کوئٹہ: بلوچستان کے دارالحکومت کوئٹہ اور سرحدی شہر چمن میں ماحولیاتی نمونوں میں پولیو وائرس کی موجودگی کا انکشاف ہوا ہے، جس کے بعد محکمہ صحت نے ہنگامی بنیادوں پر الرٹ جاری کرتے ہوئے حفاظتی اقدامات تیز کرنے کا فیصلہ کیا ہے۔ محکمہ صحت کے مطابق رواں ماہ صوبے کے مختلف حصوں سے مجموعی طور پر 23 ماحولیاتی نمونے حاصل کیے گئے تھے، جن میں سے اب تک موصول ہونے والی 4 رپورٹس میں وائرس کی تصدیق ہو چکی ہے۔ ماہرین نے ان نتائج کو انتہائی تشویشناک قرار دیا ہے۔تحقیقات کے مطابق متاثرہ نمونوں میں سے تین کوئٹہ کے مختلف بلاکس جبکہ ایک چمن سے لیا گیا تھا، اور یہ وائرس افغانستان سے منتقل ہوا ہے۔ حکام کا کہنا ہے کہ کوئٹہ اور چمن میں سرحدی نقل و حرکت اور آبادی کے دبا کے باعث وائرس کے پھیلا کا خطرہ زیادہ رہتا ہے۔ باقی 19 نمونوں کی رپورٹس کا تاحال انتظار ہے، جس کے بعد نئی حکمت عملی ترتیب دی جائے گی۔ محکمہ صحت نے ہائی رسک علاقوں میں خصوصی مہم چلانے اور ٹیموں کی تعداد بڑھانے پر غور شروع کر دیا ہے، جبکہ والدین سے اپیل کی گئی ہے کہ وہ اپنے پانچ سال سے کم عمر بچوں کو پولیو کے قطرے لازمی پلوا کر اس موذی مرض کے خاتمے میں تعاون کریں۔

کوئٹہ: معروف سماجی و ادبی تنظیم شمشاد رائٹرز فورم پاکستان کے مرکزی صدر اور ممبر یوتھ پارلیمنٹ آف پاکستان حافظ محمد صدیق مدنی ، مرکزی جنرل سیکرٹری غلام محمد مخلص ، نائب شیر محمد سلیمان خیل ، ڈپٹی جنرل سیکرٹری راز محمد ترین ، سیکرٹری اطلاعات حافظ سیف الرحمان صدیق نے ضلع چمن میں گونگے اور بہرے معذور بچوں کے لیے تعلیمی اکیڈمی کے قیام و افتتاح کو ایک خوش آئند اور قابلِ تحسین اقدام قرار دیتے ہوئے دلی مسرت اور شکریہ کا اظہار کیا ہے۔ انہوں نے صحافیوں سے گفتگو کرتے ہوئے کہا کہ کسی بھی معاشرے کی حقیقی ترقی کا انحصار اس بات پر ہوتا ہے کہ وہاں ہر فرد کو بلاامتیاز ترقی کے یکساں مواقع میسر ہوں۔ چمن میں طویل عرصے سے معذور بچوں خصوصا گونگے اور بہرے بچوں کے لیے تعلیمی سہولیات کا فقدان ایک سنگین مسئلہ تھا جس کے باعث یہ بچے تعلیم اور معاشرتی ترقی کے مواقع سے محروم رہے۔ انہوں نے کہا کہ شمشاد رائٹرز فورم پاکستان نے اس اہم مسئلے کو اجاگر کرنے کے لیے گزشتہ ماہ پرنٹ و سوشل میڈیا پر بھرپور آواز اٹھائی جس کے مثبت نتائج سامنے آئے۔ انہوں نے بلوچستان اسمبلی کے سپیکر کیپٹن عبد الخالق اچکزئی، ڈپٹی کمشنر ضلع چمن حبیب احمد بنگلزئی اور یونیسف کے تعاون سے جمال عبد الناصر شہید اسٹیڈیم چمن میں اس تعلیمی اکیڈمی کے قیام کو عملی پیش رفت قرار دیا۔ حافظ محمد صدیق مدنی نے کہا کہ یہ اکیڈمی نہ صرف معذور بچوں کے لیے تعلیم کے دروازے کھولے گی بلکہ انہیں خوداعتمادی، ہنر اور سماجی شعور سے بھی آراستہ کرے گی جس سے وہ معاشرے کے باوقار اور مفید شہری بن سکیں گے۔ انہوں نے اس اقدام پر ڈپٹی کمشنر چمن، پاکستان مسلم لیگ ن ضلع چمن کے صدر حاجی عطا اللہ اچکزئی، یونیسیف کے ضلعی کوآرڈینیٹر جمیل احمد کاکڑ، مدرس امیر فیض محمد اور دیگر منتظمین کو خراجِ تحسین پیش کرتے ہوئے کہا کہ یہ کاوش خدمتِ خلق کی روشن مثال ہے۔ حافظ محمد صدیق مدنی نے حکومت بلوچستان سے مطالبہ کیا کہ اس عارضی اقدام کو مستقل بنیادوں پر استوار کرتے ہوئے آئندہ بجٹ میں معذور بچوں کے لیے ایک باقاعدہ سرکاری تعلیمی ادارے کی منظوری دی جائے تاکہ زیادہ سے زیادہ بچے اس سہولت سے مستفید ہو سکیں۔ انہوں نے امید ظاہر کی کہ متعلقہ حکام اس اہم معاملے کو ترجیحی بنیادوں پر حل کریں گے۔

کوئٹہ (آن لائن) چمن کے علاقے میں نوجوان نے خودکشی کرلی تفصیلات کے مطابق چمن کے علاقے بائی پاس پر نوجوان بخت محمد نے گلے میں پھندا ڈال کر خودکشی کرلی نعش ہسپتال منتقل کردی گئی جس کو ضروری کارروائی کے بعد ورثاءکے حوالے کردیا گیا تاہم خودکشی کی وجہ معلوم نہیں ہوسکی مزید کارروائی چمن پولیس کررہی ہے۔

چمن(این این آئی) بلوچستان کے ضلع قلعہ عبداللہ، گلستان اور جنگل پیرعلیزئی کے کئی مقامات پر سیلابی ریلوں نے تبادہی مچا دی، مسافر وین اور ٹرک ریلے میں بہہ گیا۔ضلعی انتظامیہ کے مطابق تحصیل گلستان کے علاقے حبیب زئی میں ٹرک سیلابی ریلے میں بہہ گیا، ٹرک میں اشیائے خورونوش تھی۔ضلعی انتظامیہ نے بتایا کہ سیلابی ریلے میں وین بھی بہہ گئی جس میں 15 مسافر سوار تھے، ریسکیو آپریشن شروع کر دیا گیا ہے۔ضلعی انتظامیہ کا کہنا ہے کہ قلعہ عبداللہ ندی میں اونچے درجے کا سیلابی ریلہ گزر رہاہے، کوئٹہ چمن شاہراہ پر ٹریفک متاثر ہے۔ضلعی انتظامیہ کے مطابق پشین اور توبہ اچکزئی کے مختلف برساتی ندیوں میں مسافر گاڑیاں پھنس گئی ہیں۔

چمن (نامہ نگار) اسپیشل سیکریٹری ایجوکیشن بلوچستان عبدالسلام خان اچکزئی کی قیادت میں ضلع چمن میں ایک بھرپور اور منظم داخلہ مہم کا آغاز کیا گیا، جو کہ یونیسیف (UNICEF) کے تعاون سے جاری ہے۔ اس مہم کا بنیادی مقصد ہر بچے کو تعلیم کے زیور سے آراستہ کرنا اور زیادہ سے زیادہ بچوں کو اسکولوں میں داخل کروانا ہے۔ اس سلسلے میں چمن شہر کے مختلف علاقوں، بازاروں اور محلوں میں باقاعدہ آگاہی کمپین چلائی گئی۔ تعلیمی ٹیموں نے دکان بہ دکان اور گھر گھر جا کر والدین سے ملاقاتیں کیں اور انہیں تعلیم کی اہمیت سے آگاہ کیا۔ لوگوں کو بتایا گیا کہ تعلیم نہ صرف بچوں کا بنیادی حق ہے بلکہ ایک روشن اور کامیاب مستقبل کی ضمانت بھی ہے۔ اس دوران پمفلٹس تقسیم کیے گئے اور عوام میں شعور بیدار کرنے کی بھرپور کوشش کی گئی۔عبدالسلام خان اچکزئی نے اپنے خطاب میں اس بات پر زور دیا کہ بلوچستان کی ترقی اور خوشحالی کا دارومدار تعلیم کے فروغ پر ہے۔ انہوں نے کہا کہ اگر ہم اپنے بچوں کو تعلیم سے آراستہ کریں گے تو یہی بچے مستقبل میں ملک و قوم کا نام روشن کریں گے۔ انہوں نے والدین سے پرزور اپیل کی کہ وہ اپنے بچوں کو لازمی طور پر اسکول میں داخل کروائیں اور اس قومی فریضے میں اپنا کردار ادا کریں۔ یہ داخلہ مہم نہ صرف بچوں کو اسکولوں کی طرف راغب کرنے میں اہم کردار ادا کرے گی بلکہ معاشرے میں تعلیمی شعور کو فروغ دے کر ایک مثبت اور روشن تبدیلی کی بنیاد بھی رکھے گی۔ گورنمنٹ پرائمری اسکول مدرسہ بحرالعلوم گھوڑا ہسپتال روڈ چمن کے تعلیمی کمیٹی پی ٹی ایس ایم سی کے کابینے کی طرف سے سپیشل ایجوکیشن سیکرٹری عبدالسلام اچکزئی کو سرزمین چمن آنے پر خوش آمدید اور یونیسف چمن کے منتظمین کو دلی خراج تحسین پیش کرتے ہیں۔

چمن (خ ن) وزیراعلیٰ بلوچستان میر سرفراز بگٹی اور اسپکر بلوچستان کیپٹن عبدالخالق اچکزئی کے وژن کی مطابق سپیشل سیکرٹری بلوچستان ایجوکیشن عبدالسلام اچکزئی ڈپٹی کمشنر چمن حبیب احمد بنگلزئی ڈسثرکٹ ایجوکیشن افیسر عبدالقدوس اچکزئی نے چمن خیرجان باغیچہ ہائی سکول میں ہیلتھ کیریئر سنٹر اور اسکولوں کے داخلہ مہم کے افتتاح کے موقع پر ایک سادہ مگر پروقار تقریب کا انعقاد کیا گیا تقریب میں مسلم لیگ ضلعی صدر حاجی عطاءاللہ خان اچکزئی ڈی ای او فیمیل عظمیٰ گیلانی یونیسف کی ضلعی افیسر جمیل کاکڑ ہیڈ ماسٹرز سینئر اساتذہ طلباءاور دیگر افسران شریک تھے اس تقریب میں انرولمنٹ مہم کا باقاعدہ آغاز بھی کیا گیا اس موقع تقریب سے خطاب کرتے ہوئے سپیشل سیکرٹری ایجوکیشن عبدالسلام نے کہا کہ یکم اپریل سے تمام تعلیمی ادارے کھول دیے جائیں گے، اور داخلہ مہم کا باقاعدہ آغاز ہو چکا ہے۔ انہوں نے اس عزم کا اظہار کیا کہ ہر استاد اپنی ذمہ داری نبھاتے ہوئے بچوں کو سکول لانے میں کردار ادا کرے گا، جبکہ والدین بھی اپنے بچوں کے روشن مستقبل کے لیے انہیں تعلیم کے زیور سے آراستہ کریں انہوں نے کہا کہ تقریباً بلوچستان بھر میں 2 لاکھ 61 ہزار طلباء وطالبات بلوچستان بھر میں سکولوں میں داخلے کی ہدف مقرر کیا گیا ہے سپیشل سیکرٹری ایجوکیشن اور ڈی سی چمن نے تقریب سے خطاب کرتے ہوئے کہا کہ علم روشنی ہے علم ہی کی شرافت اور برکت سے انسان کو اشرف ا لمخلو قات ہونے کا اعزاز حاصل ہے اور علم ہی کی وجہ سے تمام ملائکہ نے انسان کو سجدہ تعظیم کیا انہوں نے کہا کہ علم کی فیوضات افادیت برکات پر اگر لاکھوں کروڑوں کتابیں اور مکالمے لکھیں جائیں تو علم کی مکمل تعریفیں بیان نہیں کیے جا سکتے انہوں نے کہا کہ آج دنیا کو گلوبل ولیج علم ہی کی برکت کی وجہ سے کہا جاتا ہے جس نے ہزاروں سال کی مسافت کو سائنسی آلات اور مشینری کی بدولت منٹوں میں تبدیل کر دیا ہے غرضیکہ علم کے بیشمار فوائد فیوض و برکات ہیں جس کو دنیا کی کوئی آنکھ کان اور منہ نہ بیان سکتا ہے نہ مکمل طور پر دیکھ سکتا ہے اور نہ ہی کوئی دل و دماغ مکمل طور تصور اور نہ ماپ کر سکتا ہے انہوں نے کہا کہ لہٰذا تمام والدین اور سرپرست اپنے بچوں کو علم کے زیور سے آراستہ کرنے کیلئے انھیں نزدیک ترین اسکولوں میں داخل کرائیں اور انسانیت کی معراج پر پہنچنے کی سفر میں شامل ہو جائیں۔