نوواک جوکووچ نے کیریئر کا 102واں ٹائٹل جیت لیا

بیجنگ میں کھیلے گئے فائنل میں آسٹریلوی کھلاڑی ایلکس ڈی میناؤر انجری کے باعث مقابلہ مکمل نہ کرسکے۔

39 سالہ جوکووچ نے پہلا سیٹ ٹائی بریک پر 6-7 (3-7) سے جیتا جبکہ دوسرے سیٹ کے آغاز میں ڈی میناؤر نے ایک گیم جیتی۔

اس کے بعد بائیں ران کی تکلیف کے باعث آسٹریلوی کھلاڑی نے میچ سے دستبرداری اختیار کرلی۔ دونوں کھلاڑیوں نے پہلے سیٹ کے بعد میڈیکل ٹائم آؤٹ بھی لیا تھا۔

اس کامیابی کے ساتھ جوکووچ نے مسلسل 21ویں سال کم از کم ایک سنگلز ٹائٹل جیتنے کا اعزاز برقرار رکھا۔

ان سے زیادہ ٹائٹلز صرف جمی کونرز (109) اور راجر فیڈرر (103) نے جیتے ہیں، چین اوپن میں ان کی یہ 34ویں مسلسل فتح اور ساتویں ٹرافی ہے۔

جوکووچ نے کہا کہ رواں سال جسمانی اور صحت کے مسائل کے باعث ان کے لیے کافی مشکل رہا تاہم بیجنگ میں کامیابی نے ثابت کیا کہ وہ اب بھی عالمی سطح پر بہترین کھلاڑیوں کا مقابلہ کرسکتے ہیں۔

اس فتح کے بعد وہ دوبارہ عالمی ٹاپ 10 میں شامل ہوجائیں گے۔