خضدار (آن لائن) کمشنر قلات ڈویژن ڈپٹی کمشنر خضدار کی ہدایات پر اسسٹنٹ کمشنر سب ڈویژن خضدار نے عوامی صحت کے تحفظ کے لیئے بڑا قدم اٹھاتے ہوئے گٹکا، چھالیہ اور مضر صحت اجزاءسے تیار شدہ پان کی تیاری، اسٹاک اور فروخت پر فوری طور پر مکمل پابندی عائد کر دی ہے۔انتظامیہ کے مطابق خضدار کی حدود میں گٹکا، چھالیہ اور دیگر نشہ آور اشیاءکی سرِعام فروخت جاری تھی۔ ان کے استعمال سے عوام خصوصاً نوجوان نسل میں منہ، حلق اور کینسر جیسی مہلک بیماریاں تیزی سے پھیل رہی ہیں۔ درج ذیل لوازمات پر عملدرآمد کا حکمنامہ جاری کیا گیا ہے کہ خضدار سب ڈویژن میں گٹکا، چھالیہ اور مضر صحت پان کی تیاری، اسٹاک اور فروخت پر مکمل پابندی ہو گی۔ تمام دکانداروں اور سپلائرز کو اپنا موجودہ اسٹاک ختم کرنے کے لیئے صرف 7 دن دیے گئے ہیں۔ اس کے بعد انتظامیہ اور پولیس کی ٹیمیں اچانک چھاپہ مار کر کاروائی کرینگے۔مہلت کے بعد جس دکان یا گودام سے ممنوعہ اشیاءبرآمد ہوئیں، مال ضبط، ایف آئی آر درج، بھاری جرمانہ اور دکان سیل کر دی جائے گی۔ کوئی عذر قبول نہیں ہو گا۔اسسٹنٹ کمشنر خضدار نے عوام الناس سے اپیل کی ہے کہ صحت مند معاشرے کی تشکیل کے لیے انتظامیہ کا ساتھ دیں اور اس مہم کو کامیاب بنائیں۔اس حکم نامے کی کاپیاں کمشنر قلات ڈویژن، ڈی سی خضدار، ایس پی خضدار، ڈی ایس پی سرکل، تمام ایس ایچ اوز اور پولیس چوکیوں کو بھجوا دی گئی ہیں تاکہ عملدرآمد یقینی بنایا جا سکے۔

خضدار : عید الاضحی سے قبل مویشیوں کی اسمگلنگ پر پابندی عائد، اسسٹنٹ کمشنر کا حکم نامہ جاری اسسٹنٹ کمشنر سب ڈویژن خضدار نے عید الاضحیٰ 2026 کے پیش نظر مویشیوں کی غیر قانونی نقل و حمل اور فروخت پر فوری پابندی عائد کر دی ہے۔ اس سلسلے میں باقاعدہ حکم نامہ بھی جاری کر دیا گیا ہے۔انتظامیہ کے مطابق اطلاعات موصول ہوئی ہیں کہ متعدد بڑی کمپنیاں اور بیوپاری خضدار کے غریب مالداروں سے سستے داموں مویشی خرید کر ملک کی بڑی منڈیوں میں مہنگے داموں فروخت کرنے کی منصوبہ بندی کر رہے ہیں۔ اس عمل سے نہ صرف خضدار میں مویشیوں کی قلت کا خدشہ ہے بلکہ مقامی خریداروں کے لیے قربانی کے جانور بھی مہنگے ہو جائیں گے۔ضلعی انتظامیہ خضدار نے درج ذیل احکامات جاری اور پابندیاں عائد کردی ہے۔خضدار سب ڈویژن کی حدود سے گائے، بیل، بکرے، دنبے سمیت کسی بھی مویشی کو کمرشل بنیادوں پر باہر لے جانے پر پابندی ہو گی۔ بڑی کمپنیوں یا ان کے کارندوں کی جانب سے تھوک میں خریداری پر کڑی نظر رکھی جائے گی۔ اسمگلنگ کی کوشش کرنے والی گاڑیوں کو روک دیا جائے گا۔ مالداروں کو مشورہ دیا گیا ہے کہ اپنے جانور صرف مقامی سطح پر فروخت کریں تاکہ خضدار کے عوام کو سستے داموں قربانی کے جانور میسر آ سکیں۔ خلاف ورزی کرنے والوں کے خلاف جرمانے اور قید کی سخت قانونی کارروائی عمل میں لائی جائے گی۔اسسٹنٹ کمشنر خضدار کے مطابق یہ حکم نامہ فوری طور پر نافذ العمل ہے اور تاحکم ثانی برقرار رہے گا۔حکم نامے کی کاپیاں کمشنر قلات ڈویڑن، ڈپٹی کمشنر خضدار، ایس ایس پی خضدار، ڈی ایس پی سرکل، تمام تھانوں کے ایس ایچ اوز اور پولیس چوکیوں کے انچارجز کو بھیج دی گئی ہیں تاکہ اس پر فوری عملدرآمد یقینی بنایا جا سکے۔انتظامیہ کا کہنا ہے کہ یہ اقدام عوامی مفاد اور مقامی مالداروں کے تحفظ کے لیئے اٹھایا گیا ہے تاکہ عید الاضحیٰ کے موقع پر خضدار کے شہریوں کو مناسب قیمت پر قربانی کے جانور دستیاب ہو سکیں۔

خضدار(بیورورپورٹ)خضدار شہر اور گردونواح میں واپڈا کی جانب سے بجلی کی غیر اعلانیہ اور انوکھی لوڈشیڈنگ کا سلسلہ جاری ہے محکمہ واپڈا نے متبادل راتوں کا غیر تحریری شیڈول نافذ کر رکھا ہےاس شیڈول کے تحت ایک رات بجلی فراہم کی جاتی ہےجبکہ دوسری رات مکمل طور پر بجلی غائب کردی جاتی ہےاس عمل سے شہری شدید ذہنی اذیت اور جسمانی تکلیف میں مبتلا ہیں شدید گرمی اور حبس کے موسم میں رات کی بجلی بندش نے نظام زندگی درہم برہم کر دیا ہےبچے، بوڑھے اور مریض رات بھر جاگنے پر مجبور ہیں کمروں میں پنکھےبند ہونے سے گھروں میں حبس بڑھ جاتا ہےمچھروں کی بہتات کے باعث ملیریا ڈینگی اور ٹائیفائیڈ جیسے امراض پھیلنے کا خدشہ پیداہوگیاہےمقامی لوگوں کا کہنا ہے کہ یہ سلسلہ نئے ایکسیئن کی تعیناتی کے فوراً بعد شروع ہواہےاس سے قبل رات کے اوقات میں بجلی کی ترسیل نسبتاً بہتر تھی اب صورتحال یہ ہے کہ رات 11:30 کے بعد پورا شہر تاریکی میں ڈوب جاتا ہےبجلی کے بند ہونے سے رات کے وقت چوری کی وارداتوں کا خطرہ بھی بڑھ گیا ہے گھروں مساجدوں کو پانی بھرنے اور دیگر کاموں میں مشکلات کا سامنا ہےکیونکہ اکثر علاقوں میں واٹر سپلائی کی رات کوآتی ہےاورگھروں مساجدوں کی موٹریں بجلی سے چلتی ہیں متعدد محلوں میں پینے کے صاف پانی کا بحران شدت اختیار کر گیاہے زرائع کے مطابق رات کی لوڈشیڈنگ سےہسپتالوں میں ایمرجنسی کیسز نمٹانا دشوار ہو چکاہےجنریٹرز کا مسلسل استعمال ڈاکٹروں اور مریضوں کے لیے اضافی مالی بوجھ ہےمساجدوں میں نمازیوں کوفجر کے وقت سخت پریشانی ہورہی ہے شہری حلقوں نے اس طرزعمل کو واپڈا کی حسبِ روایت ظلم و زیادتی قراردیاہے خضدارکےعوامی و سیاسی حلقوں نے بھی اس صورتحال پرگہری تشویش کا اظہار کیا ہےان کا کہنا ہے کہ خضدار پہلے ہی دنیا بنیادی سہولیات سے محروم ضلع ہےایسے میں بجلی جیسی بنیادی ضرورت سے کو محروم رکھنا سراسر ناانصافی ہے شہریوں نے خبردار کیا ہے کہ اگر رات کی بجلی فوری بحال نہ کی گئی توواپڈاکے عوام احتجاج کرے گی عوامی حلقوں نے چیف کیسکو بلوچستان سے پرزور مطالبہ کیا ہےکہ وہ اس معاملے کا فوری نوٹس لیں اور متبادل راتوں والی غیر منصفانہ لوڈشیڈنگ ختم کرائیں اوررات کے اوقات میں بجلی کی بلاتعطل فراہمی کو یقینی بنایا جائےاور اعلانیہ لوڈشیڈنگ کی شیڈول جاری کریں تاکہ شہری اپنے معمولات ترتیب دے سکیں شہریوں نے وزیرِ اعلیٰ بلوچستان چیف کیسکو سے بھی اپیل کی ہےکہ وہ خضدار کے عوام کو اس اذیت سے نجات دلاکرعوام کی رات کا سکون بحال کرائیں۔

خضدار (بیورورپورٹ)خضدار شہر میں مچھروں کی غیر معمولی بہتات نے عوام کی زندگی اجیرن بنا دی ہےعوامی و سیاسی حلقوں نے ذمہ دارحکام اور محکمہ صحت سے شہر بھر میں فوری اسپرے مہم شروع کرنے کا پرزور مطالبہ کیاہےمچھروں کے کاٹنے سے ملیریا اور ٹائیفائیڈ کے کیسزتیزی سے بڑھ رہے ہیں ہسپتالوں میں ملیریاکےمریضوں کی تعداد میں واضح اضافہ رپورٹ ہورہا ہےلوگوں کے مطابق بارشوں کی کمی کے باعث کھڑے پانی اور گندگی میں مچھروں کی افزائش نسل میں تیزی آئی ہےشہری رات مچھروں کی وجہ سے شدید پریشانی اور ذہینی اذیت کا شکار ہیں۔ بچے خواتین اور بزرگ سب سے زیادہ متاثر ہو رہے ہیں۔ دوسری جانب رات بھر بجلی کی غیراعلانیہ لوڈشیڈنگ واپڈا حکام کی مہربانیوں کی وجہ سے لوگوں کو مچھروں کی بہتات پردھکیل دی ہےخضدار کے عوامی و سیاسی نمائندوں نے میڈیا سے گفتگو میں کہا کہ صورتحال کنٹرول سے باہر ہوتی جارہی ہےانہوں نے سیکرٹری صحت بلوچستان، ڈائریکٹر جنرل ھیلتھ سروسز بلوچستان،کمشنر قلات ڈویڑن، ڈپٹی کمشنر خضدار اور محکمہ صحت کے دیگر بالا حکام سے اپیل کی ہےخضدار شہر اور گردونواح میں ہنگامی بنیادوں پر اینٹی ملیریا اسپرے مہم شروع کی جائے اورہسپتالوں میں ملیریا و ٹائیفائیڈ کے ٹیسٹ اور ادویات کا مفت انتظام کیا جائےعوام میں مچھروں سے بچاو¿ کے لیے آگاہی مہم چلائی جائےشہریوں کا کہنا ہے کہ اگر فوری اقدامات نہ کیے گئے تو یہ وبائی صورت اختیار کر سکتی ہے۔ حکام کو چاہیے کہ عوام کو اس عذاب سے نجات دلانے کے لیے بلاتاخیر عملی اقدامات کریں

خضدار(آن لائن) سٹی پولیس کی جرائم پیشہ ملزمان کے خلاف بھرپور کامیاب کاروائیاں جاری ہیں۔ تفصیلات کے مطابق خضدار سٹی پولیس کی کاروائیاں مزید تیز۔ایس ایس پی خضدار _شہزادہ عمر عباس بابر، ایڈیشنل ایس پی عبدالقدوس دہوار کی خصوصی ہدایات پر زیر نگرانی ڈی ایس پی سٹی محمد عالم لہڑی ایس ایچ او سٹی منیر عالم جتک، اور پولیس ٹیم نے سٹی ایریا میں کامیاب کاروائیاں کرتے ہوئے لڑائی جھگڑے فائرنگ اور دیگر مختلف کیسوں میں ملوث چار مفرور ملزمان کو گرفتار کرکے حوالات میں بند کردیا ایک اورکاروائی میں منشیات کے دھندے میں ملوث ملزم کو گرفتار کرکے منشہات برآمد کرلی گئی، ملزم کے خلاف مقدمہ درج تفتیش شروع کردی جبکہ ایک اور کاروائی کے دوران منشیات کے کیس میں ملوث ملزم ولید گرفتار کرکے منشیات اور پسٹل برآمد کرکے مقدمہ درج کردی گئی۔

خضدار(بیورورپورٹ)خضدار شہرمیں بجلی کے ترسیل کی دورانیہ کم کرنے سے بجلی کے لوڈشیڈنگ میں اضافہ ہوا ہے اورگھریلو و کاروباری صارفین سخت پریشانی میں مبتلا ہےخضدار سٹی ون کے بجلی کی رات بھر لوڈشیڈنگ آنکھ مچولی ٹرپنگ کو ختم کرکے انکا پرانی شیڈول بحال کیاجائےواپڈاکی نااہلی رات 12 بجے سے بجلی کو غیراعلانیہ بندکرکے صبح 10 بجے تک گرمی میں بندکرکے صارفیں کو سخت عذاب میں مبتلا کیا ہے عوامی حلقوں کا شدید ردعمل چیف کیسکو سے فوری طور ایکسئین کو ٹرانسفرکرنے کا مطالبہ ان خیالات خضدارکے عوامی و سیاسی حلقوں نے میڈیا نمائندوں سے گفتگو کرتے ہوئے کیا انہوں نے کہا خضدارکے کاروباری اورگھریلوصارفین کے بجلی ٹائمنگ پرانی بحال کی جائے اورکاروبار کے دوران بجلی کی بلاجواز لوڈشیڈنگ پرقابوپایاجائے خضدار کے عوام سخت اذیت مبتلا ہےخضدارمیں کاروبارکے وقت دن صبح 9 بجے سے شروع ہوتے ہیں مگربدقسمتی سے واپڈا بجلی کو سپلائی دن 10بجے مہیاکی جاتی ہے اور رات بھرغیراعلانیہ اور بلاجواز لوڈشیڈنگ سے کاروباراور گھریلوصارفین کی زندگیاں اجیرن بن گئی ہےگھریلوصارفین کو رات بجلی کی بندش سے سخت پریشانی کا سامناہے اوردوسری جانب دن کو بجلی کی آنکھ مچولی اور باربارٹرپنگ کامسلہ عوام کوزہینی مریض بنادیاہےبجلی کی بندش سے شہرمیں کاروبارمتاثرہوگیا ہے خضدار کے عوامی وسیاسی حلقوں نے کہناہے کہ خضدارسٹی ون میں پرانی طریقہ کار کوبحال کرکے عوام کو بہترین بجلی کی سپلائی بحال کریں تاکہ عوام مچھروں اور گرمی سے نجات پاکرسکھ کاسانس لے سکیں اوروگرنہ بصورت دیگر عوام احتجاج کرے گی عوامی حلقوں نے وزیراعلی بلوچستان میر سرفرازبگٹی، چیف کیسکو بلوچستان، کمشنرقلات ڈویڑن، ڈپٹی کمشنرخضدارسے مطالبہ کیا کہ گرمی کے موسم میں خضدارشہرکے بجلی کی بحرانی کیفیت کو ختم عوام کو بہترین بجلی کی ترسیل مہیاکیاجائے۔

خضدار(بیورورپورٹ)خضدار کی سرزمین ایک بار پھر فٹبال کے رنگوں سے جگمگا اٹھی پہلا آل سندھ بلوچستان میر حاصل خان بزنجو فٹبال ٹورنامنٹ کے سلسلے میں پیرکے روز بابائے بلوچستان میر غوث بخش بزنجو اسٹیڈیم میں تین اہم میچز کھیلے گئےاسٹیڈیم میں شائقین کی بڑی تعداد نے شرکت کی اور کھلاڑیوں کی حوصلہ افزائی کی تین سال کے طویل وقفے کے بعد خضدار میں منعقد ہونے والے اس بڑے ایونٹ نے شہر کےکھیل کے ماحول کو نئی زندگی بخش دی دن کا آغاز فیروز آباد الیون اور شوکت شہید کلب کے درمیان کانٹے دار مقابلے سے ہوادونوں ٹیموں نے بہترین کھیل کا مظاہرہ کیا لیکن قسمت نے فیروز آباد الیون کا ساتھ دیا فیروز آباد الیون نے 0-1 کے معمولی مارجن سے میچ اپنے نام کرلیامیچ کے دوران دفاعی کھیل نمایاں رہا اور گول کیپرز نے کئی یقینی گول بچائے۔ دوسرا میچ بلوچستان یونیورسٹی آف انجینئرنگ اینڈ ٹیکنالوجی خضداراور بابائے بلوچستان کلب نال کے درمیان کھیلا گیامقررہ وقت تک دونوں ٹیمیں کوئی گول نہ کرسکیں اور مقابلہ 0-0 سے برابر رہافیصلہ پینلٹی ککس پرہواجہاں بی یو ای ٹی خضدار نے اعصاب پر قابو رکھتے ہوئے کامیابی حاصل کی میچ کے بہترین کھلاڑی بی یو ای ٹی خضدار کے بجار بلوچ قرار پائےبجار بلوچ نے شاندار مڈفیلڈ کھیل پیش کیا اور ٹیم کو جوڑے رکھاسینئر کھلاڑی صدیق جھالاوان نے مین آف دی میچ بجار بلوچ کو شیلڈ پیش کی اس موقع پر شائقین نے تالیوں سے کھلاڑی کو داد دی۔تیسرا اور آخری میچ نواب شہید مستونگ اور آزاد فقیران فٹبال کلب نوشکی کے مابین ہوایہ میچ سب سے زیادہ دلچسپ رہا جس میں مجموعی طور پر تین گول ہوئےآزاد فقیران فٹبال کلب نوشکی نے 1-2 سے کامیابی حاصل کرکے اگلے راو¿نڈ کے لیے کوالیفائی کر لیانوشکی کی ٹیم نے بہترین پاسنگ اور تیز حملوں سے حریف دفاع کو پریشان کیے رکھامیچ کے بہترین کھلاڑی نصیب اللہ قرار پائے جنہوں نے ایک گول اسکور کیا اور ایک اسسٹ کی نصیب اللہ نے اپنی شیلڈ جھالاوان میڈیکل کالج خضدار کے سپرنٹنڈنٹ ندیم رخشانی سے وصول کی ندیم رخشانی نے کھلاڑیوں کی کارکردگی کو سراہا اور ٹورنامنٹ کے انعقاد کو خوش آئند قرار دیا میچز کے اختتام پر ٹورنامنٹ آرگنائزر رئیس بشیراحمد مینگل، عابد شاہوانی، ناصر کمال ودیگر نے میڈیا سے گفتگو کی ان کا کہنا تھا کہ تین سال بعد خضدار میں آل سندھ و بلوچستان ایونٹ کا انعقاد سابق وزیراعلی بلوچستان ڈاکٹرعبدالمالک بلوچ کی خصوصی دلچسپی کا نتیجہ ہےرئیس بشیر احمد مینگل نے کہا کہ ڈاکٹر عبدالمالک بلوچ کی کوششوں سے خضدارکے شائقین کو فٹبال کا یہ تحفہ ملا ہےانہوں نے وعدہ کیا کہ ان شائ اللہ آئندہ بھی خضدارکے فٹبال لورز کو ایسے مواقع فراہم کیے جائیں گےآرگنائزررئیس بشیراحمد مینگل نے شائقین سے اپیل کی کہ وہ زیادہ سے زیادہ تعداد میں اسٹیڈیم آکر ٹورنامنٹ کو کامیاب بنائیں ان کا کہنا تھا کہ شائقین کی شرکت ہی فٹبال دوستی کا اصل ثبوت ہے ٹورنامنٹ کمیٹی نے کل کے میچوں کا شیڈول جاری کردیا۔ٹورنامنٹ کمیٹی کے مطابق منگل کے روز بھی تین میچز کھیلے جائیں گے پہلا میچ ٹھیک 11 بجے ابراری کلب بسیمہ اور مرحوم اورنگزیب کلب پنجگور کے درمیان ہوگادوسرا میچ دن 1 بجے آزاد فقیران فٹبال کلب نوشکی کا مقابلہ اے آر ایم اکیڈمی حب چوکی سے ہوگاتیسرا اور دن کا آخری میچ شام 4 بجے ضیائ جان فٹبال کلب سوراب اور نیشنل کلب خضدار کے درمیان کھیلا جائے گا آخری میچ کے مہمان خصوصی بلوچستان نیشنل پارٹی (عوامی) خضدار کے ضلعی آرگنائزر منیراحمد زہری ہوں گےانتظامیہ نے تمام ٹیموں کو وقت کی پابندی کی ہدایت کی ہے۔ بابائے بلوچستان میر غوث بخش بزنجو اسٹیڈیم میں سیکیورٹی کے سخت انتظامات کیے گئے تھےپولیس اور انتظامیہ کے اہلکار گراو¿نڈ کے اندر اور باہر تعینات رہےشائقین کے لیے پینے کے پانی اور ابتدائی طبی امداد کا بندوبست بھی موجود تھاکمنٹیٹرز عبدالستار قلندرانی ودیگرنے براہوئی اور اردو دونوں زبانوں میں کمنٹری کرکے میچ کو مزید دلچسپ بنایا۔فٹبال ٹورنامنٹ کےآرگنائزنگ کمیٹی نے کہا تین سال بعد خضدار میں فٹبال کی بحالی پرکھلاڑیوں اور شائقین میں خوشی کی لہر دوڑ گئی ہےتمام میچز میں کھیل کے اعلیٰ معیار اور سپورٹس مین اسپرٹ کا مظاہرہ کیاگیاشہریوں نے انتظامیہ سے مطالبہ کیا ہے کہ ایسے ایونٹس تسلسل کے ساتھ منعقد کیے جائیں تاکہ نوجوان منفی سرگرمیوں سے دور رہیں اورٹورنامنٹ کے اگلے مرحلے کے میچز مزید سنسنی خیز ہونے کی توقع ہے۔

خضدار (بیورورپورٹ)خضدار میں تعلیمی پسماندگی اور تعلیمی بحران مزید شدت اختیارکرگیاہے۔ ضلع بھر میں بچوں کی بڑی تعداد نے تعلیم سے دوری اختیار کرلی ہے اور بمشکل پینتیس فیصد بچے ہی اسکول جا رہے ہیں تعلیمی اخراجات کا بوجھ برداشت نہ کر پانا اور اساتذہ کی کمی نے بحران کو مزید گہراکردیاہےکئی بچے کئی کلومیٹر کا سفر طے کرنے کی سکت نہ رکھنے کے باعث تعلیم حاصل کرنے سے مکمل قاصر ہیں دیہاتوں سے لوگ بچوں کی تعلیم کے لیے شہروں کا رخ کر رہے ہیں مگر بدقسمتی سے سرکاری اسکولوں میں تدریسی عمل تقریباً معطل ہے۔ والدین کے پاس پرائیویٹ اسکولوں کی فیس دینے کی گنجائش نہ ہونے سے بچوں کا مستقبل داو¿ پر لگ گیا ہے اور سینکڑوں بچے تعلیم کو خیرباد کہہ چکے ہیں ایک میڈیا سروے رپورٹ کے مطابق خضدار اور گردنواع دیہاتوں کے کئی اسکول اساتذہ نہ ہونے کی وجہ سے بند پڑے ہیں۔ دیہاتوں میں اسکولوں کی عمارتیں کھنڈرات میں تبدیل ہو چکی ہیں۔ہزاروں تدریسی آسامیاں تاحال خالی ہیں جس کی وجہ سےبلوچستان میں تعلیمی ایمرجنسی کے دعوے بے معنی ہو کررہ گئے ہیں اس وقت ضلع خضدار میں سینکڑوں کی تعداد میں بچے اور بچیاں اسکولوں سے باہر ہیں اور سینکڑوں اسکول غیر فعال ہیں۔ وڈھ، سارونہ، کنجڑ ماڑی، شاہ نورانی، اورناچ، زہری، نال، مولہ، کرخ، باغبانہ سمیت دیگر دیہاتوں میں اسکول موجود تو ہیں مگر اساتذہ کی کمی کے باعث بند پڑے ہیں خضدار کے عوامی حلقوں نے وزیراعلیٰ بلوچستان میر سرفراز بگٹی، صوبائی وزیر تعلیم راحیلہ حمید درانی اور سیکرٹری ایجوکیشن اسکولز ودیگرحکام بالا سے مطالبہ کیا ہے کہ خضدار اور گردونواح میں تعلیمی پسماندگی کا خاتمہ کیا جائے، بند اسکول کو فوری بحال کیے جائیں اور اساتذہ کو ڈیوٹی کا پابند بنایا جائےعوامی حلقوں کا کہنا ہے کہ عارضی بھرتیوں کے بجائے خالی آسامیاں مستقل بنیادوں پر فوری پ±ر کی جائیں تاکہ تعلیمی بحران کاخاتمہ ہو اور اساتذہ کرام اپنے فرائض سے مخلص کر بچوں کی بہتر تعلیم پر توجہ مرکوزکریں۔

لاہور :  وزیر اعلیٰ پنجاب مریم نواز نے خضدار میں دہشت گردوں کے خلاف کارروائی میں بلوچستان پولیس لیڈی کانسٹیبل ملک ناز بلوچ کی شہادت اور قربانی کو خراج تحسین پیش کیا ہے۔

وزیراعلیٰ مریم نواز نے کہا ہے کہ دہشت گردی کے خلاف جنگ میں بلوچستان کی بہادر بیٹی نے جرأت و بہادری کی مثال قائم کی۔ شہید ملک ناز نے ثابت کردیاجب قوم کی بیٹی ڈٹ جائے تو کوئی طاقت شکست نہیں دے سکتی۔

وزیرِ اعلیٰ مریم نواز نے شہید ملک ناز کے اہل خانہ کیلئے صبر جمیل کی دعاکی اورہمدردی واظہار تعزیت کیا۔

خضدار (یو این اے )خضدار میں مرغی ڈیلر مافیا نے ایک بار پھر سر اٹھا لیا ہے اور سرکاری نرخنامے کو ردی کی ٹوکری کی نذر کرتے ہوئے قیمتوں میں من مانا اضافہ کر دیا ہے۔ تفصیلات کے مطابق، مرغی کی قیمت میں یکدم 150 روپے فی کلو کا اضافہ کر کے اسے 750 روپے تک پہنچا دیا گیا ہے، جس کے باعث غریب عوام کو شدید معاشی مشکلات کا سامنا ہے۔عوامی حلقوں کا کہنا ہے کہ گزشتہ ہفتے ضلعی انتظامیہ کے حکم پر اسسٹنٹ کمشنر خضدار نے مرغی کا سرکاری ریٹ 600 روپے مقرر کیا تھا، مگر ڈیلرز نے ایک ہفتہ گزرنے سے پہلے ہی سرکاری احکامات کو پسِ پشت ڈال کر اپنی من مانی شروع کر دی ہے۔ شہریوں کا کہنا ہے کہ پرائس کنٹرول کمیٹی کی غیر فعالی کی وجہ سے مافیا بے لگام ہو چکا ہے اور عوام کو بے دردی سے لوٹا جا رہا ہے۔عوامی حلقوں نے میڈیا نمائندوں سے گفتگو کرتے ہوئے ڈپٹی کمشنر خضدار اور اعلی حکام سے پرزور مطالبہ کیا ہے کہ مرغی ڈیلر مافیا کے خلاف فوری اور سخت ایکشن لیا جائے۔ انہوں نے مطالبہ کیا کہ سرکاری نرخنامے پر عملدرآمد یقینی بنایا جائے اور گراں فروشی میں ملوث عناصر کو گرفتار کر کے حوالات میں بند کیا جائے تاکہ مستقبل میں کوئی بھی سرکاری احکامات کی خلاف ورزی کرنے کی جرات نہ کر سکے۔