تازہ ترین رپورٹ میں انکشاف کیا گیا ہے کہ ویتنام سے آپریٹ کی جانے والی ایک نئی سائبر مہم سامنے آئی ہے جو گوگل ایپ شیٹ کو ’فِشنگ ریلے‘ کے طور پر استعمال کرتے ہوئے جعلی ای میلز کے ذریعے فیس بک اکاؤنٹس ہیک کر رہی ہے۔

سیکیورٹی کمپنی گارڈیو نے اس مہم کو ’اکاؤنٹ ڈمپلنگ‘ کا نام دیا ہے۔ اس اسکیم کے تحت چوری شدہ فیس بک اکاؤنٹس کو دوبارہ ایک غیر قانونی آن لائن دکان کے ذریعے فروخت کیا جاتا ہے، جو انہی ہیکرز کے زیرِ انتظام ہے۔

اندازے کے مطابق اس مہم میں تقریباً 30 ہزار فیس بک اکاؤنٹس ہیک کیے جا چکے ہیں۔

یہ انکشاف اس بات کی تازہ مثال ہے کہ ویتنام سے وابستہ ہیکرز مسلسل نئے طریقے اپنا رہے ہیں تاکہ لوگوں کے فیس بک اکاؤنٹس تک غیر مجاز رسائی حاصل کر سکیں اور پھر انہیں بلیک مارکیٹ میں بیچ کر پیسہ کمائیں۔

سینیٹ قائمہ کمیٹی برائے انفارمیشن ٹیکنالوجی نے سوشل میڈیا پلیٹ فارمز کی جانب سے پاکستانی اداروں سے تعاون نہ کرنے کا نوٹس لے لیا۔

سینیٹ قائمہ کمیٹی برائے انفارمیشن ٹیکنالوجی نے وزارت داخلہ اور پی ٹی اے سے فوری بریفنگ طلب کرلی۔ کل اجلاس بھی بلالیا۔ سیکرٹری داخلہ اور چیئرمین پی ٹی اے حکمت عملی پر بریفنگ دیں گے۔ وزیر دفاع خواجہ آصف کی ایکس پر اسرائیل مخالف پوسٹ کا معاملہ بھی ایجنڈے میں شامل ہے۔

اجلاس میں فیس بک،انسٹاگرام اور یوٹیوب کا پاکستانی اداروں سے عدم تعاون کا معاملہ زیرغور آئے گا، جرائم کی تحقیقات کے لیے فیس بک،انسٹاگرام اور یوٹیوب کا ڈیٹا فراہم نہ کرنے پر مشاورت ہوگی۔

سیکریٹری داخلہ اور چیئرمین پی ٹی اے میٹا پلیٹ فارم سے متعلق حکمت عملی پر بریفنگ دیں گے، سیکیورٹی مقاصد کے لیے میٹا سے ڈیٹا کے حصول کے لائحہ عمل سے کمیٹی کو آگاہ کیا جائے گا۔

میٹا کی کمیونٹی گائیڈ لائنز پاکستانی قوانین سے متصادم ہونے کا معاملہ بھی زیر غور آئے گا، فیس بک،انسٹاگرام اور یوٹیوب کے پاکستان میں دفاتر نہ کھولنے کی وجوہات کا بھی جائزہ لیا جائے گا۔

پاکستان میں سیٹلائٹ انٹرنیٹ سروس کے آغاز کی راہ ہموار ہونے لگی ہے، جہاں اس کے لیے ریگولیٹری فریم ورک تیاری کے آخری مراحل میں داخل ہو گیا ہے۔

حکام کے مطابق یہ فریم ورک قومی سلامتی، اسپیکٹرم مینجمنٹ اور سکیورٹی تقاضوں کو مدنظر رکھتے ہوئے تیار کیا گیا ہے تاکہ ملک بھر میں اس سروس کا محفوظ اور مؤثر نفاذ یقینی بنایا جا سکے۔

پاکستان اسپیس ایکٹیویٹیز ریگولیٹری بورڈ (پی ایس اے آر بی) کی جانب سے  مسودہ قواعد تیار کر لیے گئے ہیں، جو اس وقت حتمی مشاورت کے مرحلے میں ہیں۔ وفاقی وزیر آئی ٹی شزا فاطمہ خواجہ نے پارلیمان کو تحریری جواب میں بتایا کہ یہ قواعد جلد حتمی شکل اختیار کر لیں گے۔

انہوں نے بتایا کہ پاکستان ٹیلی کمیونیکیشن اتھارٹی (پی ٹی اے) کی جانب سے فکسڈ سیٹلائٹ سروسز (ایف ایس ایس) کے لائسنسنگ فریم ورک کو بھی تیار کر لیا گیا ہے، جسے منظوری کے لیے وفاقی کابینہ میں پیش کیا جائے گا۔ اس فریم ورک کا مقصد سرمایہ کاری کے لیے سازگار اور شفاف ماحول فراہم کرنا ہے۔

نئے نظام کے تحت براڈ بینڈ سیٹلائٹ انٹرنیٹ، بیک ہال، بینڈوڈتھ فراہمی اور کارپوریٹ ڈیٹا سروسز جیسی سہولیات فراہم کی جا سکیں گی، جو پاکستان کی ڈیجیٹل حکمت عملی کا اہم حصہ ہیں۔ ون ویب، شنگھائی اسپیس کام اور اسٹائلیوٹ سمیت متعدد بین الاقوامی کمپنیاں پاکستان میں خدمات فراہم کرنے میں دلچسپی ظاہر کر چکی ہیں، جبکہ اسٹارلنک پہلے ہی سیکیورٹیز اینڈ ایکسچینج کمیشن آف پاکستان میں رجسٹر ہو چکی ہے۔

حکام کے مطابق اسپیکٹرم الاٹمنٹ اور لائسنسنگ کے عمل کو مؤثر بنانے کے لیے پی ایس اے آر بی، پی ٹی اے اور فریکوئنسی الاکیشن بورڈ کے درمیان قریبی رابطہ قائم کیا گیا ہے۔

وفاقی وزیر آئی ٹی کا کہنا ہے کہ سیٹلائٹ انٹرنیٹ ملک میں ڈیجیٹل خلیج کو کم کرنے میں اہم کردار ادا کرے گا، خصوصاً دور دراز اور پسماندہ علاقوں میں تیز رفتار انٹرنیٹ کی فراہمی ممکن ہو سکے گی۔

حکومت نے دیگر کمپنیوں کو بھی ہدایت کی ہے کہ وہ قانونی تقاضوں کی تکمیل کے لیے سیکیورٹیز اینڈ ایکسچینج کمیشن میں رجسٹریشن کروائیں تاکہ پاکستان میں جدید انٹرنیٹ سہولیات کا دائرہ کار مزید وسیع کیا جا سکے۔

امریکا کی ایک ماں بیٹی نے تربوز کی نئی قسم تیار کی ہے جو مرغی کے انڈے کے سائز کی ہے۔ یہ تجربہ 2021 میں شروع ہوا اور کئی نسلوں کے بعد انہوں نے تربوز کا وزن کئی کلوگرام سے گھٹا کر صرف 80 سے 200 گرام تک کر دیا۔

بریڈر ڈیلی نی ریپٹس کے مطابق یہ ننھے تربوز ذائقے میں میٹھے ہیں، ان کا گودا سرخ یا نارنجی ہے اور سختی بھی برقرار ہے تاکہ انہیں آسانی سے سنبھالا جا سکے۔

ان کے مطابق اس کا مقصد یہ تھا کہ تربوز کو گرین ہاؤس اور ورٹیکل فارمنگ کے لیے موزوں بنایا جائے، جہاں زیادہ پیداوار فی مربع میٹر اہم ہوتی ہے۔

یہ چھوٹے تربوز سنگل پورشن مارکیٹ کے لیے بھی موزوں ہیں اور خوراک کے ضیاع کو کم کر سکتے ہیں۔ دلچسپ بات یہ ہے کہ ان کے بیج بھی عام تربوز کے مقابلے میں بہت چھوٹے ہیں۔

سماجی رابطے کے پلیٹ فارم ایکس (سابق ٹوئٹر) کے مالک ایلون مسک جلد ہی ایک نئے بینکنگ اور پیمنٹس پلیٹ فارم کو لانچ کرنے جا رہے ہیں جو ان کے ایکس کو ایک ’ایوری تھنگ ایپ‘ میں بدلنے کے منصوبے کا حصہ ہے۔

بلومبرگ کی رپورٹ کے مطابق ایکس منی نامی اس مالیاتی فیچر کا محدود آغاز آئندہ دنوں میں متوقع ہے، تاہم ریگولیٹری رکاوٹیں اب بھی اس کی راہ میں حائل ہیں۔

ایکس پہلے ہی امریکا کی درجنوں ریاستوں میں لائسنس حاصل کر چکا ہے جبکہ کمپنی گزشتہ سال ویزا کے ساتھ شراکت داری کا اعلان کر چکی ہے تاکہ ڈیجیٹل والیٹ اور پیئر ٹو پیئر پےمنٹ سروس کو سپورٹ کیا جا سکے۔

اکستان اسپیس اینڈ اپر ایٹموسفیئر ریسرچ کمیشن (سپارکو) نے چین کے تائیوان سیٹلائٹ لانچ سینٹر سے پاکستان کے مقامی الیکٹرو آپٹیکل سیٹلائٹ ای او تھری (EO-3) کا کامیاب لانچ کیا ہے۔

آئی ایس پی آر کے مطابق ای او تھری سیٹلائٹ کا لانچ خلائی شعبے میں ایک اور اہم سنگ میل ہے جس میں خود انحصاری اور تکنیکی مہارت کی طرف پاکستان کے سفر میں ایک نئی کامیابی ملی ہے، یہ سیٹلائٹ شہری منصوبہ بندی، ڈیزاسٹر مینجمنٹ، فوڈ سکیورٹی اور ماحولیات کے تحفظ میں انقلاب لانے کیلیے امیجنگ ڈیٹا فراہم کرے گا۔

آئی ایس پی آر کے مطابق ای او تھری سیٹلائٹ متعدد شعبوں میں قومی ترجیحات کو سپورٹ کرنے کیلیے ایک مربوط ارتھ آبزرویشن سسٹم کی سہولت کا کام کرے گا اور پائیدار سماجی و اقتصادی ترقی میں اپنا حصہ ڈالے گا۔

پی ٹی اے نے موبائل نیٹ ورک کی سروس کے معیار سے متعلق رپورٹ جاری کردی ، تین ماہ میں 159اضلاع سے اکٹھے کیے گیے نمونوں کی بنیاد پر رپورٹ تیارگئی ۔

پی ٹی اے کی رپورٹ کے مطابق اوپن سگنل کے آزادانہ ٹیسٹوں پر مبنی قومی نتائج سامنے آ گئے ہیں، پاکستان کے پندرہ شہروں کے نتائج رپورٹ میں شائع کیے گئے ہیں، یکم جنوری سے 31 مارچ 2026 تک ڈیٹا جمع کیا گیا، تین ماہ میں 1 ارب 23 کروڑ سے زائد نمونوں کا تجزیہ کیا گیا۔

159اضلاع سے اکٹھے کیے گیے نمونوں کی بنیاد پر رپورٹ تیار کی گئی، ملک بھرمیں اوسط ڈاؤن لوڈ اسپیڈ 18.60 ایم بی پی ایس ریکارڈ کی گئی، ہائی اینڈ ڈیوائسز پر اوسط ڈاؤن لوڈ اسپیڈ 30.20 ایم بی پی ایس رہی، ملک بھر میں اوسط اپ لوڈ اسپیڈ 5.81 ایم بی پی ایس ریکارڈ ہوئی۔

ویڈیو ایکسپیرینس اسکور44.97 جبکہ گیمز اسکور 40.93 رہا، ٹائم آن نیٹ ورک 94.21 فیصد ریکارڈ کیا گیا، اوپن سگنل نے حقیقی صارفین کے تجربے کی بنیاد پر نتائج مرتب کیے۔ اسلام آباد،راولپنڈی سمیت مختلف شہروں میں موبائل کمپنیزکی اپلوڈ،ڈاؤن لوڈ اسپیڈ چیک کی گئی۔

امریکی خلائی ادارہ ناسا اپنے اسپیس کرافٹ وائجر 1 کو توانائی ختم ہونے سے بچانے کے لیے بھرپور کوششیں کر رہا ہے۔

خلائی ادارے کا کہنا تھا کہ اب اسپیس کرافٹ کی زندگی بڑھانے اور اس کا مکمل آپریشن بحال کرنے کے لیے ایک ’فار-آؤٹ‘ پلان پر کام کر رہا ہے۔

وائجر 1 کائنات میں سب سے زیادہ فاصلے پر جانے والی انسان کی بنائی گئی کوئی شے ہے۔