دالبندین(نماہندہ مشرق)دالبندین: سیاہ پاد رند ہاو¿س، کلی خدائے رحیم میں ممتاز قبائلی رہنما ملک عبدالقدوس سیاہ پاد رند نے سیاہ پاد قبیلے کے درمیان خون کا تصفیہ کرا دیا۔دو سال قبل سرحدی شہر تفتان میں معمولی تنازعے پر میر حسن ولد علی حسن سیاہ پاد کو رحمت اللہ سیاہ پاد، عبدالصمد سیاہ پاد اور فائق محمد شہی نے ڈنڈوں، پتھروں اور چاقوو¿ں کے وار سے شہید کر دیا تھا۔ بعد ازاں علی حسن سیاہ پاد نے اپنے بیٹے کا بدلہ لینے کے لیے فائرنگ کر کے بید اللہ سیاہ پاد رند کو شدید زخمی کر دیا۔بعد ازاں ملک عبدالقدوس سیاہ پاد رند، سید خان سیاہ پاد رند، نذر ریکی اور حضرت سیاہ پاد رند نے دونوں فریقین کے درمیان ثالثی کرتے ہوئے اہم کردار ادا کیا اور انہیں راضی کر لیا۔بروز ہفتہ 25 اپریل کو دالبندین میں سیاہ پاد رند ہاو¿س پر دونوں فریقین—ایک جانب علی حسن (جس کا بیٹا شہید کیا گیا تھا) اور دوسری جانب رحمت اللہ، عبدالصمد سیاہ پاد اور فائق محمد شہی اپنی برادری کے ہمراہ موجود تھے، جہاں بلوچی رسم و رواج کے مطابق بغلگیر ہو کر صلح کر لی گئی اور شیرو شکر ہو گئے۔اس موقع پر ممتاز قبائلی رہنماو¿ں میں وڈیرہ لیاقت سیاہ پاد، مولا بخش سیاہ پاد، سعد اللہ محمد حسنی، حاجی نور احمد سیاہ پاد، میر سونا خان رند، میر یوسف خان رند، ملک عبدالحق سیاہ پاد، ٹکری مصطفی سیاہ پاد، ٹکری عبد الغفار بنگللزئی ،سید خان سیاہ پاد، ملک طاہر سیاہ پاد، ماسٹر عطائ اللہ سیاہ پاد، اولیا خان سیاہ پاد، ملک سیف اللہ سیاہ پاد، میر اکرم سیاہ پاد ماشکیل ،قادر سیاہ پاد، عمر رند، ظفر سیاہ پاد، میر کبیر خارکوئی سیاہ پاد، داد خدا سیاہ پاد، حاجی مراد خارکوئی سیاہ پاد، ملا خیر بخش گمشادزئی، عبدالرحمان سور، خلیل ہوت، مولا بخش سیاہ پاد رند احسان سیاہ پاد اور دیگر قبائلی عمائدین شریک تھے۔اس موقع پر ملک عبدالقدوس سیاہ پاد رند نے خطاب کرتے ہوئے کہا کہ کسی بھی قبیلے میں تنازعے کا خاتمہ وقت کی اہم ضرورت ہے۔ ہمیں چاہیے کہ چھوٹے چھوٹے مسائل پر ایک دوسرے کو برداشت کریں۔آخر میں دعا خیر کی گئی اور تمام شرکائ کی پرتکلف ظہرانے سے تواضع کی گئی۔

نوکنڈی (نمائندہ مشرق ) نوکنڈی کے قریب تین گاڑیوں میں خوفناک تصادم ، تین افراد جان بحق اور اٹھارہ زخمی ہوگئے پانچ کی حالت تشویشناک بتائی جاتی پیں۔ پولیس کیمطابق نوکنڈی میں گزشتہ رات ریکوڈک سائٹ روڈ پر تین گاڑیوں کے درمیان خوفناک تصادم کے نتیجے میں تین افراد جاں بحق جبکہ اٹھارہ افراد زخمی ہوگئے۔ زخمیوں میں خواتین اور بچے بھی شامل ہیں جن میں سے پانچ افراد کی حالت تشویشناک بتائی جارہی ہے۔اطلاعات کے مطابق متاثرہ افراد میں زیادہ تر افغان باشندے شامل ہیں جو ایران جانے کے سفر پر تھے۔ حادثے میں جاں بحق افراد میں ایک مقامی ڈرائیور جبکہ دو افغان باشندے شامل ہیں۔ زخمیوں کو فوری طور پر نوکنڈی سول ہسپتال منتقل کیا گیا جہاں انہیں ابتدائی طبی امداد فراہم کی گئی، جبکہ شدید زخمیوں میں سے پانچ افراد کو مزید علاج کے لیے کوئٹہ منتقل کردیا گیا۔ واقعے کے بعد پولیس تھانہ نوکنڈی کے ایس ایچ او غلام دستگیر بڑیچ اپنی ٹیم کے ہمراہ جائے وقوعہ اور ہسپتال پہنچ گئے اور امدادی کارروائیوں کی نگرانی کی، جبکہ ہسپتال عملے نے زخمیوں کو فوری طبی سہولیات فراہم کیں۔

نوکنڈی(یواین اے)تفتان رائفلز ایف سی ہیڈکوارٹر نوکنڈی کی جانب سے ایک اہم اعلامیہ جاری کرتے ہوئے اہلیانِ نوکنڈی سے اپیل کی گئی ہے کہ وہ شادی بیاہ یا دیگر تقریبات کے دوران ہوائی فائرنگ سے مکمل طور پر اجتناب کریں، کیونکہ یہ عمل نہ صرف انتہائی خطرناک ہے بلکہ علاقے کے امن و امان کے لیے بھی سنگین خطرہ بن سکتا ہے۔اعلامیے کے مطابق شادی یا کسی بھی قسم کے فنکشن میں فائرنگ کرنے کے لیے پیشگی اجازت لینا لازمی قرار دیا گیا ہے، اور بغیر اجازت کسی بھی قسم کی فائرنگ قانونا جرم تصور ہوگی۔ ترجمان کا کہنا ہے کہ بعض اوقات خوشی کے موقع پر کی جانے والی ہوائی فائرنگ قیمتی انسانی جانوں کے ضیاع کا سبب بن جاتی ہے، جس سے نہ صرف متاثرہ خاندان بلکہ پورا معاشرہ صدمے سے دوچار ہوتا ہے۔مزید کہا گیا ہے کہ اس طرح کی غیر ذمہ داران سرگرمیوں سے علاقے میں خوف و ہراس پھیلتا ہے اور امن و سکون متاثر ہوتا ہے، جس کی کسی صورت اجازت نہیں دی جا سکتی۔ لہذا عوام سے پرزور اپیل کی جاتی ہے کہ وہ ذمہ داری کا مظاہرہ کریں اور قانون کی مکمل پاسداری کریں۔ اعلامیے میں واضح کیا گیا ہے کہ خلاف ورزی کی صورت میں متعلقہ افراد کے خلاف سخت قانونی کارروائی عمل میں لائی جائے گی، باقاعدہ ایف آئی آر درج ہوگی اور کسی کے ساتھ کوئی رعایت نہیں برتی جائے گی۔تفتان رائفلزنے عوام الناس سے تعاون کی درخواست کرتے ہوئے کہا ہے کہ وہ علاقے میں امن و امان کے قیام اور ایک پرامن ماحول کو برقرار رکھنے کے لیے قانون نافذ کرنے والے اداروں کا ساتھ دیں اور ایک ذمہ دار شہری ہونے کا ثبوت دیں۔

نوکنڈی (نمائندہ مشرق )ایف سی بلوچستان (ساو¿تھ) تفتان رائفلز نوکنڈی کی جانب سے جذبہ خدمت خلق کے تحت نواحی علاقے کلی مینگل آباد میں ایک روزہ فری میڈیکل کیمپ کا انعقاد کیا گیا، جس کا مقصد دور دراز علاقوں کے عوام کو معیاری اور بروقت طبی سہولیات فراہم کرنا تھا۔میڈیکل کیمپ کے دوران ماہر ڈاکٹرز اور تربیت یافتہ میڈیکل اسٹاف نے مجموعی طور پر 295 مریضوں کا تفصیلی طبی معائنہ کیا، جبکہ مریضوں کو موقع پر مفت ادویات بھی فراہم کی گئیں۔ مستفید ہونے والوں میں خواتین، بچے اور بزرگ افراد کی بڑی تعداد شامل تھی، جنہوں نے اس سہولت کو اپنے لیے نہایت مفید اور بروقت اقدام قرار دیا۔اس موقع پر مقامی سماجی تنظیم تحریک شعور چاغی کے رضاکاروں نے بھی بھرپور کردار ادا کیا اور کیمپ کے انتظامات میں ایف سی بلوچستان (ساو¿تھ) کے عملے کے ساتھ قریبی تعاون کیا، جس کے باعث طبی خدمات کی فراہمی منظم اور مو¿ثر انداز میں ممکن بنائی جا سکی۔علاقے کے معززین اور مقامی افراد نے ایف سی بلوچستان (ساو¿تھ) کی اس انسان دوست اور فلاحی کاوش کو سراہتے ہوئے کہا کہ دور افتادہ علاقوں میں صحت کی سہولیات محدود ہونے کے باعث ایسے فری میڈیکل کیمپس عوام کے لیے کسی نعمت سے کم نہیں۔ انہوں نے امید ظاہر کی کہ مستقبل میں بھی اسی نوعیت کی فلاحی سرگرمیاں جاری رکھی جائیں گی تاکہ پسماندہ علاقوں کے عوام کو صحت کی بنیادی سہولیات با آسانی میسر آ سکیں۔

چاغی (آن لائن) سابق چیئرمین سینیٹ و رکنِ صوبائی اسمبلی بلوچستان، حاجی محمد صادق سنجرانی کی کلی ملا محمد ابراہیم محمدزئی آمد پر محمدزئی ہا¶س میں بلوچستان عوامی پارٹی کے سنیئر نائب صدر سرفراز محمدزئی کی جانب سے پرتکلف ظہرانے کا اہتمام کیا گیا، جس میں مہمانوں کی بھرپور تواضع کی گئی۔ ظہرانے کے بعد سابق چیئرمین سینیٹ نے خوشگوار ماحول میں علاقے کی مجموعی صورتحال، ترقیاتی امور اور عوامی مسائل پر تفصیلی گفتگو کرتے ہوئے کہا کہ چاغی خصوصاً یہ بیلٹ معدنیات سے مالا مال ہے اور یہاں کے عوام کے مسائل ان کی دہلیز پر حل کیے جائیں گے۔ انہوں نے مزید کہا کہ ترقیاتی منصوبوں میں مقامی افراد کو ترجیح دی جا رہی ہے، نوجوانوں کے لیے روزگار کے مواقع بڑھائے جا رہے ہیں اور بنیادی سہولیات کی فراہمی کو یقینی بنایا جا رہا ہے۔ انہوں نے عوامی مسائل تفصیل سے سنے اور ان کے حل کی بھی یقین دہانی کرائی۔حاجی محمد صادق سنجرانی نے اس بات پر بھی زور دیا کہ عوام آپس میں اتحاد اور بھائی چارے کو فروغ دیں اور باہمی روابط کو مضبوط بنائیں، کیونکہ ترقی اسی میں مضمر ہے۔ اس موقع پر ڈسٹرکٹ چیئرمین عبدالودود خان سنجرانی، ضیاءخان سنجرانی، ڈی ایس پی و ایس ڈی پی او نوکنڈحی سردار اکبر سنجرانی، ڈسٹرکٹ کونسل ممبر الطاف خان سنجرانی، حاجی محمد حسن محمدزئی، وائس چیئرمین یوسی نوکنڈی ملک حاجی شہباز خان محمدزئی، حافظ مولا بخش محمدزئی، خان عبدالرحمن محمدزئی، عبدالسلام محمدزئی، نیاز الدین محمدزئی، خلیل الرحمن محمدزئی، نائب خان محمدزئی، ملک محمود محمدزئی، سید بشیر، نیاز جان فقیرزئی، حاجی قادر بخش سمالانی، بابو نور احمد محمدزئی، حاجی شکور احمد، بلال شہزاد برہانزئی، اذلان خان، محمد یٰسین اور دوربن چاہ کے عمائدین ملا توکل خان برہانزئی، حاجی عارف ڈیگارزئی، جنگی خان مشوانی، حاجی شاہ نظر، دفعدار محمد کریم ملک قادر برہان زئی حضور بخش محمدزئی،شہدا محمدزئی،حافظ صلا الدین محمد زئی، دستگیر محمدزئی،عبدالشکور محمدزئی،سلیمان محمدزئی،جمیل احمد محمدزئی، عبدالرشید محمدزئی،زین العابدین محمد زئی،عبدالقادر محمدزئی،غلام حیدر محمدزئی اور دیگر معززین موجود تھے۔

نوکنڈی : سابق چیئرمین سینیٹ و ایم پی اے چاغی محمد صادق سنجرانی نے نوکنڈی کے نواحی علاقہ دوربن چاہ کا دورہ کیا۔ اس موقع پر ان کے ہمراہ ڈسٹرکٹ چیئرمین خان عبدالودود سنجرانی، ڈی ایس پی نوکنڈی سردار اکبر خان سنجرانی ، ڈسٹرکٹ ممبر الطاف خان سنجرانی بھی موجود تھے۔اس دوران قبائلی عمائدین ملا توکل برہانزئی، سید بشیر سید بلانوشی، ملک محمود محمدزئی، محمد کریم شیرزئی،محمد عارف ڈیگارزئی، باسط سید بلانوشی و دیگر نے حل طلب مسائل پر تفصیلی گفتگو کرتے ہوئے بوائز مڈل سکول اور گرلز پرائمری سکول کی اپ گریڈیشن کا مطالبہ کیا۔ انہوں نے مزید کہا کہ این-40 کوئٹہ تفتان شاہراہ سے دوربن چاہ تک بلیک ٹاپ سڑک کو معیاری انداز میں مکمل کیا جائے اور آئندہ بجٹ میں کرکٹ اسٹیڈیم کے قیام کو بھی شامل کیا جائے۔اس موقع پر محمد صادق سنجرانی نے خطاب کرتے ہوئے کہا کہ عوامی ترقی میرا مشن ہے اور علاقے کے مسائل کا حل اولین ترجیح ہے۔ انہوں نے یقین دہانی کرائی کہ بوائز مڈل سکول کو ہائی اور گرلز پرائمری سکول کو مڈل کا درجہ دینے کے لیے ٹھوس اقدامات کیے جائیں گے، جبکہ دوربن چاہ تک سڑک کی تکمیل کو یقینی بنا کر عوام کو بہتر سفری سہولیات فراہم کی جائیں گی۔ انہوں نے مزید کہا کہ نئے بجٹ میں کرکٹ اسٹیڈیم کے منصوبے کو بھی شامل کرنے کی کوشش کی جائے گی۔