نائب وزیراعظم اور وزیرِ خارجہ اسحاق ڈار ساؤتھ ایشین فیڈریشن آف اکاؤنٹنٹس کانفرنس کے موقع پر عہدیداروں سے سائیڈ لائنز میں ملاقاتیں کیں جس دوران انہوں نے جنوبی ایشیا میں مشترکہ ترقی اور جدت کے لیے علاقائی اداروں کے درمیان تعاون مضبوط بنانے پر زور دیا ہے۔

اسحاق ڈار نے ساؤتھ ایشین فیڈریشن آف اکاؤنٹنٹس کانفرنس کے موقع پر سافا عہدیداران سے سائیڈ لائن ملاقات کیں۔ اس موقع پر صدر سافا ہمایوں کبیر سمیت دیگر جنوبی ایشیائی تنظیموں کے نمائندوں موجود تھے اسحاق ڈار نے علاقائی رابطوں کو بڑھانے اور اقتصادی شراکت داری کو وسعت دینے کی ضرورت پر زور دیا ۔

انہوں نے پائیدار ترقی کے لیے پاکستان کے تعمیری کردار کا اعادہ بھی کیا۔ کہا علاقائی امن اور خوشحال خطے کی تعمیر پاکستان کی ترجیحات میں شامل ہے۔۔ پیشہ ورانہ مہارتوں کا تبادلہ جنوبی ایشیا میں معاشی ہم آہنگی پیدا کرنے کے لیے کلیدی اہمیت رکھتا ہے۔

فیلڈمارشل سید عاصم منیر ، ایئر مارشل ظہیر احمد بابر سدھو اور نیول چیف ایڈمرل نوید اشرف نے قوم اور افواج کے افسران و جوانوں کو معرکہ حق کی کامیابی کو ایک سال مکمل ہونے پر مبارکباد پیش کی ہے ۔

آئی ایس پی آر کے مطابق افواج پاکستان کے سربراہان نے مشترکہ تہنیتی پیغام میں کہا کہ قومی یکجہتی ، احترام اور تشکر کے ساتھ منایا جانے والا یہ اہم دن پیشہ ورانہ مہارت ، ہمت اور اتحاد کے پائیدار جذبے کا ثبوت ہے ، مسلح افواج ہمیشہ پاکستانی عوام کے شانہ بشانہ کھڑی ہے، لازوال رشتے کو جذبہ خدمت کے ساتھ فخر سے نبھا رہی ہیں ۔

معرکہ حق ملکی تاریخ میں ایک اہم سنگ میل بن گیا ، جو قومی عزم ، عسکری مہارت اور حکمت عملی کی پختگی کی عکاسی کرتا ہے ، اس عظیم کامیابی نے نہ صرف قومی اعتماد کو مضبوط کیا بلکہ پاکستان کو ایک ذمہ دار اور مستحکم علاقائی قوت کےطورپر بھی اُجاگر کیا ۔

معرکہ حق کے دوران پاکستان کے پُرعزم اور مؤثر ردِعمل نے دشمن کی سازشوں ، فالس فلیگ کے جھوٹے بیانیے اور گمراہ کن پروپیگنڈے کو بے نقاب کیا، جس کے نتیجے میں دشمن کو عالمی سطح پر رسوائی اٹھانا پڑی ، پراکسی دہشت گردی سمیت روایتی اور ہائبرڈ چیلنجز کا سامنا کرنے کے باوجود مسلح افواج نے زمینی ، فضائی ، بحری ، سائبر اور معلوماتی ڈومینز میں اعلیٰ آپریشنل صلاحیت کا مظاہرہ کیا۔

معرکہ حق کےبعد پاکستان نے اپنی دفاعی صلاحیتوں میں مزید اضافہ کرتے ہوئے مکمل سپیکٹرم ڈیٹرنس کو تقویت دی ہے ، عظیم فتح مسلح افواج کی تیاری ، لگن اور پیشہ ورانہ مہارت کا ثبوت ہے ، جس نے مسلح افواج پر عوام کے اعتماد کو فیصلہ کن طور پر مضبوط کیا ، معرکہ حق کی کامیابی کا پہلا سال اس امر کی توثیق کرتا ہے کہ پاکستان خطے میں امن و استحکام کے فروغ اور اپنی خودمختاری کے تحفظ کے لیے پُرعزم اور ثابت قدم ہے ۔

پاکستان اس بات پر یقین رکھتا ہے کہ جنوبی ایشیا میں پائیدار امن صرف بامعنی مذاکرات، باہمی احترام اور بین الاقوامی قانون اور انصاف کے اصولوں کی پاسداری کے ذریعے ہی حاصل کیا جا سکتا ہے ۔ قوم کی غیرمتزلزل حمایت کے ساتھ، مسلح افواج پاکستان کی سلامتی، استحکام اور علاقائی سالمیت کو یقینی بناتےہوئے تمام اندرونی اور بیرونی چیلنجوں کا مقابلہ کرنے کے لیے مستعد اور پوری طرح تیار ہیں ۔

فیصل آباد میں معرکۂ حق کا سال مکمل ہونے پر منعقدہ تقریب سے خطاب کرتے ہوئے مشیر وزیراعظم سینیٹر رانا ثنا اللہ نے کہا ہے کہ سپاہی سے لےکرفیلڈ مارشل سید عاصم منیر تک سب کوسلام پیش کرتے ہیں ، یہ وہ لوگ ہیں جوپوری قوم کے محسن ہیں، ہمارا دشمن اپنے ناپاک عزائم سے باز آنے والا نہیں ہے ، شکست فاش کے بعد بھی سازشوں میں مصروف ہے ۔

تفصیلات کے مطابق رانا ثناء اللہ کا کہناتھا کہ قانون نافذ کرنے والے اداروں کے اہلکار ہمارے ہیرو ہیں جبکہ غازیوں اور شہداء کی فیملیز پوری قوم کے لیے قابلِ احترام ہیں۔ پاکستان کی قیادت دنیا میں امن اور صلح کے فروغ کے لیے کردار ادا کر رہی ہے، جس پر انہیں سلام پیش کرتے ہیں۔

ان کا کہناتھا کہ آج پاکستان پوری دنیا میں امن کا سفیر ہے، یہ کامیابی اس وقت حاصل ہوئی جب پوری قوم متحد تھی، آج ہم خوشی کے لمحات منارہے ہیں تو یہ تجدید عہد بھی ہے ، پاکستان ناقابل تسخیر ہے، میں ان ماؤں اور بہنوں کو سلام پیش کرتا ہوں، جنہوں نے اپنے بیٹے بھائی اورسہاگ اس ملت کو پیش کئے ۔

رانا ثنا اللہ نے کہا کہ پاکستانی قوم اسی جذبے اور حوصلے کے ساتھ ملک کے اندرونی مسائل بھی حل کرے گی۔ انہوں نے مزید کہا کہ آج دنیا بھر میں پاکستان کو جو عزت و وقار حاصل ہے، وہ سب کے سامنے ہے۔

انہوں نے کہا کہ پاکستان افغانستان کے عوام سے محبت کرتا ہے کیونکہ وہ ہمارا ہمسایہ اور برادر مسلمان ملک ہے۔پاکستان نے گزشتہ 40 برسوں سے افغان باشندوں کی میزبانی کی اور آج بھی افغانستان کی مدد کے لیے تیار ہے۔

معرکہ حق اور آپریشن بنیان مرصوص کی پہلی سالگرہ پر راولپنڈی کرکٹ اسٹیڈیم میں پروقار تقریب کا انعقاد کیا گیا جس میں ارکانِ قومی و صوبائی اسمبلی سمیت شہریوں کی بڑی تعداد نے شرکت کی۔

تقریب میں شاندار آتش بازی اور میوزک کنسرٹ کا اہتمام کیا گیا۔ پنڈی اسٹیڈیم پاک فوج کے حق میں نعروں سے گونج اٹھا۔ پارلیمانی سیکرٹری برائے اطلاعات بیرسٹر دانیال چوہدری نے کہا کہ دنیا میں آج تک ایسی بہادری سے جنگ نہیں لڑی گئی، جہاں قوم نے اپنی افواج کے ساتھ سیسہ پلائی دیوار بن کر دشمن کو عبرت ناک شکست دی۔

انہوں نے کہا کہ اتنے بڑے دشمن کے خلاف ہمیں اللہ تعالیٰ کی غیبی مدد حاصل تھی، جس کے نتیجے میں دشمن کے جدید لڑاکا طیارے کاغذ کے جہازوں کی طرح زمین پر گرے۔ دانیال چوہدری کا کہنا تھا کہ ‘آپریشن سندور’ کا جواب ہماری بہادر افواج نے بھارت کے اندر گھس کر دیا اور ثابت کیا کہ پاکستانی افواج کل بھی تیار تھیں اور آج بھی ہر چیلنج کا مقابلہ کرنے کے لیے تیار ہیں۔ شرکا نے فیلڈ مارشل اور مسلح افواج کو ان کی لازوال جرات پر بھرپور خراجِ تحسین پیش

پنجاب حکومت نےپبلک ٹرانسپورٹ کےکرایوں میں خود ساختہ اضافےکا نوٹس لے لیا،عملدرآمد یقینی بنانے کیلئےڈپٹی کمشنر اور ریجنل ٹرانسپورٹ اتھارٹی کو ٹاسک سونپ دیا گیا۔

پبلک ٹرانسپورٹ کے کرایوں میں کوئی اضافہ نہیں کیا جائیگا،عملدرآمدکیلئےڈپٹی کمشنروریجنل ٹرانسپورٹ اتھارٹیوں کو ٹاسک سونپ دیا گیا،محکمہ ٹرانسپورٹ اور ٹرانسپوٹرزکےمابین کرائےنہ بڑھانے پراتفاق کرلیا گیا ہے،ٹرانسپوٹرزنےکرائےنہ بڑھانےپر آمادگی کا اظہارکردیا،محکمہ ٹرانسپورٹ نےٹرانسپورٹرزسےکرائےنہ بڑھانے کے بیان حلفی لے لیے۔

سیکرٹری آرٹی اےلاہوررانا محسن کاکہنا ہےکہ مختلف نجی ٹرانسپورٹ کمپنیوں نےکرایے نہ بڑھانے کا بیان حلفی جمع کروادیا ہے،کرایوں میں خودساختہ اضافہ کرنےوالوں کیخلاف کارروائی کریں گے،تمام بس اڈوں پرچھاپہ مارٹیمیں متحرک کردی گئیں،حکومتی فیصلےکی خلاف ورزیوں پرسخت کارروائیاں عمل میں لائی جائیں گی،ٹرانسپوٹرزکی جانب سےخودساختہ پانچ فیصدپبلک ٹرانسپورٹ کا کرایہ بڑھایا گیا تھا۔

وزیراعظم شہبازشریف جاتی امراء میں مسلم لیگ (ن) کے قائدمیاں نوازشریف سےاہم ملاقات کی، ملاقات میں سیاسی صورتحال اور اہم حکومتی امور پر تبادلہ خیال کیا گیا۔

ذرائع کےمطابق ملاقات میں ملک کی مجموعی سیاسی صورتحال،حکومتی امور اور گلگت بلتستان کے آئندہ انتخابات سےمتعلق تفصیلی تبادلہ خیال کیاگیا،وزیراعظم شہبازشریف نےپیٹرولیم مصنوعات کی قیمتوں کے حوالے سے بھی نواز شریف کو اعتماد میں لیا۔

نواز شریف نےکہاکہ عوام کو ریلیف فراہم کرناحکومت کی اولین ترجیح ہونی چاہیےتاکہ عوامی مشکلات میں کمی لائی جاسکے،مہنگائی کو کنٹرول کیے بغیرعوام کو ریلیف دینا ممکن نہیں،ن لیگ حکومت کی وفاق اور پنجاب میں ایک ہی پالیسی ہونی چاہیےکہ عوام کی مشکلات کو حل کرے

سپریم کورٹ نے 20 سال پرانے قتل کیس میں ملزم کی عمر قید کی سزا کالعدم قرار دیدی،عدالت نے قرار دیاکہ صرف مفرور ہونےکی بنیاد پر کسی ملزم کو قصوروار نہیں کہا جا سکتا،شک کا فائدہ ہمیشہ ملزم کو ملتا ہے۔

کراچی کے 20 سال پرانےقتل کیس کا اہم فیصلہ،سپریم کورٹ نےٹرائل کورٹ اورسندھ ہائیکورٹ کی جانب سےملزم کودی گئی عمرقیدکی سزا کالعدم قراردیدی،8 صفحات پرمشتمل فیصلہ جسٹس اشتیاق ابراہیم نےتحریر کیا۔

فیصلےمیں قراردیاگیاکہ صرف مفرور ہونےکی بنیادپرکسی ملزم کو قصوروار قرارنہیں دیاجاسکتا، فیصلے میں کہاگیاکہ استغاثہ بغیرشک وشبہ کےکیس ثابت کرنےمیں ناکام رہا،پیش کیےگئےشواہد تضادات، نقائص اورشکوک وشبہات سے بھرپور تھے۔

عدالت نےنشاندہی کی کہ جائے وقوعہ اورپولیس اسٹیشن کے درمیان صرف 2 سے3 کلومیٹر کا فاصلہ تھا مگراس کےباوجود ایف آئی آر اُسی روزدرج نہ کرانے اور زخمی گواہ کےمدعی نہ بننےکی کوئی تسلی بخش وضاحت نہیں دی گئی،وقوعےسےملنے والے 5 خالی خول فرانزک تجزیے کیلئے لیبارٹری نہیں بھجوائے گئے۔۔

سپریم کورٹ نےسندھ ہائیکورٹ کے اس مؤقف کو بھی مسترد کردیا کہ وقوعے کے 14 سال بعد گرفتاری ملزم کے قصوروار ہونے کا ثبوت ہے،عدالت نےقراردیا کہ ملزم سے دفعہ 342کے بیان میں مبینہ مفروری سے متعلق سوال ہی نہیں پوچھا گیا اس لیےاسے اس کےخلاف استعمال نہیں کیاجاسکتا،یہ طے شدہ اصول ہےکہ اگرکسی واقعےمیں شک پیدا ہوتو اسکا فائدہ ملزم کوہی جاتا ہے،سپریم کورٹ نےاپنےفیصلے میں یہ آبزرویشن بھی دی کہ چودہ سو سال سےیہ اصول تسلیم شدہ ہے کہ ایک بے گناہ کو سزا دینے کے بجائے 10 گنہگاروں کو بری کرنا بہتر ہے۔

عدالت نےحکم دیاکہ اگر درخواست گزارمحمد اقبال کسی اور مقدمےمیں مطلوب نہیں تو اسے فوری طور پررہا کیا جائے،ملزم کےخلاف 2006میں بلدیہ ٹاؤن کراچی میں 2 افراد کے قتل کا مقدمہ درج کیا گیا تھا۔

لاہور میں معرکۂ حق کی کامیابی پر افواجِ پاکستان سے اظہارِ یکجہتی کیلئے مختلف ریلیوں کا انعقاد کیا گیا۔ پی پی 159 میں مشیر وزیراعلیٰ پنجاب ذیشان ملک کی قیادت میں عظیم الشان ریلی نکالی گئی جبکہ پاکستان پیپلز پارٹی کے زیر اہتمام بھی ’’بنیان مرصوص‘‘اظہارِ یکجہتی ریلی کا انعقاد کیا گیا۔

پی پی 159 میں مشیر وزیراعلیٰ پنجاب ذیشان ملک کی جانب سے نکالی گئی ریلی کا مقصد معرکۂ حق میں کامیابی پر افواجِ پاکستان سے مکمل یکجہتی، قومی اتحاد کے فروغ اور شہداء کو خراجِ عقیدت پیش کرنا تھا۔ ریلی میں عوام، بلدیاتی نمائندوں، لیگی کارکنان، نوجوانوں اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔مشیر وزیراعلیٰ پنجاب ذیشان ملک کا کہنا تھا کہ پاک فضائیہ کے شاہینوں نے دشمن کے غرور کو خاک میں ملا کر پاکستان کی دفاعی برتری دنیا پر ثابت کر دی۔وسری جانب پاکستان پیپلز پارٹی کے زیر اہتمام “بنیان مرصوص” اظہارِ یکجہتی ریلی پارٹی دفتر سے شروع ہو کر کینال روڈ پر اختتام پذیر ہوئی۔ ریلی سے خطاب کرتے ہوئے پیپلز پارٹی لاہور کے صدر فیصل میر نے کہا کہ عوام کی اپنی مسلح افواج سے محبت مثالی ہے اور پوری قوم بھارت کے خلاف تاریخی فتح کا جشن منا رہی ہے۔فیصل میر کا کہنا تھا کہ پاکستان آج دنیا بھر میں سرخرو ہے جبکہ افواجِ پاکستان نے اپنی پیشہ ورانہ مہارت اور قربانیوں سے دشمن کے عزائم خاک میں ملا دیے

پاکستان نے فی الحال ایل این جی سپاٹ کارگوز کی خریداری نہ کرنے کا فیصلہ کرلیا ۔ قطر سے سستی ایل این جی ملنے کی امید پر پاکستان نے کم ترین عالمی بولیاں مسترد کردیں۔

ذرائع کے مطابق قطر سے معاہدے کے تحت مزید سستی ایل این جی ملنے کا امکان ہے، قطر سے2کارگوز’’ٹرم کنٹریکٹ‘‘ریٹ پر ملنے کی توقع ہے۔ قطر کیجانب سے کارگوز کی دستیابی کے مثبت اشارے موصول ہوگئے۔ ممکنہ قطری کارگوز آبنائے ہرمز کے راستے پاکستان آئیں گے۔

ذرائع کے مطابق حکومت سستی درآمدی گیس کے ذریعے توانائی لاگت میں کمی کیلئے متحرک ہے، قطر سے ایل این جی برینٹ خام تیل کی قیمت کے 13.37 فیصد نرخ پر مل سکتی ہے، ایل این جی سپاٹ مارکیٹ کے بجائے طویل مدتی معاہدوں کو ترجیح دی جائے گی۔

بانی پی ٹی آئی کی اہلیہ بشریٰ بی بی سے فیملی کی ملاقات اور ذاتی معالج کی رسائی کی درخواست پر اسلام آباد ہائی کورٹ نے سپرنٹنڈنٹ اڈیالہ جیل کو 12 مئی کو ذاتی حیثیت میں طلب کرلیا۔ جسٹس ارباب محمد طاہر نے دو صفحات پر مشتمل تحریری حکم جاری کر دیا۔

عدالتی حکم نامے میں کہا گیا ہے کہ ایڈووکیٹ جنرل اسلام آباد نوید حیات ملک کے مطابق عدالتی حکم پر عمل ہو گیا ہے۔ سپرنٹنڈنٹ جیل نے درخواست گزار کو ٹیلی فون پر سنا ہے۔

سلمان اکرم راجا نےاعتراض اٹھایا کہ عدالتی حکم کے مطابق بشریٰ بی بی کا علاج نہیں ہورہا۔سلمان اکرم راجا کے مطابق عدالتی حکم کےمطابق سپرنٹنڈنٹ نےدرخواست گزار کو نہیں سنا،ذاتی طورپرسنا جانا چاہیے۔

عدالت نے سپرنٹنڈنٹ اڈیالہ جیل کو درخواست گزار بشریٰ بی بی کی بیٹی کو پیر کو ذاتی حیثیت میں سننے کی ہدایت کی۔ کیس کی مزید سماعت 12 مئی کو ہوگی۔ سپرنٹنڈنٹ اڈیالہ جیل تفصیلی رپورٹ پیش کریں گے