وزیراعظم شہبازشریف کے اہم ترین دورہ چین کا شیڈول طے ہوگیا۔

وزیراعظم شہبازشریف 23 سے 25 مئی تک چین کا دورہ کریں گے،دورے کےدوران چین کے صدر شی جن پنگ اورچینی ہم منصب لی کی چیانگ سےبھی ملاقات کریں گے،دورےمیں اہم وزرااوراعلی حکام بھی وزیراعظم کے ہمراہ ہوں گے۔

سفارتی ذرائع کےمطابق علاقائی صورت حال کے تناظرمیں دورہ انتہائی اہمیت کا حامل ہے،دورے کے دوران امریکاایران جنگ اوراس کےاثرات پرمشاورت ہوگی،دوطرفہ تعاون کےمتعددمعاہدوں اورایم او یوز پردستخط کئےجائیں گے،وزیراعظم پاک چین دوستی کی 75 سال کی تقریبات میں شریک ہوں

نائب وزیراعظم اسحاق ڈار نے امریکی تحویل میں جہازوں پر سوار پاکستانی اور ایرانی شہریوں کی واپسی کے لیے سنگاپور سے تعاون کی درخواست کردی۔

نائب وزیراعظم اسحاق ڈار کا سنگاپور کے وزیر خارجہ سے رابطہ ہوا۔ پاکستانی اور ایرانی بحری جہازوں کو واپس بھیجنے کی کوششوں میں تعاون کی درخواست کی۔ اسحاق ڈار نے کہا جہازوں پر 11 پاکستانی اور 20 ایرانی سوار ہیں۔ امریکی تحویل میں موجود جہاز سنگاپور کے قریب ہیں۔

اسحاق ڈار کا ایرانی وزیر خارجہ عباس عراقچی سے بھی رابطہ ہوا۔ دونوں رہنماؤں کا معاملے پر قریبی رابطے جاری رکھنے پر اتفاق کیا۔ اسحاق ڈار نے کہا پاکستان ایرانی شہریوں کی محفوظ واپسی میں ہرممکن سہولت فراہم کرے گا۔

نائب وزیراعظم اسحاق ڈار نے سنگاپور کے تعاون اور حمایت کو سراہا ۔ اسحاق ڈار کا کہنا تھا پاکستان کا امریکی حکام اور دیگر فریقین سے مسلسل رابطہ ہے۔

بجلی کی بڑھتی طلب کےباعث حکومت نے مزید ایل این جی کارگوز درآمد کرنے کا فیصلہ کرلیا،مئی کیلئے اسپاٹ خریداری کے ٹینڈر جاری کر دیئے۔

ذرائع پیٹرولیم ڈویژن کےمطابق ملک میں بجلی کی طلب میں اضافے کےپیش نظرپاکستان ایل این جی لمیٹڈ نےمئی کےمہینےکیلئے 2 ایل این جی کارگوزکی اسپاٹ خریداری کیلئےعالمی کمپنیوں سےبڈزطلب کر لی ہیں۔

عالمی کمپنیاں 7 مئی تک اپنی بڈزجمع کرا سکیں گی جو اسی روزبڈزکھول دی جائیں گی،ذرائع کےمطابق پہلےایل این جی کارگوکی سپلائی 12 سے 14 مئی کےدرمیان جبکہ دوسرےکارگو کی سپلائی 24 سے 26 مئی کےدوران متوقع ہے،حکام کا کہنا ہےکہ اضافی ایل این جی درآمد سے بجلی کی طلب پوری کرنے میں مدد ملے گی۔

پاکستان میں ایران کے سفیر رضا امیری مقدم نے امریکا سے مذاکرات کےلیے نئی تجاویز پاکستان کے حوالے کرنے کی تصدیق کردی۔

ایرانی نیوز ایجنسی کو انٹرویو دیتے ہوئے رضا امیری مقدم نے کہا کہ تہران کی مذاکراتی پیشکش کا مقصد مسلط کردہ جنگ کا مستقل خاتمہ ہے، مذاکرات میں پاکستان واحد ثالث ہے، ایران اپنے موقف اور مطالبات پر پہلے کی طرح قائم ہے۔

رضا امیری مقدم نے کہا کہ ایران اپنے مؤقف اور مطالبات میں شفاف ہے، مذاکرات کا مکمل انحصار امریکی رویے پر ہے۔ امریکا سنجیدہ ہے تو رویہ بدلنا ہوگا، ایران قومی مفادات اور دفاع پر کوئی سمجھوتہ نہیں کرے گا۔

رضا امیری مقدم نے کہا کہ جنگ کے خاتمے کے لیے نیا مذاکراتی منصوبہ پاکستان کے ذریعے امریکا تک پہنچا دیا گیا ہے، موجودہ عمل میں پاکستان مرکزی ثالث ہے اور اس کی کوششیں قابلِ قدر ہیں۔

ایران کے سفیر نے کہا کہ ایران سفارتکاری کے راستے پر قائم ہے مگر پیشرفت کا دارومدار امریکا پر ہے، امریکا کو جارحانہ رویہ ترک کر کے ایران کے حقوق کا احترام کرنا ہوگا۔

رضا امیری مقدم نے کہا کہ پاکستان اور ایران کے درمیان سیاسی، اقتصادی اور تجارتی روابط میں اضافہ جاری ہے، میرجاوہ، تفتان اور گبد ریمدان بارڈر کراسنگ پاک ایران تجارت کے لیے اہم

وزیراعظم اپنا گھر پروگرام کے تحت پیکیج کا اعلان آج کیا جائےگا۔

اسکیم کےتحت دس مرلہ گھر یا پلاٹ کی خریداری کیلئے بیس سال کیلئے 25 لاکھ سے ایک کروڑ روپے تک کا قرضہ دیا جائےگا،پہلے دس سال پانچ فیصد فکسڈ جبکہ اگلے دس نارمل مارک اپ وصول کیا جائے گا۔

25 لاکھ،50 لاکھ،75 لاکھ یا پھر ایک کروڑ روپےتک قرض حاصل کیا جاسکے گا،پہلے 10 برس میں 5 فیصد فکسڈ مارک اپ،اگلے 10 برس میں نارمل مارک اپ ہوگا،25 لاکھ قرض لینے والوں کو ماہانہ 16 ہزار 499 روپے قسط ادا کرنا ہوگی،50 لاکھ روپےقرض لینےوالے افراد 32 ہزار 997 روپےماہانہ قسط ادا کریں گے 75 لاکھ قرض لینے والوں کی ماہانہ قسط 49 ہزار 497 روپےبنےگی،ایک کروڑ کے قرض پر 65 ہزار 996 روپے ماہانہ قسط ادا کرنا ہو گی۔

قرض لینےکیلئے شناختی کارڈ ہولڈرزکاپہلےسےمقروض نہ ہونا لازم ہے،قرض کی رقم سے 10 مرلہ پلاٹ یا 10 مرلےکابنا ہواگھرخریداجاسکے گا،90 فیصدفنانسنگ حکومتی اسکیم کےتحت اور 10فیصدانفرادی طورپرکرنا ہوگی،اسلامک و کمرشل بینک،مائیکروفنانس یا ہاؤس بلڈنگ فنانس کمپنی سے قرض ملے گا۔

قرض حاصل کرنےکیلئے کوئی فیس یا پیمنٹ سےقبل ادائیگی کرناشرط نہیں ہوگی،اسٹیٹ بینک اور پاکستان ہاؤسنگ اتھارٹی فاؤنڈیشن منصوبےکی مانیٹرنگ کریں گی،قرض لینے کیلئےدرخواست آن لائن دینا ہوگی، ایک ماہ میں حتمی منظوری ہوگی۔

منیر اور وزیراعظم شہبازشریف کی درخواست پر جنگ بندی میں توسیع کا اعلان کیا ہے،جبکہ آبنائے ہرمز کی ناکہ بندی برقرار رکھنے کا حکم دیا۔

امریکی صدرڈونلڈ ٹرمپ نےسوشل میڈیا پرجاری بیان میں کہا پاکستان کی درخواست پرحملے روک رہے ہیں،جنگ بندی میں اس وقت تک توسیع کی جائے گی ،جب تک ایران کی تجویز پیش نہیں کی جاتی۔

مذاکرات کےاختتام تک جنگ بندی میں توسیع کررہا ہوں،ایران کی حکومت اس وقت کمزور اور تقسیم ہے،ایران پر حملے نہیں کررہے،ناکہ بندی برقرار رہے گی،فوج کو ہرقسم کی تیاری کی بھی ہدایت کی ہے۔

تہران (ویب ڈیسک) ایرانی پارلیمنٹ کے سپیکر محمد باقر غالیباف نے کہا ہے کہ ایران اور امریکہ کے درمیان امن مذاکرات میں ’پیش رفت‘ ہوئی ہے، لیکن ابھی تک کسی حتمی معاہدے تک نہیں پہنچے ہیں، ابھی تک کسی حتمی معاہدے سے بہت دور ہیں۔

بی بی سی کے مطابق ایرانی ٹیلی ویژن کو انٹرویو دیتے ہوئے اُنھوں نے کہا کہ ’ہم نے مذاکرات میں پیش رفت کی ہے لیکن ابھی بھی بہت سے خلا اور کچھ بنیادی مسائل ہیں جو حل طلب ہیں، امریکہ کو ایرانی عوام کا اعتماد حاصل کرنے کا فیصلہ کرنا ہو گا اور انھیں ڈکٹیشن مسلط کرنے کا اپنا طریقہ کار ترک کرنا ہو گا۔

باقرغالیباف کا کہنا تھا کہ اسلام آباد مذاکرات کے دوران، 1979 کے ایرانی انقلاب کے بعد سے یہ دونوں ممالک کے درمیان اعلیٰ ترین سطح کی بات چیت تھی جس میں ہم نے اس بات پر زور دیا کہ ہمیں ’امریکہ پر کوئی اعتماد نہیں ہے ، اگر ہم نے جنگ بندی کو قبول کیا تو اس کی وجہ یہ ہے کہ اُنھوں نے ہمارے مطالبات کو تسلیم کیا ہے کیونکہ ہم نے زمین پر فتح حاصل کی۔

غالیباف کا مزید کہنا تھا کہ امریکہ اپنے مفادات حاصل نہیں کر سکا اور یہ ایران ہی ہے جو آبنائے ہرمز پر اپنا سٹریٹجک کنٹرول رکھتا ہے۔

ترجمان سپارکو کے مطابق کل 18 اپریل کو ذوالقعد کا چاند نظر آنے کے روشن امکانات ہیں، یکم ذوالقعد 19 اپریل بروز اتوار ہونے کی توقع ہے،سپارکو کی پیشں گوئی

بیان کے مطابق نیا چاند 17 اپریل کی صبح 4 بج کر 52 منٹ پر پیدا ہوچکا ہے، 18 اپریل کو غروب آفتاب کے وقت چاند کی عمر 26 گھنٹے سے زائد ہوگی۔ ساحلی علاقوں میں چاند نظر آنے کا وقت 81 منٹ تک ہوگا۔

ترجمان سپارکو کے مطابق نئے اسلامی مہینے کا حتمی اعلان رویت ہلال کمیٹی کرے گی، چاند کی رویت کا فیصلہ مستند شہادتوں کی بنیاد پر ہوگا۔

امریکی وزیر خارجہ نے معصومہ ابتکار کے بیٹے کا ویزا منسوخ کرنے کا اعلان کردیا۔

امریکی وزیر خارجہ مارکو روبیو نے اپنے بیان میں کہا اس ہفتے میں نے ان کی مستقل رہائش کی حیثیت ختم کر دی،وہ آئی سی ای کی تحویل میں ہیں اور انہیں ملک بدر کیا جائے گا۔

مارکو روبیو اوباما انتظامیہ نےسید عیسیٰ ہاشمی کے خاندان کو امریکی ویزا جاری کیا،معصومہ ابتکارایران کی سابق نائب صدررہ چکی ہیں۔

قومی ہاکی ٹیم کے انگلینڈ اور بیلجیئم دورے کیلئے فنڈز جاری کردئیے گئے۔ عالمی سطح پر کم بیک کی امید روشن ہوگئی۔

حکومت نے قومی ہاکی ٹیم کے دورہ انگلینڈ اور بیلجیئم کیلئے درکار فنڈز جاری کر دیئے ہیں جس پر پاکستان ہاکی فیڈریشن نے اظہار تشکر کیا ہے۔

پی ایچ ایف کے مطابق پرو لیگ میں شرکت کیلئے تمام مالی وسائل فراہم کر دیئے گئے ہیں اور حکومت کے غیر متزلزل تعاون پر شکر گزار ہیں۔

فیڈریشن کا کہنا ہے کہ ان فنڈز کے ذریعے کھلاڑیوں کو عالمی سطح پر اپنی صلاحیتیں دکھانے کا بھرپور موقع ملے گا جبکہ وسائل کا شفاف اور مؤثر استعمال یقینی بنایا جائے گا۔

پی ایچ ایف نے اس عزم کا اعادہ کیا ہے کہ پاکستان ہاکی کا عالمی وقار بحال کرنے کیلئے اقدامات جاری رہیں گے اور ٹیم کی بہترین تیاری کو یقینی بنایا جائے گا۔ دورہ انگلینڈ اور بیلجیئم کا شیڈول جلد جاری کیے جانے کا بھی اعلان کیا گیا ہے۔