کوئٹہ سے اندرون ملک ٹرین سروس بحال

بلوچستان کے دارالحکومت کوئٹہ سے اندرونِ ملک کے لیے ایک روز کے تعطل کے بعد ٹرین سروس بحال کر دی گئی ہے۔

ریلوے حکام کا کہنا ہے کہ کوئٹہ سے جعفر ایکسپریس مسافروں کو لے کر پشاور کے لیے روانہ ہوگئی ہے۔

دوسری جانب پشاور سے آنے والی جعفر ایکسپریس بھی آج کوئٹہ پہنچے گی۔

کوئٹہ سے کراچی کے لیے بولان میل اور چمن کے لیے پیسنجر ٹرین تاحال معطل ہے۔

حکام کا مزید کہنا ہے کہ دونوں ٹرینیں مسافروں کی کم تعداد کے باعث معطل کی گئی ہیں۔