بولان : کچھی اور سبی شہر سمیت گردونواح علاقوں میں کم عمر بچوں کی جانب سے بے لگام موٹر سائیکل ڈرائیونگ نے شہریوں کی زندگیوں سمیت اپنی زندگیوں کو بھی داو¿ پر لگا دیا ہے سیاسی سماجی اور عوامی حلقوں کا کہنا ہے کہ بڑھتے ہوئے ٹریفک حادثات پر کچھی اور سبی پولیس سے مطالبہ کیا ہے کہ کم عمر ڈرائیورز پر فوری اور سخت پابندی عائد کی جائے گلیوں اور اہم شاہراہوں پر کم عمر بچے جو ابھی موٹر سائیکل سنبھالنے کے بھی لائق نہیں ہیں وہ خطرناک حد تک تیز رفتاری اور اوور ٹیکنگ کرتے نظر آتے ہیں ان کی اس لاپرواہی کی وجہ سے گزشتہ کئی سالوں میں سینکڑوں حادثات رونما ہو چکے ہیں کئی گھرانوں کے چشم و چراغ لقمہ اجل بن چکے ہیں اور درجنوں بچے عمر بھر کی معذوری کا شکار ہو کر بستر سے لگ گئے ہیں سیاسی سماجی اور عوامی حلقوں کا کہنا ہے کہ جہاں والدین کی یہ ذمہ داری ہے کہ وہ اپنے کم عمر بچوں کے ہاتھ میں موت کا پروانہ (موٹر سائیکل) نہ دیں وہیں پولیس انتظامیہ کی خاموشی بھی سوالیہ نشان ہے چھوٹی سی غلطی اور نااہل ڈرائیونگ پورے خاندان کو عمر بھر کا غم دے جاتی ہے پولیس انتظامیہ کو چاہیے کہ وہ صرف چالان تک محدود نہ رہے بلکہ موٹر سائیکل ضبط کرنے کے سخت اقدامات کرے مقامی سیاسی سماجی اور عوامی حلقوں نے ڈی آئی جی اور ایس پی سبی ایس ایس پی کچھی سے مطالبہ کیا ہے کہ اہم چوکوں اور شاہراہوں پر خصوصی ناکہ بندی کی جائے بغیر لائسنس اور کم عمر ڈرائیورز کے خلاف گرینڈ آپریشن شروع کیا جائے قانون کی خلاف ورزی کرنے والے بچوں کے والدین کے خلاف بھی کارروائی عمل میں لائی جائے شہریوں نے بھی پور زور اپیل کی ہے کہ پولیس انتظامیہ اس اہم مسئلے کا فوری نوٹس لے تاکہ مزید قیمتی جانوں کو ضائع ہونے سے بچایا جا سکے اور سڑکوں کو محفوظ بنایا جا سکے۔۔

چھتر: دی نیڈز بلوچستان اور پاکستان کسان رابطہ کمیٹی کے تعاون سے کسانوں کے عالمی دن کے موقع پر بلوچستان کے 9 اضلاع بشمول نصیر آباد میں احتجاجی مظاہرے کیے گئے۔ نصیر آباد میں مظاہرے کی قیادت کرتے ہوئے مرکزی نائب صدر عبدالکریم مینگل نے مطالبہ کیا کہ گندم کی کم از کم قیمت 4000 روپے فی من مقرر کی جائے، سرکاری خریداری کا نظام بحال اور نجکاری و کارپوریٹ فارمنگ کا خاتمہ کیا جائے۔ انہوں نے مزارعین کی جبری بے دخلی روکنے اور ماحولیاتی تبدیلیوں، سیلاب اور بے موسمی بارشوں سے ہونے والے نقصانات کے ازالے کے لیے ہنگامی اقدامات پر زور دیا تاکہ کسانوں کو معاشی بحران سے نکالا جا سکے۔مظاہرین نے حکومت سے مطالبہ کیا کہ زرعی زمینوں پر قبضے فوری بند کیے جائیں اور زیر زمین پانی کی سطح بہتر بنانے کے لیے چھوٹے ڈیمز تعمیر کیے جائیں۔ کسان رہنماں کا کہنا تھا کہ حکومت زرعی پالیسیوں میں کسانوں کو شامل کرے، زرعی تحقیقاتی مراکز قائم کرے اور کسانوں کی تربیت کے ساتھ ساتھ فصلوں کی بہتر قیمت کی فراہمی کو یقینی بنائے۔ اس کے علاوہ کسانوں کی مالی حالت کو مدنظر رکھتے ہوئے زرعی قرضوں کی واپسی میں آسانی پیدا کرنے اور کسانوں کے حقوق کے تحفظ کے لیے ٹھوس قانون سازی کا بھی مطالبہ کیا گیا۔

سبی (سلیم گشکوری) پاکستان مسلم لیگ (ن) کے سینیٹر میر دوستین خان ڈومکی نے نوابزادہ جمیل اکبر بگٹی کے انتقال پر گہرے دکھ اور افسوس کا اظہار کیا ہے۔اپنے تعزیتی بیان میں سینیٹر میر دوستین خان ڈومکی کا کہنا تھا کہ نوابزادہ جمیل اکبر بگٹی ایک باوقار، بااصول اور مخلص شخصیت کے مالک تھے، جنہوں نے اپنی پوری زندگی قبائلی روایات کے فروغ، سماجی ہم آہنگی اور عوامی خدمت کے لیے وقف کر رکھی تھی۔انہوں نے کہا کہ مرحوم کی وفات سے پیدا ہونے والا خلا مدتوں پُر نہیں کیا جا سکے گا۔میر دوستین خان ڈومکی نے سوگوار خاندان سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل دے۔واضح رہے کہ نوابزادہ جمیل اکبر بگٹی کے انتقال پر سیاسی و سماجی حلقوں میں گہرے رنج و غم کی فضا قائم ہے۔