کوئٹہ (سٹی رپورٹر) قلعہ سیف اللہ کے علاقے میں آسمانی بجلی گرنے سے ایک شخص ہلاک ہوگیا تفصیلات کے مطابق گزشتہ روز قلعہ سیف اللہ کے علاقے میں آسمانی بجلی گرنے سے ایک شخص ہلاک ہوگیا نعش ہسپتال منتقل کردی گئی نعش ضروری کارروائی کے بعد ورثائ کے حوالے کردی گئی۔

کوئٹہ (آن لائن ) بلوچستان کے ضلع قلعہ سیف اللہ میں وسیع رقبے پر اگائی گئی پوست کی کاشت تلف کردی گئی ۔اطلاعات کے مطابق کاروائی قلعہ سیف اللہ کے علاقے ٹوئیوار باتوزئی میں عمل میں لائی گئی ہے ۔جہاں ایکسائز، پولیس، اینٹی نارکوٹکس فورس اور فرنٹیئر کور نےتقریبا 25 ایکڑ اراضی پر اگائی گئی پوست کی فصل کو مکمل طور پر ختم کر دیا ۔حکام کا کہنا ہے کہ یہ فصل غیر آباد زمین پر کاشت کی گئی تھی، جسے قانون نافذ کرنے والے اداروں کی سخت نگرانی میں تلف کیا گیا۔متعلقہ حکام نے واضح کیا ہے کہ صوبے میں منشیات کے خاتمے کے لیے ایسی کارروائیاں آئندہ بھی تسلسل کے ساتھ جاری رکھی جائیں گی، تاکہ غیر قانونی کاشت اور منشیات کے کاروبار کا مکمل سدباب کیا جا سکے۔

قلعہ سیف اللہ (آ ن لائن) صوبائی ڈیزاسٹر مینجمنٹ اتھارٹی (پی ڈی ایم اے) کے ڈائریکٹر جنرل و ریلیف کمشنر جہانزیب خان غوریزئی نے حالیہ ژالہ باری اور شدید بارشوں سے ہونے والے نقصانات کے جائزے کے لیے ضلع قلعہ سیف اللہ کے متاثرہ علاقوں کا دورہ کیا۔پیر کے روز ریلیف کمشنر و ڈائریکٹر جنرل پی ڈی ایم اے بلوچستان جہانزیب خان غوری زئی نے ڈائریکٹر ریسکیو نوید احمد شیخ اور پی ڈی ایم اے ٹیم کے ہمراہ متاثرہ علاقوں کا معائنہ کیا۔ اس موقع پر ڈپٹی کمشنر قلعہ سیف اللہ ساگر کمار نے انہیں نقصانات سے متعلق بریفنگ دی اور تباہ شدہ مکانات، باغات اور زرعی اراضی کا تفصیلی دورہ کرایا۔دورے کے دوران جمعیت علمائے اسلام (ف) کے سینیٹر مولانا عبد الواسع سے بھی ملاقات ہوئی، جس میں قدرتی آفت کے باعث زراعت خصوصاً باغات اور فصلوں کو پہنچنے والے شدید نقصان پر تفصیلی تبادلہ خیال کیا گیا۔ سینیٹر مولانا عبد الواسع نے مقامی مسائل کو اجاگر کرتے ہوئے متاثرین کے لیے فوری امداد اور بحالی اقدامات کی ضرورت پر زور دیا۔ریلیف کمشنر جہانزیب خان غوری زئی نے کہا کہ ضلعی انتظامیہ کے ساتھ مل کر نقصانات کے تخمینے کا سروے جاری ہے، جبکہ متاثرہ خاندانوں کی مدد اور ان کی روزگار کی بحالی کے لیے تمام دستیاب وسائل بروئے کار لائے جا رہے ہیں۔انہوں نے مزید کہا کہ اس دورے کا مقصد نقصانات کا جامع جائزہ لے کر مقامی اسٹیک ہولڈرز کی مشاورت سے م¶ثر امدادی اور بحالی حکمت عملی مرتب کرنا ہے۔

بلوچستان میں آج سے 7 اپریل تک تیز بارشوں اور آندھی کا امکان،پی ڈی ایم اے نے الرٹ جاری کردیا۔

پی ڈی ایم اے نےصوبے کے مختلف اضلاع میں الرٹ جاری کر دیا،پی ڈی ایم اے کے مطابق ژوب،قلعہ سیف اللہ،کوہلو،موسیٰ خیل اور بارکھان،خضدار، قلات، سوراب اورمستونگ میں تیز ہواؤں کے ساتھ بارش متوقع ہے۔

6 سے 7 اپریل کےدوران ندی نالوں میں طغیانی کاخدشہ ہے،پہاڑی علاقوں میں لینڈسلائیڈنگ کا بھی امکان ہے،پی ڈی ایم اے نےمتعلقہ اداروں کو الرٹ رہنےکی ہدایت جاری کردی،پی ڈی ایم اے نےشہری غیرضروری سفر سے گریز اوراحتیاطی تدابیرکی ہدایت کی ہے۔