لورالائی(آن لائن ) کمشنر لورالائی ڈویژن ولی محمد بڑیچ کے خصوصی احکامات اور چیف آفیسر میونسپل کمیٹی محب اللہ بلوچ کی ہدایت پر لورالائی شہر میں صفائی ستھرائی کا عمل بلا تعطل جاری ہے۔ میونسپل کمیٹی کا عملہ شہر کے مختلف زونز میں متحرک ہے اور شہریوں کو صاف ستھرا ماحول فراہم کرنے کے لیے بھرپور اقدامات کیے جا رہے ہیں۔تفصیلات کے مطابق باران زون میں مردہ کتوں کو ٹھکانے لگا کر علاقے کی مکمل صفائی کی گئی، جبکہ عبد الخالق زون کے جلال افغان وارڈ میں کوڑا کرکٹ اٹھا کر صفائی کا عمل مکمل کیا گیا۔ اسی طرح عجب زون کے عربسین محلہ اور سلیم داد ولی کمپلینٹ زون کے ہزارہ محلہ میں نکاسی? آب کے نظام کو بہتر بنانے کے لیے نالیوں کی صفائی کی گئی۔میونسپل کمیٹی کی جانب سے شہر میں صفائی کے لیے ٹریکٹر ٹرالیوں کا استعمال بھی جاری ہے اور عملہ باقاعدگی سے گلی محلوں سے کچرا اٹھانے میں مصروف ہے۔ اس کے ساتھ ساتھ شہر میں لگائے گئے درختوں کو سرسبز و شاداب رکھنے کے لیے پانی دینے کا سلسلہ بھی جاری ہے۔انتظامیہ کے مطابق اس مہم کا بنیادی مقصد شہریوں کو صاف، صحت مند اور خوشگوار ماحول فراہم کرنا ہے۔ انتظامیہ نے عوام سے اپیل کی ہے کہ وہ شہر کو صاف رکھنے میں میونسپل عملے کے ساتھ تعاون کریں اور کوڑا کرکٹ مقررہ مقامات پر ہی پھینکیں۔

کوئٹہ( آئی این پی ) لو را لا ئی سے علا ج کی غرض سے کو ئٹہ لا یا جا نے والا قیدی پو لیس کو چکمہ دے کر فرار ہو نے میں کا میاب ہو گیا ہے پو لیس حکام نے غفلت برتنے پر5اہلکاروں کو معطل کر دیا ہے۔ پو لیس ذرائع کے مطابق لو را لا ئی سے بو لان میڈیکل کمپلیکس اسپتال کو ئٹہ منتقل کیا گیا قیدی تا ج محمد پو لیس کی حراست سے فرار ہو گیا ہے جس کے بعد پولیس حکام نے فرائض میں غفلت برتنے پر سیکیورٹی انچارج سب انسپکٹر منظور احمد سمیت5 اہلکاروں کو معطل کر دیا گیا ہے بلکہ ڈی آئی جی لورالائی نے واقعے کی تحقیقات کے لیے ایس پی کی سربراہی میں انکوائری ٹیم بھی تشکیل دے دی ہے۔ پو لیس کے مطابق فرار ہونے والے قیدی کی تلاش کے لیے کوششیں جا ری ہیں ۔

لورالائی۔ لورالائی پولیس نے منشیات کے خلاف کارروائی کرتے ہوئے بڑی کامیابی حاصل کر لی۔ ایس ایچ او میختر ہمایوں نے نفری کے ہمراہ کارروائی کرتے ہوئے 5 کلوگرام چرس برآمد کر لی جبکہ دو ملزمان کو موقع پر گرفتار کر لیا گیا۔پولیس کے مطابق ملزمان سے برآمد ہونے والی چرس قبضے میں لے کر مزید قانونی کارروائی کا آغاز کر دیا گیا ہے۔ ایس ایچ او ہمایوں کا کہنا تھا کہ علاقے میں منشیات فروشوں کے خلاف کارروائیاں بلا تعطل جاری رہیں گی اور کسی کو قانون ہاتھ میں لینے کی اجازت نہیں دی جائے گی۔انہوں نے مزید کہا کہ نوجوان نسل کو منشیات جیسے ناسور سے بچانے کے لیے پولیس ہر ممکن اقدامات کر رہی ہے اور اس سلسلے میں عوام کے تعاون کو بھی نہایت اہم قرار دیا۔واضح رہے کہ لورالائی پولیس کی جانب سے حالیہ دنوں میں منشیات کے خلاف کارروائیوں میں تیزی دیکھنے میں آئی ہے، جسے شہری حلقوں کی جانب سے سراہا جا رہا ہے۔

کوئٹہ (سٹی رپورٹر)دکی کے علاقے میں مقامی کوئلہ کان میں حادثے کے دوران ایک کانکن جاں بحق اور 2 زخمی ہوگئے۔ تفصیلات کے مطابق گزشتہ روز دکی میں مقامی کوئلہ کان میں کوئلہ نکالتے ہوئے ٹرالی کی زد میں آکر کانکن نعمت اللہ سکنہ قلعہ سیف اللہ جاں بحق جبکہ اختر شاہ اور ابراہیم زخمی ہوگئے نعش اور زخمیوں کو ہسپتال منتقل کردیا گیا نعش ضروری کارروائی کے بعد ورثائ کے حوالے کردی گئی واقعہ میں باپ جاں بحق جبکہ بیٹا زخمی ہوا ہے۔

لورالائی (آن لائن) ایس ایس پی ڈاکٹر فہد احمد کی ہدایت پر ٹریفک کو رواں دواں رکھنے کے لئیے ایس ڈی پی او غلام اکبر۔ٹریفک سارجنٹ عبد الجبار اتمانخیل نے ٹریفک پولیس کی بھاری نفری کے ہمراہ تحصیل روڈ۔بھاگی بازار۔اور ژوب روڈ میں گاڑیوں۔موٹر سائیکلوں اور رکشوں کو موقع پر جرمانے عائد کئیے انہوں نے روڈ کے بیچوں بیچ ریڑھیوں والوں کو بھی روڈ سے ہٹنے کی ہدایات دیں ایس ڈی او غلام اکبر۔ٹریفک سارجنٹ عبد الجبار اتمانخیل نے کہا کہ ٹریفک بند کرنے کی کسی کو اجازت نہیں دی جائیگی ٹریفک جام ہونے سے اسکول کے بچوں۔مسافروں۔مریضوں اور دکانداروں کو شدید مشکلات سے گزرنا پڑتا ہے جو اسلامی اور مہذب معاشرے میں نیک شگون نہیں ہےانہوں نے کہا کہ گاڑیوں کو نذدیک پارکنگز میں کھڑی کیا کریں عوام کو ٹریفک کے جھنجٹ سے نجات دلانے کے لئیے کوئی کسر نہیں چھوڑی جائیگی گاڑیاں وغیرہ غلط پارک کرنے والوں کی گاڑیوں موٹر سائیکلوں اور رکشوں کو بھاری جرمانے کئیے جائیں گے اور 550 میں پرچہ کرنے سے بھی گریز۔نہیں کیا جائیگا۔

بلوچستان میں آج سے 7 اپریل تک تیز بارشوں اور آندھی کا امکان،پی ڈی ایم اے نے الرٹ جاری کردیا۔

پی ڈی ایم اے نےصوبے کے مختلف اضلاع میں الرٹ جاری کر دیا،پی ڈی ایم اے کے مطابق ژوب،قلعہ سیف اللہ،کوہلو،موسیٰ خیل اور بارکھان،خضدار، قلات، سوراب اورمستونگ میں تیز ہواؤں کے ساتھ بارش متوقع ہے۔

6 سے 7 اپریل کےدوران ندی نالوں میں طغیانی کاخدشہ ہے،پہاڑی علاقوں میں لینڈسلائیڈنگ کا بھی امکان ہے،پی ڈی ایم اے نےمتعلقہ اداروں کو الرٹ رہنےکی ہدایت جاری کردی،پی ڈی ایم اے نےشہری غیرضروری سفر سے گریز اوراحتیاطی تدابیرکی ہدایت کی ہے۔

لورالائی ( خ ن) حکومتِ پاکستان کی جانب سے پیٹرول کی قیمت میں 80 روپے فی لیٹر کمی کے اعلان کے بعد سرکاری نرخ پر پیٹرول فروخت نہ کرنے والے پیٹرول پمپس کے خلاف کارروائیاں شروع کر دی گئی ہیں۔ڈپٹی کمشنر لورالائی کیپٹن (ر) محمد حسیب شجاع کی خصوصی ہدایت پر اسسٹنٹ کمشنر لورالائی ندیم اکرم نے شہر میں موجود مختلف پیٹرول پمپس کا معائنہ کیا۔ اس دوران سرکاری نرخ پر پیٹرول فروخت نہ کرنے پر PSO اور Byco پیٹرول پمپس کو سیل کر دیا گیا۔اس موقع پر اسسٹنٹ کمشنر نے کہا کہ حکومت کی جانب سے پیٹرول کی قیمت میں کمی کے باوجود بعض پیٹرول پمپ مالکان نے سرکاری نرخ پر پیٹرول فروخت نہیں کیا، جس پر کارروائی کرتے ہوئے متعلقہ پمپس کو سیل کیا گیا۔ڈپٹی کمشنر لورالائی کیپٹن (ر) محمد حسیب شجاع نے ہدایت جاری کی کہ غیر قانونی اور زائد نرخوں پر پیٹرول فروخت کرنے والوں کے خلاف بلا امتیاز کارروائی عمل میں لائی جائے۔ انہوں نے متعلقہ افسران کو ہدایت دی کہ عوامی شکایات کا فوری ازالہ یقینی بنایا جائے اور قانون کی خلاف ورزی کرنے والوں کے ساتھ کسی قسم کی نرمی نہ برتی جائے۔
٭٭٭٭٭٭٭٭٭