قلات(آن لائن) عوامی شکایات کا بروقت نوٹس، چیئرمین میونسپل کمیٹی نوابزادہ میر شعیب جان زہری و چیف آفیسر میونسپل کمیٹی قلات کی جانب سے عوامی شکایات کا بر وقت نوٹس لیتے ہوئے میونسپل کمیٹی کے عملہ کو سینیٹری انسپکٹر منظور احمد لانگو کی نگرانی میں بروز سوموار 6 اپریل سے کتا مار مہم شروع کرنے کے احکامات جاری کردیئے انہوں نے کہا کہ کتا مار مہم سوموار سے شروع ہو کر دس دن تک جاری رہیگا عوام سے گزارش ہے کہ اپنے پالتو جانوروں کی خود حفاظت کرے اور میونسپل کمیٹی کے عملہ کے ساتھ تعاون کرے۔

قلات (آن لائن) ڈسٹرکٹ ایڈمنسٹریشن قلات کی جانب سے اشیائے خورد ونوش کی قیمتوں اور معیار کا جائزہ لینے کے لیئے پرائس کنٹرول کمیٹی کومتحرک کردیا گیا ہے اسسٹنٹ کمشنر طاہر سنجرانی نے ٹیکس محرر میونسپل کمیٹی محمدیعقوب کے ہمراہ قلات بازا ر کا تفصیلی دورہ کیا پرائس کنٹرول کمیٹی نے سبزی منڈی قصائیوں، پھل و سبزی فروشوں بیکریوں اور انکے بٹیوں دودھ فروشوں میڈیکل اسٹورز نانبائیوں کےدکانوں اور فوڈ پوائنٹس کا معائنہ کیااشیاخوردونوش کی قیمتوں، معیار اور صفائی کی صورتحال کا بغور جائزہ لیا گیاروٹی کے پھیڑوں کاوزن کم آنے پر تندوروالوں کو جرمانہ کیاگیاجبکہ قلات بازارمیں دوران چیکنگ غیر معیاری اشیاخوردنوش بھی قبضے میں لے لی گئیں ڈپٹی کمشنر منیراحمددرانی کے احکامات پرپرائس کنٹرول کمیٹی نےدکانداروں کو سختی سے ہدایت دی کہ وہ سرکاری نرخ نامے کی سختی سے پابندی کریں اور صفائی ستھرائی کاخاص خیال رکھاجائے گرانفروشی اورسرکاری نرخنامے کی خلاف ورزی کسی صورت قبول نہیں کی جائیگی۔