کوئٹہ:حکومت بلوچستان نے سرکاری جامعات کے اساتذہ و ملازمین کی تنخواہوں اور پنشن کی ادائیگی کے لیے 76 کروڑ 94 لاکھ روپے سے زائد فنڈز جاری کر دیے۔محکمہ خزانہ کی جانب سے جاری ریلیز آرڈر کے مطابق اپریل اور مئی 2026 کی تنخواہوں اور پنشن کی ادائیگی کے لیے مجموعی طور پر 769,479,937 روپے جاری کیے گئے ہیں، جو صوبے کی مختلف پبلک سیکٹر جامعات اور ان کے سب کیمپسز کو فراہم کیے جائیں گے۔دستاویز کے مطابق جامعہ بلوچستان کو تقریباً 24 کروڑ 96 لاکھ روپے، بیوٹمز کو 13 کروڑ 93 لاکھ روپے، سردار بہادر خان وومن یونیورسٹی کو 12 کروڑ 71 لاکھ روپے جبکہ لسبیلہ یونیورسٹی آف ایگریکلچر، واٹر اینڈ میرین سائنسز کو 6 کروڑ 96 لاکھ روپے سے زائد فنڈز مختص کیے گئے ہیں۔اسی طرح یونیورسٹی آف تربت، یونیورسٹی آف لورالائی، میر چاکر خان رند یونیورسٹی سبی، یونیورسٹی آف گوادر، بولان یونیورسٹی آف ہیلتھ اینڈ میڈیکل سائنسز، یونیورسٹی آف مکران پنجگور اور جامعہ بلوچستان خاران کیمپس سمیت دیگر جامعات کو بھی فنڈز فراہم کیے گئے ہیں۔محکمہ خزانہ نے ہدایت کی ہے کہ جاری کردہ فنڈز کی ادائیگی مالیاتی قواعد و ضوابط کے مطابق مکمل کی جائے اور گرانٹ اِن ایڈ رولز 2022 پر مکمل عملدرآمد یقینی بنایا جائے، بصورت دیگر متعلقہ محکمے ذمہ دار ہوں گے۔

کوئٹہ:وزیراعلی بلوچستان میر سرفراز بگٹی کے صاف ستھرے کوئٹہ مہم کے تحت اور ڈپٹی کمشنر کوئٹہ مہراللہ بادینی کی ہدایات پر اسسٹنٹ کمشنر (سٹی) محمد امیرحمزہ نے ٹریفک پولیس ، ضلعی پولیس اور انجمن تاجران کے ہمراہ مسجد روڈ، آرٹس اسکول روڈ اور لیاقت بازار میں انسدادِ تجاوزات کے حوالے سے آگاہی واک کی۔ اس واک کا مقصد دکانداروں، ریڑھی بانوں اور شہریوں کو کاروباری حدود کی پابندی اور سڑکوں و گزرگاہوں کو تجاوزات سے پاک رکھنے کے بارے میں آگاہ کرنا تھا۔ اس موقع پر انجمن تاجران کے نمائندگان نے بھی شرکت کی اور انہیں ٹریفک کی روانی اور پیدل چلنے والوں کے لیے راستے کھلے رکھنے کی اہمیت پر بریفنگ دی گئی۔ضلعی انتظامیہ نے واضح کیا کہ یہ اقدام کارروائیوں سے قبل رضاکارانہ تعاون کے فروغ کے لیے ہے، اور شہر میں قانون کی عملداری اور عوامی سہولت کو یقینی بنایا جائے گا۔

کوئٹہ (آن لائن ) بلوچستان اسمبلی کی پرانی عمارت کو گرانے کے خلاف درخواست سماعت کے لیے آج مورخہ 28 اپریل 2026ءکو مقرر کردی گئی ۔ بلوچستان اسمبلی کی عمارت کو گراکر نئی عمارت تعمیر کرنے کا منصوبہ بنایا گیا اور بلوچستان اسمبلی کی پرانی عمارت کو گرانے کا ٹینڈر چند روز قبل جاری کیا گیا تھا۔ ذرائع حکومت کے مطابق نئی عمارت پانچ ارب روپے کی لاگت سے تعمیر کرنے کا منصوبہ ہے، مقامی ثقافت سے ہم آہنگ پرانی عمارت کو گرانے کے خلاف بلوچستان ہائیکورٹ میں پہلے آئینی درخواست دائر کی گئی تھی۔ آئینی درخواست سینئر وکیل اور سپریم کورٹ بار ایسوسی ایشن پاکستان کے سابق صدر امان اللہ کنرانی ایڈووکیٹ نے دائر کی تھی۔ ٹینڈر کے اجرا کے بعد انھوں نے آئینی پٹیشن کی جلد سماعت کے لیے درخواست دائر کی۔ جس میں درخواست گزار نے استدعا کی کہ آئینی درخواست کی سماعت 7مئی کو عمارت کو توڑے جانے کے ٹینڈر کھلنے سے پہلے مقرر کی جائے۔ عدالت کی جانب سے امان اللہ کنرانی ایڈووکیٹ کی ہائیکورٹ نے آئینی درخواست کی سماعت کے لیے 28 اپریل کی تاریخ مقرر کردی ہے۔

کوئٹہ: کوئٹہ میں میٹروپولیٹن کارپوریشن کے ایڈمنسٹریٹر زاہد خان خلجی نے جوائنٹ روڈ کا تفصیلی دورہ کیا، جہاں طویل عرصے سے سڑک کے دونوں اطراف قائم سبزی فروشوں کی ریڑھیوں کے باعث ٹریفک کی روانی متاثر ہو رہی تھی دورے کے دوران ایڈمنسٹریٹر نے موقع پر موجود عملے کو ہدایت جاری کی کہ تمام ریڑھی بانوں کو سڑک سے ہٹا کر ایک مخصوص مقام پر منتقل کیا جائے، تاکہ ٹریفک کے نظام کو بہتر بنایا جا سکے اور شہریوں کو آمدورفت میں سہولت فراہم ہو۔حکام کے مطابق اس اقدام کے تحت ریڑھیوں کو باقاعدہ پوائنٹ مختص کر کے وہاں منتقل کیا جا رہا ہے، جبکہ موقع پر موجود عملے نے کارروائی کا آغاز بھی کر دیا۔ اس دوران متعلقہ ریلوے عملہ بھی موجود تھا، جنہیں انتظامی معاملات میں شامل کیا گیا۔ایڈمنسٹریٹر کا کہنا تھا کہ شہر میں تجاوزات کے خاتمے اور ٹریفک کی بہتری کیلئے ایسے اقدامات کا سلسلہ جاری رکھا جائے گا، تاکہ شہریوں کو ایک منظم اور بہتر ماحول فراہم کیا جا سکے۔

کوئٹہ :بلوچستان میں بینک صارفین سے رقم نکلوانے والے گروہ ایک بار پھر متحرک ہو گئے ہیں، جس کے باعث شہریوں میں شدید تشویش پائی جا رہی ہے۔ گزشتہ ایک سے دو ہفتوں کے دوران مختلف بینکوں کے متعدد صارفین سے لاکھوں روپے نکلوائے جانے کے واقعات سامنے آئے ہیں۔متاثرہ افراد کے مطابق فراڈ کرنے والا گروہ مختلف طریقوں سے شہریوں سے رابطہ کرکے حساس معلومات حاصل کرتا ہے اور بعد ازاں ان کے اکاو¿نٹس سے رقم نکال لیتا ہے۔ شہریوں کا کہنا ہے کہ ایسے واقعات میں مسلسل اضافہ ہو رہا ہے، تاہم بینک انتظامیہ کی جانب سے مو¿ثر اقدامات دیکھنے میں نہیں آ رہے۔متاثرین نے الزام عائد کیا ہے کہ جب انہوں نے متعلقہ بینک برانچز کے منیجرز سے رجوع کیا تو انہیں تسلی دینے یا کارروائی کی یقین دہانی کروانے کے بجائے احتیاطی تدابیر اختیار کرنے کا مشورہ دیا گیا۔ بینک حکام نے صارفین کو ہدایت کی کہ وہ کسی بھی نامعلوم کال کو اٹینڈ نہ کریں، اپنی ذاتی معلومات شیئر نہ کریں اور مشکوک پیغامات کو ہرگز نہ کھولیں۔شہریوں کا کہنا ہے کہ اگرچہ احتیاطی تدابیر ضروری ہیں، تاہم بینکوں کی ذمہ داری ہے کہ وہ صارفین کے اکاو¿نٹس کو محفوظ بنانے کے لیے مو¿ثر نظام وضع کریں۔ ان کا مو¿قف ہے کہ نقصان کی صورت میں مکمل ذمہ داری صارفین پر ڈالنا مناسب نہیں۔متاثرہ افراد نے اسٹیٹ بینک آف پاکستان اور دیگر متعلقہ اداروں سے مطالبہ کیا ہے کہ ایسے واقعات کا نوٹس لیا جائے اور ان بینکوں کے خلاف کارروائی کی جائے جو صارفین کی رقوم کے تحفظ میں ناکام ہیں۔شہریوں نے خدشہ ظاہر کیا ہے کہ اگر بروقت اقدامات نہ کیے گئے تو بینکنگ نظام پر عوام کا اعتماد مجروح ہو سکتا ہے، جس کے نتیجے میں لوگ اپنی رقوم گھروں میں رکھنے پر مجبور ہو جائیں گے، اور یوں ڈکیتی و دیگر جرائم میں اضافے کا خطرہ بڑھ سکتا ہے۔

کوئٹہ: محکمہ ریلوے کی جانب سے کوئٹہ سمیت بلوچستان بھر میں سیکیورٹی خدشات کے پیش نظر اہم اور سخت ہدایات جاری کر دی گئی ہیں، جن کے تحت ریلوے سے متعلق کسی بھی قسم کی خبر، فوٹوگرافی، ویڈیوگرافی اور منظرکشی کو بغیر پیشگی اجازت جرم قرار دے دیا گیا ہے۔ حکام کے مطابق ان اقدامات کا مقصد قومی اثاثوں کا تحفظ اور ریلوے تنصیبات کی سیکیورٹی کو یقینی بنانا ہے۔ریلوے حکام نے واضح کیا ہے کہ تمام ریلوے اسٹیشنز، پلیٹ فارمز، یارڈز اور دیگر آپریشنل تنصیبات کو حساس قرار دے دیا گیا ہے، جہاں بغیر اجازت داخلہ مکمل طور پر ممنوع ہوگا۔ کسی بھی فرد کو ان مقامات پر ویڈیو بنانے، تصاویر لینے یا رپورٹنگ کرنے سے قبل باقاعدہ تحریری اجازت لینا لازمی ہوگا، بصورت دیگر متعلقہ افراد کے خلاف قانونی کارروائی عمل میں لائی جائے گی یو این اے کو موصول اعلامیے میں کہا گیا ہے کہ پلیٹ فارم پر داخلہ صرف ان مسافروں کو حاصل ہوگا جن کے پاس ٹرین کا ٹکٹ یا پلیٹ فارم ٹکٹ موجود ہوگا، جبکہ انجن، بریک وین اور دیگر آپریشنل حصوں میں صرف مجاز ریلوے عملے کو ہی داخلے کی اجازت ہوگی۔ اس کے علاوہ ریلوے یارڈز میں داخل ہونا یا ریلوے پٹری عبور کرنا بھی جرم قرار دے دیا گیا ہے ریلوے حکام نے صحافیوں، وی لاگرز، بلاگرز اور سوشل میڈیا صارفین کو ہدایت کی ہے کہ وہ ریلوے حدود میں کسی بھی قسم کی ریکارڈنگ یا اشاعت سے قبل متعلقہ حکام سے اجازت حاصل کریں۔ بغیر اجازت مواد بنانے یا شیئر کرنے والوں کے خلاف نہ صرف قانونی بلکہ محکمانہ کارروائی بھی کی جائے گی مزید کہا گیا ہے کہ ریلوے اسٹیشنز پر سیکیورٹی اقدامات کو مزید سخت کر دیا گیا ہے اور غیر متعلقہ افراد کے داخلے پر مکمل پابندی عائد کر دی گئی ہے۔ حکام نے عوام سے اپیل کی ہے کہ وہ جاری کردہ قوانین پر سختی سے عمل کریں اور کسی بھی خلاف ورزی سے گریز کریں۔پاکستان ریلوے نے خبردار کیا ہے کہ ان ہدایات کی خلاف ورزی کرنے والوں کے خلاف سخت قانونی کارروائی عمل میں لائی جائے گی، جبکہ قومی تنصیبات کے تحفظ کیلئے کسی قسم کی غفلت برداشت نہیں کی جائے گی۔

کوئٹہ (آن لائن ) کوئٹہ میں ڈیجیٹل فراڈ کے ذریعے شہری کو لاکھوں روپے کی رقم سے محروم کر دیا گیا ، شہری نے بنکنگ محتسب کو درخواست دیدی ، وزارت داخلہ بلوچستان نے بھی واقے کا نوٹس لے لیا ۔تفصیلات کے مطابق کوئٹہ کے شہری کو ڈیجیٹل فراڈ کا شکار بنا اسے چالیس لاکھ روپے سے محروم کر دیا گیا ۔ متاثرہ شہری نصیر دوتانی نے بتایا کہ کچھ روز پہلے انہوں نے گاڑی خریدی تھی،جس کی تمام رقم دے دی تھی صرف پندرہ ہزار روپے باقی تھے جسے لینے وہ لینے علمدار روڈ پر واقع نجی بینک کے اے ٹیم ایم میں گیا تو کیش نکالنے پر پتہ چلا کہ اکاﺅنٹ میں صرف 5 ہزار روپے پڑے ہوئے تھے ۔جس کے بعد انہوں نے رقم کی برآمدگی کے لئے بینکنگ محتسب اور متعلقہ بینک کے ہیڈ آفس کو تحریری درخواست دے دی ۔وزارت داخلہ بلوچستان نے شہری سے ڈیجیٹل فراڈ کا نوٹس لے لیا ، معاون داخلہ بابر یوسفزئی کہتے ہیں کہ فراڈ میں ملوث ملزمان کو گرفتار کیا جائے گا ۔بینکنگ محتسب کے مطابق معاملے کی تحقیقات کی جائیں گی اورمتاثرہ شہری کو انصاف فراہم کیا جائے گا ۔

کوئٹہ(یو این اے )صوبائی دارالحکومت کوئٹہ اور اس کے ملحقہ علاقوں میں اچانک تیز ہواں اور گرج چمک کے ساتھ بارش کا سلسلہ شروع ہو گیا ہے، جس سے گرمی کا زور ٹوٹ گیا اور موسم خوشگوار ہو گیا ہے۔ بارش کے آغاز کے ساتھ ہی شہر کے مختلف علاقوں میں ٹھنڈی ہوائیں چلنے لگی ہیں، تاہم کئی مقامات پر بجلی کی فراہمی معطل ہونے اور نشیبی علاقوں میں سڑکوں پر پانی جمع ہونے کی اطلاعات بھی موصول ہو رہی ہیں۔محکمہ موسمیات نے پیش گوئی کی ہے کہ بارش کا یہ سلسلہ وقفے وقفے سے جاری رہ سکتا ہے، جس کے پیش نظر ضلعی انتظامیہ نے متعلقہ اداروں کو الرٹ رہنے کی ہدایت کر دی ہے۔ شہریوں کو مشورہ دیا گیا ہے کہ وہ بارش کے دوران بجلی کے کھمبوں اور بوسیدہ دیواروں سے دور رہیں اور غیر ضروری سفر سے گریز کریں تاکہ کسی بھی ناخوشگوار واقعے سے بچا جا سکے۔ دوسری جانب طویل خشک سالی کے بعد ہونے والی اس بارش سے زمینداروں اور عوام نے اطمینان کا اظہار کیا ہے۔

کوئٹہ(یو این اے )بلوچستان میں قومی شاہراہوں پر ٹریفک نظام کی بہتری اور حادثات کی روک تھام کے لیے اہم پیش رفت سامنے آئی ہے، جہاں پارلیمانی سیکرٹری ٹرانسپورٹ میر لیاقت لہڑی اور ڈی آئی جی موٹروے بلوچستان ڈاکٹر قریش خان کے درمیان ایک اہم ملاقات ہوئی۔ ملاقات میں صوبے بھر میں ٹریفک مینجمنٹ کو مثر بنانے اور عوام کو محفوظ سفری سہولیات فراہم کرنے کے لیے مربوط حکمت عملی اور مشترکہ اقدامات پر اتفاق کیا گیا۔ملاقات کے دوران شاہراہوں پر ٹریفک کے بڑھتے ہوئے مسائل اور حادثات کی وجوہات کا تفصیلی جائزہ لیا گیا۔ میر لیاقت لہڑی نے گفتگو کرتے ہوئے کہا کہ عوام کی جان و مال کا تحفظ حکومت کی اولین ترجیح ہے اور طویل شاہراہوں پر ٹریفک مینجمنٹ کے چیلنج سے نمٹنے کے لیے اداروں میں ہم آہنگی ناگزیر ہے۔ ڈی آئی جی موٹروے ڈاکٹر قریش خان نے اس عزم کا اظہار کیا کہ جدید ٹیکنالوجی، بہتر پٹرولنگ اور ایمرجنسی رسپانس کے ذریعے حادثات میں کمی لائی جائے گی۔ فریقین نے ٹریفک قوانین پر سختی سے عملدرآمد، ڈرائیورز کی آگاہی مہم اور خطرناک مقامات کی نشاندہی کے لیے مشترکہ سروے کرنے کا بھی فیصلہ کیا۔

کوئٹہ میں قومی کراٹے کھلاڑی آرزو حیدر انتقال کر گئیں۔

خاندانی ذرائع کے مطابق آرزو حیدر گزشتہ روز ایک ٹریفک حادثے میں شدید زخمی ہو گئیں تھیں اور نجی اسپتال میں زیر علاج تھیں، دورانِ علاج زخموں کی تاب نہ لاتے ہوئے وہ جانبر نہ ہو سکیں۔

آرزو حیدر کی اچانک وفات پر کھیلوں کے حلقوں میں گہرے دکھ اور افسوس کی لہر دوڑ گئی ۔ مشیر کھیل بلوچستان مینا مجید نے آرزو حیدر کے انتقال پر اظہار افسوس کرتے ہوئے کہا کہ وہ ایک باصلاحیت، محنتی اور باہمت کھلاڑی تھیں، جنہوں نے کم عمری میں اپنی صلاحیتوں کا لوہا منوایا۔

انہوں نے کہا کہ آرزو حیدر کی خدمات کو ہمیشہ یاد رکھا جائے گا اور ان کا خلاء کبھی پُر نہیں ہو سکے گا۔