ڈیرہ مراد جمالی : نصیرآباد، جھل مگسی، جعفرآباد، کچھی سمیت دیگر علاقوں میں گرمی کی شدت میں زبردست اضافہ درجہ حرارت 47 سینٹی گریڈ تک پہنچ گیا شدید گرمی اور سخت گرم ہواوں کے چلنے سے کاروبار زندگی شدید متاثر بجلی کا طویل ترین بریک ڈاو¿ن عوام کی مشکلات میں اضافہ لوگ اپنے گھروں تک محدود تفصیلات کے مطابق ڈیرہ مراد جمالی ڈیرہ اللہ یار صحبت پور اوستہ محمد گنداواہ چھتر نوتال بھاگ جھل مگسی روجھان جمالی میرحسن تمبو منجھوشوری خنکوٹ غفورآباد سکندرآباد مانجھوٹی فریداباد بختیاراباد سنی شوران فتح پور لانڈھی شریف سمیت دیگر علاقوں میں صبح ہوتے ہی سورج نے آگ اگلنا شروع کردی شدید گرمی اور سخت گرم ہواوں کے چلنے کی وجہ سے انسانی زندگی مفلوج ہوکر رہ گیا شدید گرمی میں مزکورہ علاقوں میں بجلی کا روزانہ طویل ترین بریک ڈاو¿ن سے کاروبار ٹھپ ہوکر رہ گیا ڈیرہ مراد جمالی اور دیگر علاقوں میں پانی کی شدید قلت کا سلسلہ برقرار رہا جس سے اہل علاقے کے عوام پانی کی بوند بوند کو ترس گئے سارا دن خواتین وبچے بوڑھے پانی کے سرگرداں رہتے ہیں جبکہ برف فیکٹری کے مالکان کی ہڑتال کی وجہ سے ڈیرہ مراد جمالی میں برف نا پید ہو گئی ہے جس سے عوام کی مشکلات میں مزید اضافہ ہوا ہے ۔

جھل مگسی ( آئی این پی ) ڈپٹی کمشنر جھل مگسی سید رحمت اللّٰہ شاہ نے چیف آفیسر میونسپل کمیٹی گنداواہ غوث الدین شیرازی کے ہمراہ گنداواہ بازار کا دورہ کیا اس موقع پر انھوں نے بلوچستان اسپیشل ڈیولپمنٹ انیشیٹو کے تحت دنیا چوک کے اطراف نکاسی آب اور شاہراہ کو کشادہ کرنے کے جیسے منصوبوں کا جائزہ لیا بعد ازاں انھوں نے بازار کے مختلف اقسام کی دکانوں ،گوشت ، سبزی و فروٹ ہوٹل ، سمیت صفائی و ستھرائی, پرائس کنٹرول کمیٹی کی جانب سے مرتب کردہ نرخ نامہ کا جائزہ لیا اشیاءخوردونوش کی کوالٹی و قیمتیں چیک کیں عوامی شکایات کا فوری نوٹس لیتے ہوئے مہنگے داموں گوشت فروخت کرنے والے قصائیوں کو موقع پر ہی جرمانے عائد کرکے تھانے منتقل کردیا گیا انھوں نے دکانداروں کو سختی سے ہدایات جاری کرتے ہوئے کہا کہ پرائس کنٹرول کمیٹی کی جانب سے مرتب کردہ نرخ نامہ کی پاپندی کو یقینی بنائیں گرانفروشی و ناجائز تجاوزات اور مضر صحت و زائدالمیعاد اشیائ فروخت کرنے کی کسی کو بھی ہرگز اجازت نہیں دی جائیگی۔ زائد المیعاد اشیاءو غیر معیاری اشیائ اپنی دوکانوں میں رکھنے سے گریز کریں۔ دوکان کے باہر اور سڑکوں ودیگر عوامی گزر گاہوں پر سامان رکھ کر ناجائز تجاوزات سے گریز کریں بصورت دیگر آئندہ قانون کیطابق سخت کاروائی عمل میں لائی جائے گی انھوں نے گوشت فروشوں کو سختی سے نرخ نامہ کی پابندی و واضح طور اپنی دکانوں پر نرخ نامہ آویزاں کرنے کی ہدایات جاری کیں انھوں نے کہا کہ عوام الناس سے گزار ش ہے کہ گرانفروشوں اور سرکار کی جانب سے مقرر کردہ قیمتوں سے زیادہ اشیاءخوردونوش ودیگر سامان فروخت کرنے والے دکانداروں کی بروقت نشاندہی ضلعی انتظامیہ کے (کمپلینٹ سیل) کو کروائیں تاکہ فوری طور پر قانون کی مطابق کارروائی عمل میں لائی جاسکے۔

گنداواہ جھل مگسی (نامہ نگار )محکمہ بی اینڈ آر (روڈ) جھل مگسی کی مبینہ غفلت ایک بار پھر کھل کر سامنے آ گئی ہے، جہاں گنداواہ میں واقع مین پل کی تعمیر مکمل ہونے کے باوجود اس کے اطراف میں بنیادی حفاظتی اور مرمتی اقدامات کو نظر انداز کر دیا گیا ہے۔ پل کے دونوں جانب گہرے کھڈے تاحال نہ بھرے جا سکے، جس کے باعث ٹریفک کی روانی شدید متاثر ہو کر رہ گئی ہے اور عوام کو سخت مشکلات کا سامنا کرنا پڑ رہا ہے۔مقامی ذرائع کے مطابق صورتحال دن بدن سنگین ہوتی جا رہی ہے، گاڑیاں انتہائی احتیاط کے ساتھ بمشکل پل سے گزر رہی ہیں، جبکہ ذرا سی بے احتیاطی کسی بڑے حادثے کا سبب بن سکتی ہے۔ خصوصاً رات کے اوقات میں روشنی کے مناسب انتظام نہ ہونے کے باعث خطرات میں مزید اضافہ ہو جاتا ہے، جس سے مسافروں اور ڈرائیورز میں شدید خوف و ہراس پایا جاتا ہے۔ علاقہ مکینوں، مسافروں اور ٹرانسپورٹرز نے اس صورتحال پر شدید تشویش کا اظہار کرتے ہوئے کہا ہے کہ پل کی ادھوری تکمیل دراصل متعلقہ حکام کی غفلت اور عدم دلچسپی کا منہ بولتا ثبوت ہے۔ ان کا کہنا ہے کہ اگر بروقت اقدامات نہ کیے گئے تو کسی بھی وقت کوئی افسوسناک حادثہ پیش آ سکتا ہے، جس کی تمام تر ذمہ داری متعلقہ محکمہ پر عائد ہو گی۔عوامی و سماجی حلقوں نے ڈپٹی کمشنر جھل مگسی سے فوری نوٹس لینے کا پرزور مطالبہ کرتے ہوئے اپیل کی ہے کہ پل کے اطراف کھڈوں کو ہنگامی بنیادوں پر پر کیا جائے، حفاظتی اقدامات کو یقینی بنایا جائے اور سڑک کو مکمل طور پر قابلِ استعمال بنایا جائے تاکہ عوام کو درپیش مشکلات کا خاتمہ ہو سکے اور قیمتی انسانی جانوں کو محفوظ بنایا جا سکے۔

شہید سکندرآباد سوراب(این این آئی) رمضان راشن پیکج میں مبینہ کروڑوں کی بدعنوانی، تحقیقات میں مسلسل تاخیر، عوامی تشویش میں خطرناک حد تک اضافہ، تفصیلات کے مطابق ضلع شہید سکندرآباد سوراب میں رمضان راشن پیکج کے تحت مبینہ بڑے پیمانے پر بدعنوانی، بدانتظامی اور مستحقین کی کھلی حق تلفی کا اسکینڈل شدت اختیار کرگیا ہے، تاہم افسوسناک امر یہ ہے کہ معاملے کی سنگینی کے باوجود تاحال کوئی مو¿ثر اور شفاف تحقیقات عمل میں نہ لائی جاسکی، جس کے باعث سیاسی، سماجی اور عوامی حلقوں میں بے چینی اور تشویش میں روز بروز اضافہ ہورہا ہے۔معتبر ذرائع کے مطابق حکومت بلوچستان کی جانب سے رمضان المبارک کے بابرکت مہینے میں غریب، نادار اور مستحق خاندانوں کو ریلیف فراہم کرنے کے لیے جاری کیے گئے ہزاروں راشن پیکٹس اپنی اصل منزل تک پہنچنے کے بجائے مبینہ طور پر منظم انداز میں خردبرد کا شکار ہوگئے۔ اطلاعات ہیں کہ راشن کی تقسیم کے عمل میں شفافیت کو مکمل طور پر نظرانداز کرتے ہوئے بااثر شخصیات، مخصوص گروہوں اور سرکاری اہلکاروں کے قریبی حلقوں کو نوازا گیا، جبکہ حقیقی مستحقین کو نظرانداز کرکے انہیں خالی ہاتھ واپس بھیج دیا گیا۔ذرائع کا یہ بھی دعویٰ ہے کہ ریکارڈ کی خانہ پری کے لیے جعلی اور فرضی فہرستیں تیار کی گئیں، جن میں ایسے افراد کے نام شامل کیے گئے جنہیں حقیقت میں کوئی راشن فراہم نہیں کیا گیا۔ اس کے برعکس، امدادی سامان کی بڑی مقدار مبینہ طور پر خفیہ راستوں سے مقامی مارکیٹوں میں فروخت کردی گئی، جہاں یہ اشیائ عام نرخوں پر دستیاب رہیں، جو نہ صرف بدعنوانی بلکہ مستحقین کے حقوق پر کھلا ڈاکہ قرار دیا جارہا ہے۔سیاسی و سماجی رہنماو¿ں، کارکنان اور سول سوسائٹی کے نمائندوں نے اس صورتحال پر شدید ردعمل دیتے ہوئے کہا ہے کہ ضلعی انتظامیہ کی جانب سے اختیار کردہ مجرمانہ خاموشی اور تحقیقات میں بلاجواز تاخیر اس امر کی عکاسی کرتی ہے کہ بااثر عناصر کو بچانے کی کوشش کی جارہی ہے۔ ان کا کہنا تھا کہ اگر یہی طرز عمل برقرار رہا تو عوام کا ریاستی اداروں پر اعتماد مکمل طور پر ختم ہوسکتا ہے۔مزید برآں، مختلف علاقوں سے تعلق رکھنے والے سیاسی کارکنان اور عوامی نمائندے سوشل میڈیا کے ذریعے مسلسل احتجاج ریکارڈ کروا رہے ہیں اور اس معاملے کو منطقی انجام تک پہنچانے کا مطالبہ کررہے ہیں۔ ان کا مو¿قف ہے کہ رمضان جیسے مقدس مہینے میں مستحقین کے ساتھ ہونے والی ناانصافی کسی بھی صورت قابل قبول نہیں۔عوامی حلقوں نے وزیراعلیٰ بلوچستان، چیف سیکریٹری اور دیگر متعلقہ اعلیٰ حکام سے پرزور مطالبہ کیا ہے کہ ضلع شہید سکندرآباد سوراب میں رمضان راشن پیکج کے اس بڑے اسکینڈل کا فوری نوٹس لیا جائے، ایک خودمختار اور بااختیار تحقیقاتی کمیٹی تشکیل دی جائے، امدادی سامان کو مارکیٹ میں فروخت کرنے کے الزامات کی مکمل چھان بین کی جائے اور اس میں ملوث افسران و اہلکاروں کے خلاف سخت قانونی کارروائی عمل میں لائی جائے۔شہریوں نے واضح کیا ہے کہ اگر اس معاملے کو مزید طول دیا گیا یا حقائق کو دبانے کی کوشش کی گئی تو عوامی ردعمل میں شدت آسکتی ہے، جس کی تمام تر ذمہ داری متعلقہ حکام پر عائد ہوگی۔ انہوں نے شفاف احتساب، میرٹ کی بالادستی اور مستحقین کو ان کا حق دلانے کو وقت کی اہم ترین ضرورت قرار دیا ہے۔