شاہین آفریدی کو مس نہیں کریں گے، ہمارے پاس اچھے باؤلرز موجود ہیں، سلمان آغا

قومی ٹی20 ٹیم کے کپتان سلمان علی آغا نے کہا ہے کہ پاکستان میں اتنا ٹیلنٹ ہے کہ کوئی بھی کسی بھی کھلاڑی کو ری پلیس کرسکتا ہے جب کہ سیریز میں شاہین آفریدی کو مس نہیں کریں گے کیوں کہ ہمارے پاس دیگر اچھے باؤلرز موجود ہیں۔

لاہور میں ٹرافی کی رونمائی کے بعد سلمان علی آغا کا کہنا تھا کہ انٹرنیشنل کرکٹ میں کوئی بھی ٹیم آسان نہیں ہوتی اور بنگلہ دیش اچھی ٹیم ہے کوشش کریں گے اس سیریز میں بہترکرکٹ کھیلیں۔