پاکستان شوبز انڈسٹری کی معروف اداکارہ اشنا شاہ نے جلد ماں بننے کا اعلان کر دیا۔

اداکارہ نےاپنےشوہر اورمعروف گالف کھلاڑی حمزہ امین کےہمراہ سوشل میڈیا پرخوبصورت میٹرنٹی فوٹو شوٹ شیئرکیا،جس کے بعد مداحوں اور شوبز شخصیات کی جانب سےمبارکبادوں کا سلسلہ شروع ہو گیا۔

نیویارک میں منعقد ہونے والے میٹ گالا 2026 نے ایک بار پھر عالمی فیشن، فن اور ثقافت کے شاندار امتزاج کو دنیا کے سامنے پیش کیا، مگر اس بار بھارتی نمائندگی نے غیرمعمولی انداز میں سب کی توجہ اپنی جانب مبذول کرلی۔ خاص طور پر ایشا امبانی کی سونے کے تاروں سے تیار کردہ منفرد ساڑھی اس عالمی تقریب کی نمایاں ترین جھلکیوں میں شامل رہی۔

میٹروپولیٹن میوزیم آف آرٹ میں منعقدہ اس سال کی تقریب کا موضوع ’کوسٹیوم آرٹ‘ تھا، جس نے ڈیزائنرز کو لباس کو محض فیشن نہیں بلکہ مکمل فن پارے کے طور پر پیش کرنے کا موقع فراہم کیا۔ اسی تناظر میں ایشا امبانی نے معروف بھارتی ڈیزائنر گورو گپتا کی تخلیق کردہ خصوصی ساڑھی زیب تن کی، جسے روایتی بھارتی دستکاری اور جدید جمالیات کا حسین امتزاج قرار دیا جا رہا ہے۔نیتا مکیش امبانی کلچرل سینٹر کے مطابق ایشا امبانی کی اس خصوصی ساڑھی کی تیاری میں 50 سے زائد ماہر کاریگروں نے حصہ لیا، جبکہ اسے مکمل کرنے میں تقریباً 1200 گھنٹے صرف ہوئے۔ اس شاہکار میں خالص سونے کے دھاگوں کا استعمال کیا گیا، جبکہ لباس میں فریسکو آرٹ سے متاثرہ ڈیزائن کو جدید فیشن کے ساتھ ہم آہنگ کیا گیا۔

یہ ساڑھی صرف ایک لباس نہیں بلکہ بھارتی ثقافتی ورثے، ہنرمندی اور شاہانہ روایت کی عکاس تھی۔ اس کے ساتھ ایشا نے اپنی والدہ نیتا امبانی کے قیمتی زیورات زیب تن کیے، جس نے ان کی شخصیت کو مزید پرشکوہ بنا دیا۔

میٹ گالا 2026 میں بھارتی موجودگی اس بار فلمی ستاروں تک محدود نہیں رہی بلکہ صنعت کاروں، کاروباری شخصیات، سماجی رہنماؤں اور شاہی خاندانوں کے افراد نے بھی بھرپور شرکت کی۔ کرن جوہر نے پہلی مرتبہ اس تقریب میں شرکت کی، جہاں ان کے لباس میں بھارتی مصوری اور زری کے نفیس کام نے تاریخ اور جدیدیت کو یکجا کیا۔

اسی تقریب میں نتاشا پونا والا، اننیا برلا، سدھا ریڈی اور دیگر نمایاں بھارتی شخصیات نے بھی اپنے منفرد ملبوسات کے ذریعے بھارتی تہذیب، روایت، ٹیکنالوجی اور آرٹ کو عالمی سطح پر اجاگر کیا۔

اسپائیڈر مین فلموں میں پیٹر پارکر کا کردار ادا کرنے والے معروف برطانوی اداکار ٹام ہالینڈ نے شراب چھوڑنے کے فیصلے کو ’یادگار قدم‘ قرار دے دیا اور اس فیصلے کی وجہ بھی بتا دی۔

ٹام ہالینڈ نے امریکی میڈیا سے بات کرتے ہوئے انکشاف کیا ہے کہ جنوری 2022ء میں شراب پینا چھوڑ دی تھی۔

انہوں نے کہا کہ شہرت کی وجہ سے زندگی میں مسلسل تناؤ آتا رہتا ہے، اداکار ہونا اور بڑے اسٹیج پر زندگی گزارنا بہت مشکل ہو سکتا ہے اور شراب اس مشکل کو مزید بڑھا دیتی ہے۔

اداکار نے کہا کہ شراب نوشی چھوڑنے کے بعد میرا اعتماد بحال ہوا اور جذباتی استحکام آیا۔

شراب نوشی چھوڑنے کے بعد  سے ٹام ہالینڈ کا کیریئر تیزی سے ترقی کر رہا ہے۔

وہ جلد ہی فلم ’دی اوڈیسی، اسپائیڈر مین: برانڈ نیو ڈے‘ اور ’ایونجرز: ڈومس ڈے‘ میں نظر آنے کے لیے تیار ہیں۔

بالی ووڈ سپر اسٹار عامر خان نے انکشاف کیا کہ انھوں نے دو فلمیں بغیر اسکرپٹ پڑھے کیں، کیونکہ میں اپنے والد سے ڈرتا تھا۔ 

فلم انڈسٹری کے مسٹر پرفیکشنسٹ عام طور پر سوچ سمجھ کر اور معیاری کہانیاں منتخب کرتے ہیں۔ مگر ان کے کیریئر کے ابتدائی دنوں میں کچھ فیصلے ایسے بھی تھے جو اچانک اور غیر متوقع تھے۔

حال ہی میں ایک انٹرویو میں 61 سالہ عامر خان نے بتایا کہ انہوں نے اپنے پورے کیریئر میں صرف دو فلمیں ایسی کیں جن کے اسکرپٹ سنے بغیر ہی انھوں نے انکے لیے ہاں کر دی تھی۔ ان میں، اول نمبر اور  دوسری تم میرے ہو، یہ وہ دو فلمیں تھیں جو انہوں نے بغیر کہانی سنے سائن کیں اور ان دونوں فیصلوں میں ان کے والد طاہر حسین کا بڑا کردار تھا۔

فلموں کے انتخاب کے حوالے سے عامر نے کہا کہ وہ حکمت عملی کے بجائے ہمیشہ دل سے فیصلہ کرتے ہیں، جب میں کسی فلم کا انتخاب کرتا ہوں تو میرا دل اس میں ہونا چاہیے، چاہے میں بطور اداکار کام کروں یا پروڈیوسر۔ جب میں کوئی کہانی سنتا ہوں تو ایک عام فلم بین کی طرح سوچتا ہوں۔ اگر وہ مجھے متاثر کرے، کچھ نیا کہے اور مجھے پرجوش کرے، تب ہی میں فیصلہ کرتا ہوں۔

عامر خان نے بتایا کہ فلم اول نمبر کے لیے ان کے والد نے پہلے ہی ان کی طرف سے ہاں کر دی تھی اور فون کر کے کہا کہ دیو آنند تم سے ملنا چاہتے ہیں اور میں نے تمہاری طرف سے ہاں کر دی ہے۔ میں نے کہا کہ پہلے میں اسکرپٹ سنوں گا، مگر انہوں نے کہا کہ تم کچھ نہیں پوچھو گے، بس جا کر ہاں کر دو۔

معروف ہالی ووڈ اداکار اور سابق ڈبلیو ڈبلیو ای اسٹار ’’ دی راک‘کو امریکی ریاست کیلیفورنیا میں ٹریفک قانون کی خلاف ورزی پر چالان کا سامنا کرنا پڑ گیا۔

غیر ملکی میڈیا رپورٹس کے مطابق 53 سالہ اداکار کو لاس اینجلس میں ہالی ووڈ واک آف فیم تقریب سے واپسی کے دوران پولیس نے روک لیا۔ حکام کے مطابق ان کی گاڑی کے شیشے حد سے زیادہ ٹینٹڈ تھے، جو ریاستی قوانین کی خلاف ورزی ہے۔

کیلیفورنیا کے قوانین کے تحت گاڑی کے اگلے شیشوں میں کم از کم 70 فیصد شفافیت ہونا ضروری ہے، جبکہ ونڈ شیلڈ صرف اوپری چار سے پانچ انچ تک ٹینٹڈ ہو سکتی ہے۔ اس کے علاوہ پچھلا شیشہ ٹینٹڈ ہونے کی صورت میں گاڑی میں دونوں سائیڈ مررز کا ہونا لازمی قرار دیا گیا ہے۔

رپورٹس کے مطابق پہلی مرتبہ خلاف ورزی پر 25 ڈالر جرمانہ اور خرابی فوری درست کرنے کی ہدایت دی جاتی ہے، جبکہ دوبارہ خلاف ورزی پر 200 ڈالر تک جرمانہ اور باقاعدہ چالان کیا جا سکتا ہے۔

بھارتی اداکارہ ریم شیخ شادی کے حوالے سے اپنے خیالات کا اظہار کرنے کے بعد سوشل میڈیا پر خصوصی توجہ کا مرکز بن گئی ہیں۔

 ریم شیخ نے حال ہی میں ایک پوڈ کاسٹ میں بطور مہمان شرکت کی جہاں اُنہوں نے مختلف موضوعات پر گفتگو کی۔

پوڈکاسٹ کے میزبان نے ان سے سوال پوچھا کہ کیا اگر آپ کو کسی دوسرے مذہب سے تعلق رکھنے والے آدمی سے محبت ہوگئی تو معاملات پیچیدہ ہو جائیں گے؟

اداکارہ نے اس سوال کا بہت واضح انداز میں جواب دیتے ہوئے کہا کہ میں ایسا کر ہی نہیں پاؤں گی کیونکہ میں بہت مذہبی انسان ہوں۔

اُنہوں نے کہا کہ میں 5 وقت کی نماز پڑھتی ہوں اور اب میں نے روزے بھی رکھنا شروع کر دیے ہیں تو مجھے نہیں لگتا کہ میں کسی دوسرے مذہب سے تعلق رکھنے والے آدمی سے شادی کر سکوں گی۔

ریم شیخ نے بتایا کہ جب بھی مجھے زندگی میں مشکلات کا سامنا ہوتا ہے تو میں سب سے پہلے اللّٰہ سے مدد مانگتی ہوں، میں اپنی زندگی کسی ایسے شخص کے ساتھ نہیں گزار سکوں گی جو اللّٰہ پر ایمان نہیں رکھتا۔

یہاں دلچسپ بات یہ ہے کہ اداکارہ کا ایک ایسے خاندان سے تعلق ہے جہاں ان کی والدہ ہندو اور والد مسلمان ہیں۔

ریم شیخ نے کم عمری سے ہی دو مختلف مذاہب کو بہت قریب سے دیکھا  اور جانا، ان کا شادی کے حوالے سے واضح مؤقف ان کی زندگی کے انفرادی سفر کی عکاسی کرتا ہے اور اب وہ خود اسلامی تعلیمات پر عمل کرنے کی کوشش کر رہی ہیں۔

پاکستانی اداکارہ اور میزبان فضا علی ایک بار پھر سوشل میڈیا پر بحث کا مرکز بن گئی ہیں، تاہم اس بار وجہ ان کا یومِ مزدور کے موقع پر کیا گیا خصوصی پروگرام ہے۔

یکم مئی کے موقع پر فضا علی نے اپنے شو میں مختلف شعبہ ہائے زندگی سے تعلق رکھنے والے محنت کش افراد کو مدعو کیا تاکہ ان کی خدمات کو خراجِ تحسین پیش کیا جا سکے۔ اس دوران فضا علی خود بھی ہاتھ میں بیلچہ تھامے نظر آئیں اور مزدوروں کے ساتھ ایک خصوصی ویڈیو ریل ریکارڈ کی، جس میں انہوں نے محنت کش طبقے کے کردار کو سراہنے کا پیغام دیا۔

اگرچہ پروگرام کا مقصد مزدوروں کو خراجِ تحسین پیش کرنا تھا، تاہم سوشل میڈیا صارفین کی بڑی تعداد نے اسے محض توجہ حاصل کرنے کی کوشش قرار دیا۔ ناقدین کا کہنا ہے کہ مزدوروں کو عام مہمانوں کی طرح عزت و احترام کے ساتھ پیش کرنے کے بجائے انہیں مخصوص انداز میں دکھایا گیا، جس سے یہ تاثر ملا کہ پروگرام زیادہ تر ریٹنگز اور ویوز کے لیے بنایا گیا۔ایک صارف نے تبصرہ کیا کہ بہتر ہوتا اگر انہیں عزت کے ساتھ مدعو کیا جاتا، نہ کہ صرف سوشل میڈیا مواد کے لیے استعمال کیا جاتا۔

ایک اور صارف نے طنزیہ انداز میں کہا کہ مواد تخلیق کرنے کا فن شاید صرف فضا علی ہی بخوبی جانتی ہیں۔

کئی افراد نے یہ بھی مؤقف اپنایا کہ اگر محنت کشوں کی خدمات کا حقیقی اعتراف مقصود ہوتا تو اسے زیادہ سنجیدہ اور باوقار انداز میں پیش کیا جانا چاہیے تھا۔

فضا علی کی اس ویڈیو نے جہاں کچھ مداحوں کی توجہ حاصل کی، وہیں ناقدین کی جانب سے سخت ردعمل بھی سامنے آیا، جس کے بعد سوشل میڈیا پر ان کے اندازِ پیشکش پر نئی بحث چھڑ گئی ہے۔

بالی ووڈ اداکارہ شلپا شیٹی کے شوہر، معروف بھارتی بزنس مین اور اداکار راج کندرا نے چار برس سے جاری مبینہ فحش مواد کیس پر خاموشی توڑتے ہوئے جذباتی اپیل کردی۔

راج کندرا نے اپنے تازہ بیان میں کہا کہ اگر وہ واقعی قصوروار ہیں تو عدالت انہیں قانون کے مطابق سزا دے، لیکن اگر ان پر لگائے گئے الزامات ثابت نہیں ہوتے تو انہیں باعزت بری کرکے ان کی آزادی اور ساکھ واپس کی جائے۔

انہوں نے کہا کہ گزشتہ چار سال سے یہ مقدمہ نچلی عدالت میں زیر سماعت ہے، اور اب ان کے وکیل اپنے دلائل مکمل کر چکے ہیں۔ راج کندرا کے مطابق مسلسل تاخیر نے ان کی زندگی کو شدید متاثر کیا ہے۔

واضح رہے کہ راج کندرا کو جولائی 2021 میں ممبئی کرائم برانچ نے مبینہ طور پر فحش مواد کی تیاری اور تقسیم کے سنگین الزامات کے تحت گرفتار کیا تھا۔ پولیس نے انہیں اس مبینہ نیٹ ورک کا اہم کردار قرار دیا تھا۔تاہم گرفتاری کے بعد وہ تقریباً دو ماہ جیل میں رہے، جس کے بعد انہیں ضمانت پر رہائی ملی یہ کیس بھارت کی شوبز اور کاروباری دنیا کے سب سے زیادہ متنازع مقدمات میں شمار ہوتا ہے، جبکہ راج کندرا کے حالیہ بیان نے ایک بار پھر اس معاملے کو سرخیوں میں لا کھڑا کیا ہے۔ اب نظریں عدالت کے آئندہ فیصلے پر مرکوز ہیں، جو ان کے مستقبل اور ساکھ کے لیے نہایت اہم ثابت ہو سکتا ہے۔

گلوکار علی ظفر اور میشا شفیع کے درمیان طویل عرصے سے جاری قانونی تنازع ایک بار پھر نئے مرحلے میں داخل ہو گیا ہے، جہاں میشا شفیع نے سیشن کورٹ کے فیصلے کے خلاف لاہور ہائیکورٹ سے رجوع کر لیا ہے۔ لاہور ہائیکورٹ میں میشا شفیع کی جانب سے ایڈووکیٹ ثاقب جیلانی نے اپیل دائر کی، جس میں سیشن عدالت کے اس فیصلے کو چیلنج کیا گیا ہے جس کے تحت علی ظفر کے حق میں فیصلہ دیتے ہوئے میشا شفیع کو 50 لاکھ روپے ہرجانہ ادا کرنے کا حکم دیا گیا تھا۔ اپیل میں مؤقف اختیار کیا گیا کہ ٹرائل کورٹ نے حقائق کا درست انداز میں جائزہ نہیں لیا۔ میشا شفیع کی جانب سے کہا گیا ہے کہ اگر وہ اپنے الزامات مکمل طور پر ثابت نہیں کرسکیں تو علی ظفر بھی خود پر لگائے گئے الزامات کی مکمل نفی ثابت نہیں کر سکے۔

درخواست گزار کے مطابق انہوں نے جنسی ہراسانی کے الزامات سے متعلق صوبائی محتسب سے بھی رجوع کیا تھا، جبکہ اس فیصلے کے خلاف قانونی کارروائی تاحال سپریم کورٹ میں زیر التوا ہے۔ اپیل میں استدعا کی گئی ہے کہ سپریم کورٹ کے حتمی فیصلے سے قبل سیشن کورٹ کی ڈگری نافذ نہیں کی جا سکتی۔

میشا شفیع نے عدالت سے درخواست کی ہے کہ سیشن کورٹ کے 50 لاکھ ہرجانے کے فیصلے کو کالعدم قرار دیا جائے۔

واضح رہے کہ یہ کیس پاکستان کی شوبز انڈسٹری کے سب سے زیادہ زیر بحث قانونی تنازعات میں شمار ہوتا ہے، جس نے نہ صرف تفریحی حلقوں بلکہ سوشل میڈیا پر بھی مسلسل توجہ حاصل کیے رکھی ہے۔ اب لاہور ہائیکورٹ میں دائر نئی اپیل کے بعد اس ہائی پروفائل کیس میں ایک اور اہم قانونی موڑ سامنے آ گیا ہے۔

اسلام آباد:  آباد ہائی کورٹ نے ٹک ٹاکر ثناء یوسف کے قتل کا ٹرائل دوسری عدالت منتقل کرنے کی درخواست مسترد کر دی۔

روزنامہ جنگ کے مطابق اسلام آباد ہائی کورٹ نے جج افضل مجوکا کو ٹرائل جاری رکھنے کا آرڈر جاری کر دیا۔

چیف جسٹس سرفراز ڈوگر نے قتل کے ملزم عمر حیات کی کیس منتقلی کی درخواست پر فیصلہ دیا۔

ملزم عمرحیات نے ٹرائل جج پر عدم اعتماد کا اظہار کرتے ہوئے کیس منتقل کرنے کی درخواست دی تھی۔