محکمہ ثقافت حکومتِ بلوچستان کا ٹیلنٹ ہنٹ موسیقی مقابلے کا اعلان کردیا۔

حکام کےمطابق ایونٹ 19 سے 24 مئی تک نوری نصیرخان کلچرکمپلیکس میں ہوگا، ایمان پاکستان حق میلہ محکمہ ثقافت اور ایمان پاکستان کے اشتراک سےہوگا،ایم پی اے فرح عظیم شاہ نےمیلےکی تیاریوں کا جائزہ لیا۔

پارلیمانی سیکرٹری زرین مگسی کاکہنا ہےکہ تعلیمی اداروں کےطلبا کوشرکت کی دعوت دی ہے، ایونٹ نوجوانوں کومثبت سرگرمیوں کی طرف لائےگا،موسیقی مقابلے کےساتھ ثقافتی وفوڈ اسٹالز اورنمائش بھی ہوں گی۔

نیشنل ڈیزاسٹر منجمنٹ اتھارٹی (این ڈی ایم اے) نےآئندہ 3 روز کےدوران ملک کے مختلف علاقوں میں گرج چمک کےساتھ شدیدبارش اور ژالہ باری کا امکان ظاہر کیاہے، جبکہ برفانی جھیلیں پھٹنے، لینڈسلائیڈنگ اور سیلابی صورتحال کاخدشہ بھی ظاہر کردیا۔

بارشیں برسانےوالا طاقتورسسٹم پاکستان میں داخل ہوچکا،آج سے 5 مئی تک طوفانی بارشوں کے ساتھ اولے پڑنے کا بھی خدشہ ہے،نیشنل ڈیزاسٹر منجمنٹ اتھارٹی نےممکنہ سیلابی صورتحال سے خبردار کر دیا۔

این ڈی ایم اےکےمطابق بالائی علاقوں میں گلیشئرزپگھلنےسےبرفانی جھیلیں پھٹ سکتی ہیں،شدید بارشوں کے باعث پہاڑی علاقوں میں لینڈسلائیڈنگ اورندی نالوں میں طغیانی کا خدشہ ہے،شدید موسمی حالات میں سڑکیں بند اور آمدورفت متاثر ہو سکتی ہے،مری،اسلام آباد،راولپنڈی،لاہور،چکوال،جہلم،سیالکوٹ اور فیصل آبادسمیت پنجاب کے دیگرعلاقوں میں بارش کاامکان ہے۔

خیبرپختونخوا کےمختلف اضلاع ،گلگت بلتستان اور آزاد کشمیرمیں بھی بادل برسیں گے،خیبرپختونخوا کے بعض مقامات پر ژالہ باری کا خدشہ بھی ظاہرکردیا گیا۔

شہریوں سے اپیل کی گئی ہےکہ وہ غیر ضروری سفر سےگریز کریں،مویشیوں اورقیمتی سامان کو محفوظ مقامات پرمنتقل کرنے کے ساتھ مقامی انتظامیہ کی ہدایات پر عملدرآمد بھی یقینی بنایا جائے۔

وفاقی آئینی عدالت نے بلوچستان کے سابق چیف سیکریٹریز اور ان کی بیواؤں کو دی جانے والی تاحیات  کا نوٹیفکیشن کالعدم قرار دے دیا۔ عدالت نے وزیرِ اعلیٰ بلوچستان کی منظوری سے جاری مراعات کو غیر قانونی قرار دیتے ہوئے چیف سیکریٹری بلوچستان کی اپیل مسترد کر دی۔ جسٹس عامر فاروق نے 4 صفحات پر مشتمل فیصلہ جاری کرتے ہوئے کہا کہ قانون کے خلاف کیا گیا ہر حکومتی اقدام بلاجواز ہوتا ہے۔ عدالت کے مطابق ریٹائرڈ افسران کو صرف وہی پینشن اور مراعات دی جا سکتی ہیں جو قانون میں درج ہوں جبکہ اضافی تاحیات مراعات کی کوئی گنجائش موجود نہیں۔ فیصلے میں واضح کیا گیا ہے کہ تنخواہوں، پینشن اور مراعات سے متعلق قواعد بنانے کا اختیار صرف فنانس ڈیپارٹمنٹ کو حاصل ہے اور وزیرِ خزانہ یا چیف سیکریٹری کو اس حوالے سے کوئی اختیار نہیں۔ واضح رہے کہ اس سے قبل بلوچستان ہائی کورٹ بھی ان مراعات کو غیر قانونی قرار دے چکی ہے جس کے خلاف صوبائی حکومت نے اپیل دائر کی تھی جو اب مسترد ہو گئی ہے۔

کوئٹہ:حکومت بلوچستان نے سرکاری جامعات کے اساتذہ و ملازمین کی تنخواہوں اور پنشن کی ادائیگی کے لیے 76 کروڑ 94 لاکھ روپے سے زائد فنڈز جاری کر دیے۔محکمہ خزانہ کی جانب سے جاری ریلیز آرڈر کے مطابق اپریل اور مئی 2026 کی تنخواہوں اور پنشن کی ادائیگی کے لیے مجموعی طور پر 769,479,937 روپے جاری کیے گئے ہیں، جو صوبے کی مختلف پبلک سیکٹر جامعات اور ان کے سب کیمپسز کو فراہم کیے جائیں گے۔دستاویز کے مطابق جامعہ بلوچستان کو تقریباً 24 کروڑ 96 لاکھ روپے، بیوٹمز کو 13 کروڑ 93 لاکھ روپے، سردار بہادر خان وومن یونیورسٹی کو 12 کروڑ 71 لاکھ روپے جبکہ لسبیلہ یونیورسٹی آف ایگریکلچر، واٹر اینڈ میرین سائنسز کو 6 کروڑ 96 لاکھ روپے سے زائد فنڈز مختص کیے گئے ہیں۔اسی طرح یونیورسٹی آف تربت، یونیورسٹی آف لورالائی، میر چاکر خان رند یونیورسٹی سبی، یونیورسٹی آف گوادر، بولان یونیورسٹی آف ہیلتھ اینڈ میڈیکل سائنسز، یونیورسٹی آف مکران پنجگور اور جامعہ بلوچستان خاران کیمپس سمیت دیگر جامعات کو بھی فنڈز فراہم کیے گئے ہیں۔محکمہ خزانہ نے ہدایت کی ہے کہ جاری کردہ فنڈز کی ادائیگی مالیاتی قواعد و ضوابط کے مطابق مکمل کی جائے اور گرانٹ اِن ایڈ رولز 2022 پر مکمل عملدرآمد یقینی بنایا جائے، بصورت دیگر متعلقہ محکمے ذمہ دار ہوں گے۔

خضدار (آن لائن) کمشنر قلات ڈویژن ڈپٹی کمشنر خضدار کی ہدایات پر اسسٹنٹ کمشنر سب ڈویژن خضدار نے عوامی صحت کے تحفظ کے لیئے بڑا قدم اٹھاتے ہوئے گٹکا، چھالیہ اور مضر صحت اجزاءسے تیار شدہ پان کی تیاری، اسٹاک اور فروخت پر فوری طور پر مکمل پابندی عائد کر دی ہے۔انتظامیہ کے مطابق خضدار کی حدود میں گٹکا، چھالیہ اور دیگر نشہ آور اشیاءکی سرِعام فروخت جاری تھی۔ ان کے استعمال سے عوام خصوصاً نوجوان نسل میں منہ، حلق اور کینسر جیسی مہلک بیماریاں تیزی سے پھیل رہی ہیں۔ درج ذیل لوازمات پر عملدرآمد کا حکمنامہ جاری کیا گیا ہے کہ خضدار سب ڈویژن میں گٹکا، چھالیہ اور مضر صحت پان کی تیاری، اسٹاک اور فروخت پر مکمل پابندی ہو گی۔ تمام دکانداروں اور سپلائرز کو اپنا موجودہ اسٹاک ختم کرنے کے لیئے صرف 7 دن دیے گئے ہیں۔ اس کے بعد انتظامیہ اور پولیس کی ٹیمیں اچانک چھاپہ مار کر کاروائی کرینگے۔مہلت کے بعد جس دکان یا گودام سے ممنوعہ اشیاءبرآمد ہوئیں، مال ضبط، ایف آئی آر درج، بھاری جرمانہ اور دکان سیل کر دی جائے گی۔ کوئی عذر قبول نہیں ہو گا۔اسسٹنٹ کمشنر خضدار نے عوام الناس سے اپیل کی ہے کہ صحت مند معاشرے کی تشکیل کے لیے انتظامیہ کا ساتھ دیں اور اس مہم کو کامیاب بنائیں۔اس حکم نامے کی کاپیاں کمشنر قلات ڈویژن، ڈی سی خضدار، ایس پی خضدار، ڈی ایس پی سرکل، تمام ایس ایچ اوز اور پولیس چوکیوں کو بھجوا دی گئی ہیں تاکہ عملدرآمد یقینی بنایا جا سکے۔

ڈیرہ مراد جمالی : نصیرآباد، جھل مگسی، جعفرآباد، کچھی سمیت دیگر علاقوں میں گرمی کی شدت میں زبردست اضافہ درجہ حرارت 47 سینٹی گریڈ تک پہنچ گیا شدید گرمی اور سخت گرم ہواوں کے چلنے سے کاروبار زندگی شدید متاثر بجلی کا طویل ترین بریک ڈاو¿ن عوام کی مشکلات میں اضافہ لوگ اپنے گھروں تک محدود تفصیلات کے مطابق ڈیرہ مراد جمالی ڈیرہ اللہ یار صحبت پور اوستہ محمد گنداواہ چھتر نوتال بھاگ جھل مگسی روجھان جمالی میرحسن تمبو منجھوشوری خنکوٹ غفورآباد سکندرآباد مانجھوٹی فریداباد بختیاراباد سنی شوران فتح پور لانڈھی شریف سمیت دیگر علاقوں میں صبح ہوتے ہی سورج نے آگ اگلنا شروع کردی شدید گرمی اور سخت گرم ہواوں کے چلنے کی وجہ سے انسانی زندگی مفلوج ہوکر رہ گیا شدید گرمی میں مزکورہ علاقوں میں بجلی کا روزانہ طویل ترین بریک ڈاو¿ن سے کاروبار ٹھپ ہوکر رہ گیا ڈیرہ مراد جمالی اور دیگر علاقوں میں پانی کی شدید قلت کا سلسلہ برقرار رہا جس سے اہل علاقے کے عوام پانی کی بوند بوند کو ترس گئے سارا دن خواتین وبچے بوڑھے پانی کے سرگرداں رہتے ہیں جبکہ برف فیکٹری کے مالکان کی ہڑتال کی وجہ سے ڈیرہ مراد جمالی میں برف نا پید ہو گئی ہے جس سے عوام کی مشکلات میں مزید اضافہ ہوا ہے ۔

گوادر (این این آئی)ضلع گوادرکے محنت کش ماہی گیر آج بھی بنیادی حقوق ولیبر قوانین سے محروم، حکومتی وعدے ادھورے،صحت کارڈ، ماہیگیر کالونی اور فلاحی اسکیمیں محض اعلانات تک محدود ،بلوچستان حکومت کی یقین دہانیاں عملی شکل نہ اختیار کر سکیں
گوادر (این این آئی)ضلع گوادرکے محنت کش ماہیگیر آج بھی بنیادی حقوق ولیبر قوانین سے محروم، حکومتی وعدے ادھورے،صحت کارڈ، ماہیگیر کالونی اور فلاحی اسکیمیں محض اعلانات تک محدود ،بلوچستان حکومت کی یقین دہانیاں عملی شکل نہ اختیار کر سکیں۔تفصیلات کے مطابق یکم مئی یومِ مزدور کے موقع پر جہاں دنیا بھر میں محنت کشوں کی خدمات کو سراہا جا رہا ہے، وہیں بلوچستان کے ساحلی شہر اور علاقوں میں ماہیگیر برادری آج بھی بنیادی انسانی حقوق اور لیبر قوانین سے محرومی کا شکار ہے۔ سالہا سال سے حکومتی سطح پر ماہیگیروں کی فلاح و بہبود کے لیے متعدد اعلانات کیے گئے تاہم ان پر عملدرآمد نہ ہونے کے باعث مقامی ماہیگیر شدید مشکلات سے دوچار ہیں۔مقامی ماہیگیروں کا کہنا ہے کہ حکومت بلوچستان کی جانب سے صحت کارڈ کے اجرا، جدید سہولیات سے آراستہ ماہیگیر کالونی کے قیام، روزگار کے بہتر مواقع اور فلاحی اسکیموں کے وعدے تو کیے گئے مگر عملی طور پر کوئی خاطر خواہ پیش رفت نہیں ہو سکی۔ ان کا کہنا ہے کہ سمندر سے روزی کمانے والے یہ محنت کش نہ تو مناسب طبی سہولیات سے مستفید ہو رہے ہیں اور نہ ہی انہیں سماجی تحفظ حاصل ہے۔ماہیگیر رہنماو¿ں کے مطابق ضلع گوادر اور اس کے نواحی علاقوں میں ہزاروں خاندانوں کا انحصار ماہی گیری پر ہے مگر بڑھتی مہنگائی، غیر قانونی ٹرالنگ، اور بنیادی سہولیات کی عدم دستیابی نے ان کی زندگی اجیرن بنا دی ہے۔ انہوں نے مطالبہ کیا کہ حکومت فوری طور پر اپنے وعدوں پر عملدرآمد یقینی بنائے جن میںبماہیگیروں کے لیے صحت کارڈ اسکیم کے اجرا کا اعلان، گوادر میں ماہیگیر کالونی کے قیام ،ماہیگیروں کے لیے سبسڈی اور مالی امداد پروگرامز کا اعلان،غیر قانونی ٹرالنگ کے خاتمے اور مقامی ماہیگیروں کے تحفظ کے دعوے،ماہیگیروں کے بچوں کے لیے تعلیمی سہولیات اور اسکالرشپس کے وعدے، جو ابھی تک مکمل نہ ہو سکے۔یومِ مزدور کے موقع پر ماہیگیر برادری نے حکومت سے مطالبہ کیا ہے کہ وہ محض اعلانات کے بجائے عملی اقدامات کرے تاکہ اس محنت کش طبقے کو ان کا جائز حق مل سکے۔

اوتھل (این این آئی)ایس ایس پی لسبیلہ نجیب اللہ پندرانی کی ہدایت پر ایس ایچ او اوتھل وحید علی مگسی نے پولیس ٹیم کے ہمراہ بین الصوبائی اسمگلروں کے خلاف گھیرا تنگ کرتے ہوئے۔آٹھ ارب ریال کے قریب غیر ملکی کرنسی کی اسمگلنگ کی بڑی کوشش ناکام بنا دی، کارروائی کے دوران گاڑی سے اربوں ایرانی ریال برآمد کر کے کسٹمز حکام کے حوالے کر دیے گئے،تفصیلات کے مطابق ایس ایس پی لسبیلہ نجیب اللہ پندرانی کی جانب سے ضلع بھر میں جرائم پیشہ عناصر اور اسمگلنگ کی روک تھام کے لیے جاری خصوصی مہم کے سلسلے میں ایس ایچ او اوتھل وحید علی مگسی نے پولیس ٹیم کے ہمراہ مین آر سی ڈی روڈ پر زیرو پوائنٹ پر چیکنگ کے دوران کوئٹہ سے کراچی جانے والی ایک مشکوک کار کو روک کر تلاشی لی گئی۔ پولیس کے مطابق تلاشی کے دوران گاڑی کے خفیہ خانوں سے سات ارب اٹھاسی کروڑ (7,880,000,000) ایرانی ریال برآمد ہوئے۔ اتنی خطیر رقم کی غیر قانونی منتقلی پر پولیس نے فوری طور پر کرنسی قبضے میں لے کر کارروائی کا آغاز کر دیا۔وتھل پولیس نے ابتدائی ضابطے کی کارروائی مکمل کرنے کے بعد برآمد شدہ تمام غیر ملکی کرنسی کو مزید قانونی چارہ جوئی اور تحقیقات کے لیے کسٹم حکام وندر کے حوالے کر دیا ہے۔ ایس ایس پی لسبیلہ نے اس کامیاب کارروائی پر ایس ایچ او اوتھل اور ان کی ٹیم کی کارکردگی کو سراہا ہے۔

ژوب (این این آئی) ژوب سمیت بلوچستان کے سیلاب سے متاثرہ چھ اضلاع میں بلوچستان رورل سپورٹ پروگرام (بی آر ایس پی) نے یورپی یونین اور پاکستان پاورٹی ایلیویشن فنڈ (پی پی اے ایف) کے مالی تعاون اور محکمہ لائیو اسٹاک بلوچستان کے اشتراک سے مالداروں کے لیے منصوبے کا آغاز کردیا۔ یہ پراجیکٹ ژوب، لورالائی، پشین، خضدار، لسبیلہ اور جعفرآباد کے ایک سو بیس یونین کونسلوں میں جاری ہے، جس کا بنیادی مقصد نہ صرف متاثرہ خاندانوں کو وقتی امداد فراہم کرنا ہے بلکہ موسمیاتی تبدیلی کے تناظر میں ایک پائیدار، مضبوط اور خودکفیل دیہی معیشت کی بنیاد بھی رکھنا ہے۔ڈسٹرکٹ پروگرام مینیجر بی آر ایس پی قطب خان آفاقی کا کہنا ہے کہ پراجیکٹ کا ایک اہم مقصد لائیو اسٹاک ویلیو چین کو مضبوط بنانا یعنی مالداری کے معاشی قدر میں اضافہ کرنا بھی ہے۔ مالداروں کی عملی تربیت، ری اسٹاکنگ، اور معاشی خدمات تک رسائی منصوبے کے اہم اہداف ہیں۔” پراجکیٹ کا مقصد سیلاب سے متاثرہ خاندانوں کی بحالی، مالداری پر منحصر دیہی معیشت کو مضبوط بنانا، ڈیری شعبے میں بہتری لانا، خواتین اور نوجوانوں کی شرکت میں اضافہ، مالیاتی سہولیات تک رسائی دینا اور موسمیاتی لحاظ سے محفوظ اور پائیدار مالداری نظام کا قیام شامل ہیں۔”اس پراجیکیٹ کے تحت بارہ سو لائیو اسٹاک گروپس اور ایک ہزار سے زائد پروڈیوسر گروپس تشکیل دیے جا رہے ہیں تاکہ مالداروں کو پیداوار، مارکیٹ تک رسائی اور بہتر قیمتوں کے مواقع فراہم کیے جاسکیں۔ علاوہ ازین لائیو اسٹاک مارکیٹس یا مویشی منڈیاں بھی قائم کی جائیں گی، جبکہ چوبیس چھوٹے اور درمیانے درجے کے کاروباری اداروں (ایس ایم ایز) کو میچنگ گرانٹس دی جارہی ہیں۔ پراجیکٹ کے تحت دس ہزار مستحق خاندانوں کو مویشی فراہم کیے جارہے ہیں، جبکہ چھ ہزار پانچ سو افراد کو کمیونٹی لائیولی ہڈ فنڈ کے توسط سے مالی معاونت دی جا رہی ہے۔ علاوہ ازیں تقریباً چھ سو ولیج آرگنائزیشنز اور پروڈیوسر گروپس بھی براہ راست اس پروگرام سے مستفید ہوں گے۔ مختلف سلاٹر ہاو¿سز یا مذبح خانوں کی مرمت اور سہولیات کی فراہمی بھی منصوبے کا حصہ ہے۔قطب خان آفاقی کے مطابق محکمہ جنگلات کے تعاون سے رینج لینڈ کی نشاندہی کی جارہی ہے، تاکہ شجرکاری کرکے مویشیوں کے لیے چراگاہوں کو بہتر بنایا جا سکے اور پائیدار مالداری کو فروغ دیا جا سکے۔

کوئٹہ، 30 اپریل ۔ وزیر اعلیٰ بلوچستان میر سرفراز بگٹی نے کہا ہے کہ پیپلز ایئر ایمبولینس عوامی خدمت کے لیے مکمل طور پر تیار ہے اور جلد اس کا باقاعدہ افتتاح چئیرمین پاکستان پیپلزپارٹی بلاول بھٹو زرداری کریں گے سماجی رابطے کی سائٹ ایکس پر اپنے ایک پیغام میں انہوں نے کہا کہ یہ منصوبہ بلوچستان کی تاریخ میں اپنی نوعیت کا پہلا انقلابی اقدام ہے جو صحت کے شعبے میں ایک اہم سنگ میل کی حیثیت رکھتا ہے انہوں نے کہا کہ ایئر ایمبولینس سروس کے آغاز سے صوبے کے دور دراز اور پسماندہ علاقوں میں رہنے والے مریضوں کو بروقت ہنگامی طبی امداد کی فراہمی ممکن ہو سکے گی یہ جدید سہولت شدید زخمی اور نازک حالت کے مریضوں کو فوری طور پر بڑے شہروں کے اسپتالوں تک منتقل کرنے میں معاون ثابت ہوگی جس سے قیمتی انسانی جانوں کے تحفظ کو یقینی بنایا جا سکے گا وزیر اعلیٰ نے کہا کہ یہ منصوبہ حادثات، قدرتی آفات اور دیگر ہنگامی صورتحال میں فوری رسپانس سسٹم کو مزید مو¿ثر بنانے میں کلیدی کردار ادا کرے گا انہوں نے کہا کہ حکومت بلوچستان صحت کے شعبے کو جدید خطوط پر استوار کرنے اور عوام کو معیاری طبی سہولیات کی فراہمی کے لیے سنجیدہ اور عملی اقدامات کر رہی ہے انہوں نے کہا کہ پیپلز ایئر ایمبولینس کا یہ منصوبہ حکومت بلوچستان کے فلاحی عزم کی عملی تصویر ہے جو عوام کو بہتر اور بروقت طبی سہولیات کی فراہمی کی جانب ایک تاریخی پیش رفت ثابت ہوگا۔