نصیرآباد نامہ نگار ) موجودہ حکومت کی جانب سے کاشتکاروں کے وسیع تر مفاد میں اقدامات کا سلسلہ جاری ہے، کمشنر نصیرآباد ڈویڑن صلاح الدین نورزئی نے مین پٹ فیڈر کینال سمیت دیگر ذیلی شاخوں میں زرعی پانی کی سالانہ بندش کے موقع پر جاری ترقیاتی کاموں کا تفصیلی جائزہ لیا۔ ایگزیکٹو انجینئر پٹ فیڈر کینال فرید احمد پندرانی نے بیدار کے مقام پر بریفنگ دیتے ہوئے بتایا کہ وزیر اعلیٰ بلوچستان میر سرفراز بگٹی، چیف سیکرٹری شکیل قادر خان، صوبائی وزیر آبپاشی میر محمد صادق عمرانی اور صوبائی سیکرٹری آبپاشی سہیل الرحمن بلوچ کی ہدایات کی روشنی میں پٹ فیڈر کینال اور اس کی مختلف ذیلی شاخوں بالان شاخ، قیدی شاخ، مگسی شاخ اور عمرانی شاخ سمیت دیگر نہروں پر تعمیر و مرمت اور بھل صفائی کا کام تیزی سے جاری ہے جس کی مسلسل اور کڑی نگرانی کی جا رہی ہے تاکہ نظام آبپاشی کو مزید مو¿ثر بنایا جا سکے۔ کمشنر نصیرآباد ڈویڑن صلاح الدین نورزئی نے اس موقع پر ہدایت کی کہ تمام جاری حکومتی اقدامات کو بہتر انداز میں بروئے کار لایا جائے اور کام کے معیار پر کوئی سمجھوتہ نہ کیا جائے تاکہ آئندہ خریف سیزن میں بوائی کے دوران کاشتکاروں کو بروقت اور منصفانہ بنیادوں پر زرعی پانی کی فراہمی ممکن بنائی جا سکے، انہوں نے مزید کہا کہ زراعت ملکی معیشت کی ریڑھ کی ہڈی ہے اور کسانوں کو درپیش مسائل کا حل حکومت کی اولین ترجیح ہے، اس سلسلے میں آبپاشی نظام کی بہتری کے لیے تمام دستیاب وسائل بروئے کار لائے جا رہے ہیں تاکہ علاقے میں زرعی پیداوار میں اضافہ ہو اور کاشتکار خوشحال ہوں

صحبت پور (آن لائن ) ایس پی صحبت پور عبدالحمید PSP اور ایف سی سوئی رائفلز کے کرنل محسن خان نے پولیس تھانہ ڈھاڈر، ضلع بولان پر ہونے والے دہشتگردانہ حملے میں شہید ہونے والے بلوچستان کانسٹیبلری کے بہادر سپوت، شہید صوبہ خان باجکانی کی نمازِ جنازہ میں شرکت کی۔نمازِ جنازہ ان کے آبائی گاں، تھانہ شہید شیر حسین ہزارہ، ضلع صحبت پور میں ادا کی گئی، جس میں پولیس، ایف سی، ضلع پولیس صحبت پور اور بلوچستان کانسٹیبلری کے افسران و اہلکاران، عمائدینِ علاقہ داروں کی بڑی تعداد نے شرکت کی۔ اس موقع پر شہید کو پورے سرکاری اعزاز کے ساتھ سلامی دی گئی جبکہ فضا شہید کی جو موت ہے وہ قوم کی حیات ہے کے نعروں سے گونج اٹھی۔ایس پی صحبت پور عبدالحمید PSP نے شہید کے لواحقین سے دلی ہمدردی اور تعزیت کا اظہار کیا۔اس موقع پر ایس پی صحبت پور عبدالحمید پی ایس پی کا کہنا تھا کہ:پولیس تھانہ ڈھاڈر پر ہونے والے بزدلانہ حملے کے باوجود ہمارے حوصلے پست نہیں ہوئے۔ شہید صوبہ خان بجکانی نے فرض کی ادائیگی کے دوران اپنی جان کا نذرانہ پیش کر کے بہادری اور فرض شناسی کی اعلی مثال قائم کی ہے۔ ان کی قربانی رائیگاں نہیں جائے گی۔ بلوچستان پولیس پرعزم ہے اور دہشتگردی کے خاتمے کے لیے ہر ممکن اقدامات جاری رکھے گی۔آخر میں شہید کے درجات کی بلندی اور لواحقین کے لیے صبر جمیل کی دعا کی گئی۔

صحبت پور(یو این اے )ایس پی صحبت پور عبدالحمید نے کہا ہے کہ آئی جی بلوچستان کی خصوصی دلچسپی اور احکامات کی روشنی میں گرم علاقوں، بالخصوص صحبت پور میں پولیس فورس کی سہولت اور بجلی کی بچت کے لیے تمام تھانوں کو سولر سسٹم پر منتقل کیا جا رہا ہے۔ اس منصوبے کے تحت تمام تھانوں اور پولیس چیک پوسٹوں کو سولر پلیٹس کے ساتھ ساتھ ٹھنڈے پانی کے لیے فریج اور روشنی کے لیے 15 سے 20 ایل ای ڈی لائٹس فراہم کی جا رہی ہیں۔ایس پی صحبت پور کے مطابق پہلے مرحلے میں تھانہ صحبت پور اور پولیس تھانہ ملک محمد علی شہید کو مکمل طور پر سولرائز کر دیا گیا ہے، جبکہ دیگر تھانوں اور چوکیوں میں کام جاری ہے۔ انہوں نے کہا کہ ان اقدامات کا مقصد یہ ہے کہ پولیس جوان گشت اور ڈیوٹی کے بعد تھانوں میں پرسکون ماحول میں آرام کر سکیں اور انہیں شدید گرمی میں ٹھنڈا پانی میسر ہو۔ ان کا مزید کہنا تھا کہ محکمہ اپنی فورس کی فلاح و بہبود کا ہر طرح سے خیال رکھتا ہے، لہذا اہلکار بھی اپنے فرائض مکمل دلجمعی اور ایمانداری سے انجام دیں۔

صحبت پور (یو این اے )پٹرولیم مصنوعات کی قیمتوں میں کمی کے ثمرات صحبت پور کے عوام تک نہ پہنچ سکے۔ تیل سستا ہونے کے باوجود ٹرانسپورٹرز نے کرایوں میں کمی کرنے سے صاف انکار کر دیا ہے، جبکہ دوسری جانب خودساختہ مہنگائی کے جن نے غریب عوام کا جینا محال کر دیا ہے۔ ضلعی انتظامیہ کی عدم توجہی کے باعث مسافروں اور عام شہریوں کو لوٹا جا رہا ہے۔تفصیلات کے مطابق صحبت پور سے ڈیرہ اللہ یار تک محض 17 کلومیٹر کا فاصلہ ہے، لیکن ویگن مالکان مسافروں سے 150 روپے کرایہ وصول کر رہے ہیں۔ تیل کی قیمتیں گرنے کے باوجود ٹرانسپورٹرز عوام کو ریلیف دینے کے بجائے اپنی جیبیں بھرنے میں مصروف ہیں۔ مسافروں نے شکایت کی ہے کہ انتظامیہ کی جانب سے کرایہ ناموں پر عملدرآمد کرانے والا کوئی نہیں، جس کی وجہ سے ٹرانسپورٹرز اپنی مرضی کے ریٹ وصول کر رہے ہیں۔شہر میں خودساختہ مہنگائی کی صورتحال بھی انتہائی ابتر ہو چکی ہے۔ مارکیٹ میں بکرے کا گوشت 2500 سے 3000 روپے فی کلو، جبکہ مرغی کا گوشت 700 روپے فی کلو تک فروخت ہو رہا ہے۔ خشک دالیں اور پھل تو عام آدمی کی پہنچ سے کوسوں دور ہو چکے ہیں، جبکہ چینی اور آٹے کی مصنوعی قلت پیدا کر کے انہیں بھی مہنگے داموں بیچا جا رہا ہے۔ عوامی حلقوں نے شدید احتجاج کرتے ہوئے کہا ہے کہ ذخیرہ اندوزوں اور منافع خوروں نے غریب کے چولہے ٹھنڈے کر دیے ہیں۔ انہوں نے وزیراعلی بلوچستان اور کمشنر نصیر آباد سے مطالبہ کیا ہے کہ صحبت پور میں فوری طور پر پرائس کنٹرول کمیٹیوں کو فعال کیا جائے اور ناجائز منافع خوروں کے خلاف سخت قانونی کارروائی کی جائے۔

صحبت پور (یو این اے )ڈی ایس پی سرکل صحبت پور عبدالحمید تھیم نے کہا ہے کہ پڑوسی ضلع نصیر آباد کے شہر ڈیرہ مراد جمالی میں پولیو ٹیم پر حملے کے بعد صحبت پور میں پولیو ٹیموں کی سیکیورٹی انتہائی سخت کر دی گئی ہے۔ تفصیلات کے مطابق ڈیرہ مراد جمالی کی ٹی اینڈ ٹی کالونی میں قانون شکن عناصر کے حملے میں سیکیورٹی پر مامور پولیس اہلکار کی شہادت کے بعد صحبت پور پولیس ہائی الرٹ ہے۔ڈی ایس پی عبدالحمید تھیم نے بتایا کہ انسدادِ پولیو مہم کے دوران کسی بھی ناخوشگوار واقعے سے نمٹنے کے لیے پولیس گشت بڑھا دیا گیا ہے اور تمام تھانوں کے ایس ایچ اوز کو فیلڈ میں پولیو ٹیموں کی براہِ راست نگرانی کرنے کے احکامات جاری کیے گئے ہیں۔ انہوں نے واضح کیا کہ پولیس اہلکار نے اپنی جان دے کر فرض شناسی کی مثال قائم کی ہے اور اب سیکیورٹی کے فول پروف انتظامات کو یقینی بنایا جا رہا ہے تاکہ مہم بلا تعطل جاری رہ سکے۔

صحبت پور14اپریل ۔ وزیرِ اعلیٰ بلوچستان میر سرفراز احمد بگٹی کی جانب سے عوامی مسائل کے براہِ راست حل اور عوام سے قریبی رابطے کو فروغ دینے کے لیے صوبہ بھر میں باقاعدگی سے کھلی کچہریوں کے انعقاد کی ہدایات کی روشنی میں، ڈپٹی کمشنر صحبت پور، میڈم فریدہ ترین کی زیرِ صدارت ایک اہم کھلی کچہری کا انعقاد کیا گیااس کھلی کچہری میں ضلعی محکموں کے سربراہان سمیت شہریوں کی بڑی تعداد نے شرکت کی اور اپنے مسائل و مشکلات سے براہِ راست ضلعی انتظامیہ کو آگاہ کیا۔ عوام کی جانب سے جن اہم مسائل کی نشاندہی کی گئی، ان میں امن و امان کی صورتحال، پینے کے صاف پانی کی فراہمی، صحت کی بنیادی سہولیات کی کمی، نکاسی? آب کے مسائل، بجلی کی لوڈشیڈنگ، آمدورفت میں دشواریاں اور روڈ نیٹ ورک کی بہتری جیسے اہم امور شامل تھے۔ شہریوں نے اپنے مسائل زبانی اور تحریری دونوں صورتوں میں پیش کیے ڈپٹی کمشنر صحبت پور نے موقع پر موجود متعلقہ افسران کو متعدد مسائل کے فوری حل کے لیے احکامات جاری کیے، جبکہ دیگر پیچیدہ اور طویل المدتی نوعیت کے مسائل کے حل کے لیے متعلقہ محکموں کو ہدایات دیتے ہوئے یقین دہانی کرائی کہ ان کے تدارک کے لیے مو¿ثر اور عملی اقدامات کیے جائیں گےاس موقع پر ڈپٹی کمشنر نے خطاب کرتے ہوئے کہا کہ کھلی کچہریوں کا مقصد عوام کو براہِ راست اپنی انتظامیہ تک رسائی فراہم کرنا اور ان کے مسائل کو ترجیحی بنیادوں پر حل کرنا ہے انہوں نے اس عزم کا اعادہ کیا کہ آئندہ بھی اسی جذبے کے تحت کھلی کچہریوں کا سلسلہ جاری رکھا جائے گا اور عوامی فلاح و بہبود کے لیے تمام دستیاب وسائل بروئے کار لائے جائیں گےکھلی کچہری کے انعقاد پر شرکاءنے خوشی اور اطمینان کا اظہار کیا اور ضلعی انتظامیہ کی کاوشوں کو سراہتے ہوئے امید ظاہر کی کہ اس طرح کے اقدامات سے عوامی مسائل کے حل میں مزید بہتری آئے گی۔

صحبت پور (آن لائن) چور ایک گھر سے بیل چوری کرکے لے گئے پولیس تھانہ شہید ملک محمد علی کی حدود پولیس چوکی جیانی ڈپ سے نامعلوم چوروں نے استاد امان اللہ کے گھر سے اعلی نسل کا بیل چوری کر لیا جسکی فوری طور پر طلاع چوکی انچارج حبیب اللہ کھوسہ کو دی گئی جو معمول کی گشت پر تھے تھانہ کے ایس ایچ او کی مثر حکمتِ عملی کے تحت ایک اور کامیاب کارروائی عمل میں لائی گئی۔ تھانہ شہید ملک محمد علی کے ایس ایچ او محمد صادق بھنگر اور ان کی ٹیم نے پیشہ ورانہ مہارت کا مظاہرہ کرتے ہوئے چوری کی واردات ناکام بنا دی۔تفصیلات کے مطابق گزشتہ رات مگسی چوکی کے قریب نامعلوم چور استاد سلیمان خان کھوسہ کے گھر سے قیمتی بیل چوری کرکے فرار ہو رہے تھے۔ اطلاع ملتے ہی پولیس فوری طور پر حرکت میں آئی اور موثر گشت کے دوران ملزمان کا تعاقب شروع کیا۔پولیس نے فتو ڈپ کے مقام پر کامیاب کارروائی کرتے ہوئے چوری شدہ قیمتی بیل برآمد کر لیا، تاہم ملزمان اندھیرے کا فائدہ اٹھاتے ہوئے فرار ہونے میں کامیاب ہو گئے۔پولیس حکام کے مطابق ملزمان کی تلاش جاری ہے اور انہیں جلد گرفتار کر لیا جائے گا۔ برآمد شدہ بیل اس کے مالک کے حوالے کر دیا گیا۔ پولیس کا کہنا ہے کہ عوام کے جان و مال کا تحفظ ان کی اولین ترجیح ہے۔

بھاگ(یو این اے)بھاگ کے علاقے یونین کونسل جلال خان سے انتہائی افسوسناک خبر موصول ہوئی ہے، جہاں ندی ناڑی سے آنے والے سیلابی پانی میں ڈوب کر ایک معصوم بچہ جاں بحق ہو گیا ہے۔ مقامی ذرائع کے مطابق گاں ریحانزئی کا رہائشی معصوم بچہ صفیام ولد صابر حسین سیلابی ریلے کی زد میں آ گیا، جس کے نتیجے میں وہ زندگی کی بازی ہار گیا۔واقعے کے بعد علاقے میں شدید غم و غصہ اور سوگ کی لہر دوڑ گئی ہے۔ واضح رہے کہ حالیہ بارشوں کے بعد ندی ناڑی میں طغیانی کے باعث سیلابی پانی قریبی آبادیوں کی جانب بڑھ رہا ہے، جس سے انسانی جانوں کو شدید خطرات لاحق ہیں۔ مقامی افراد نے ضلعی انتظامیہ سے مطالبہ کیا ہے کہ متاثرہ علاقوں میں حفاظتی اقدامات سخت کیے جائیں تاکہ مستقبل میں ایسے المناک واقعات سے بچا جا سکے۔

صحبت پور(یو این اے )ایرانی تیل اور منشیات پولیس کی سرپرستی میں رات گئے مانجھی پور نیو پل کے راستے ابدرون سندھ ملک میں سمگل ہوتا ہے ایرانی تیل خضدار جھل مگسی کے راستے ٹیبکیوں کے زرئعے اسگل ہونے کا انکشاف ہوا ہے ۔صحبت پو میں ایک انسپیکٹر اور ایک سب انسپیکٹر ایک حوالدار ملوث ہونے کا انکشاف ایک رپورٹ کے مطابق امریکہ ایران کی جنگ بھی آڑے اسمنگروں کو نہیں آئی رات گئے ٹینکیوں کے ذریعے صحبت پور کی تحصیل مانجھی پور کی نیو پل سندھ میں سختی کی وجہ سے پولیس تھانہ آرڈی 238 کے راستہ استعمال کیا جاتا ہے ایرانی تیل ۔منشیات نان کسٹم پیڈ گاڑیاں اسمنگلگ ہونے کا انکشاف ہوا ہے اس سارے دھندے میں ایک پولیس انسپیکٹر ۔سب انسپیکٹر اور ایک پولیس حوالدار کر رہا ہے ۔جو سب کچھ سنمبال رہے ہیں جعفر آباد کا سب انسپیکٹر اوستہ محمد کا ایک سب انسپیکٹر ایک حوالدار بھی اس گینگ کا حصہ بتا رہے ہیِں ۔اداروں کو دھوکہ دینے کے لیے ٹینکیوں پر اسٹیٹ آئل کا بورڈ لگا کر خطرہ لکھ دیتے ہیں۔