موجودہ حکمرانوں سے جو کام لینا تھا، لے لیا گیا، شیخ رشید

سابق وفاقی وزیر اور عوامی مسلم لیگ کے سربراہ شیخ رشید احمد نے حکومت پر سخت تنقید کرتے ہوئے کہا ہے کہ ان حکمرانوں سے جو کام لینا تھا، وہ لے لیا گیا ہے، اب یہ خود کہہ رہے ہیں کہ انڈے اور ٹماٹر پڑتے ہیں۔

اسلام آباد کچہری کے باہر میڈیا سے گفتگو کرتے ہوئے انہوں نے کہا کہ آج اللہ تعالیٰ کی مدد سے یاسر محمود کی عدالت سے بری ہوا ہوں، میں اپنے وکلا اور لوگوں کا مشکور ہوں جنہوں نے میرا کیس لڑا، اب بس دہشت گردی کے 14 کیس رہ گئے ہیں، ایسے کئی کیسز کے حوالے سے سردار محمد مصروف ہیں۔