کی قیمت میں فی لیٹر 26 روپے 77 پیسے اضافہ کر دیا ہے۔
پٹرولیم ڈویژن کی جانب سے جاری کردہ نوٹیفکیشن کے مطابق ڈیزل کی نئی قیمت 380 روپے 19 پیسے فی لیٹر مقرر کر دی گئی ہے، جبکہ پیٹرول کی قیمت بڑھا کر 393 روپے 35 پیسے فی لیٹر کر دی گئی ہے۔
نوٹیفکیشن کے مطابق نئی قیمتوں کا اطلاق آج رات 12 بجے کے بعد ہوگا۔
حکومت کے اس فیصلے کے بعد عوام پر مہنگائی کا مزید بوجھ پڑنے کا خدشہ ظاہر کیا جا رہا ہے، جبکہ ٹرانسپورٹ اور اشیائے ضروریہ کی قیمتوں میں بھی اضافے کا امکان ہے۔
وزیرپیٹرولیم علی پرویز ملک نے بیان جاری کرتے ہوئے کہا کہ علاقائی کشیدگی سے عالمی منڈی میں تیل کی قیمتیں پھربڑھ رہی ہیں،عالمی منڈی اور شراکت داروں سے معاہدوں کے باعث قیمتیں بڑھانا پڑیں،جس قدر ممکن ہوا،حکومت نے عالمی سطح پر قیمتوں میں اضافے کو برداشت کیا،وفاقی اور تمام صوبائی حکومتوں نے عوام کو تاریخی ریلیف پیکیج دیا،دعاگو ہیں کہ جلد علاقائی امن کے حصول میں پیش رفت ہو،امن قائم ہو تاکہ عوام کو پیٹرولیم مصنوعات پر ریلیف فراہم کیا جا سکے۔