اوستہ محمد (سروے رپورٹ حنیف بلوچ )کمیونٹی منیجمنٹ بلوچستان کے کسانوں سے گندم کی خریداری میں بری طرح ناکام کسان و زمیندار حکومتی ریلیف سے محروم ہو گئے دفعہ 144 نافذ کر کے مڈل مین سے گندم کی خریداری ادارے کی کارکردگی پر سوال اٹھ رہے ہیں معروف زمیندار میر غلام رسول ہیجوانی جمالی میر جانب علی لہڑی امید علی مینگل جمیل احمد جمالی نے مشرق سروے رپورٹ سے بات چیت کرتے ہوئے کہا کہ ستم ظرفی کی انتہا ہو چکی ہے مقامی زمیندار مالیاتی اداروں سے قرضہ اٹھا کر مہنگے داموں زرعی ادویات اور تخم سمیت کھاد خرید کر فصل تیار کرتے ہیں لیکن افسوس کے ساتھ کہنا پڑتا ہے حکومت بلوچستان اور محکمہ خوراک کمیونٹی مینجمنٹ زمین داروں اور کسانوں کو ریلیف فراہم کرنے کے بجائے مڈل مین سے گندم خرید کرتے ہیں جو کہ مقامی زمینداروں اور زراعت کے ساتھ دشمنی کے مترادف ہے جمیل احمد جمالی نے مزید کہا کہ حکومت بلوچستان اپنے سابق روایات کو برقرار رکھتے ہوئے گندم کی نقل و حرکت پر پابندی عائد کر کے اوپن مارکیٹ سے گندم خرید کرنے کی ناکام کوششیں کر رہے ہیں انہوں نے کہا کہ اس طرح کے اقدامات سے مقامی زمینداروں اور کاشتکاروں کا معاشی قتل کیا جا رہا ہے پالسی ساز اداروں کو زمینی حقائق کے مطابق فیصلے کرنے ہوں گے ورنہ نصیراباد ڈویڑن سمیت بلوچستان بھر کے زمیندار و کاشتکار ہرگز فصل کاشت نہیں کریں گے انہوں نے کہا کہ حکومتی سطح پر گندم کی خریداری نہ ہونے کی وجہ سے اوپن مارکیٹ میں اونے پونے سستے داموں گندم فروخت کرنے پر مجبور ہو چکے ہیں حکومت بلوچستان اور کمیونٹی منیجمنٹ کو اپنے فیصلے پر نظر ثانی کرنی ہوگی انہوں نے کہا کہ نصیراباد ڈویڑن بلوچستان کا اناج گھر کی حیثیت رکھتی ہے فوری طور پر کسانوں کو ریلیف فراہم کرنے کے لیے گندم کی خریداری کا عمل شروع کیا جائے اور گندم خرید مرکز کے قیام کو یقینی بنایا جائے

اوستہ محمد (آن لائن ) آئے روز پٹرولیم مصنوعات کی قیمتوں میں اضافے سے ہر چیز مہنگی ہونے سے لوگوں کی قوت خرید نے جواب دے دی۔ بار بار پٹرولیم مصنوعات کی قیمتوں میں اضافہ عوام کے ساتھ ظلم ہے ۔ جنگ ایران اسرائیل اور امریکہ کا ہے اس کی سزا پاکستانی عوام کو مل رہی ہے پٹرول اور ڈیزل مہنگے ہونے سے ایشائے خورد مہنگی ہوگئی ہے چیزیں مہنگی ہونے سے لوگ فاقہ کشی پر مجبو رہے۔ اگر حکمرانوں کی یہی روش رہی تو عوام سڑکوں پر نکلیں گے جس سے حالات خراب ہوں گے جوکہ ملک کے مفاد میں نہیں ہے عوام کے احساسات کو مد نظر رکھتے ہوئے پٹرول ڈیزل کو سستا کریں تو تمام ضروریات کی چیزین کم ہوجائیں گے۔ڈیزل پٹرول بڑھتے ہی کرایوں میں اضافہ ہوگیا ٹرانسپوٹروں کا کہنا ہے کہ ہم مجبور ہیں کیا کر سکتے ہیں۔

اوستہ محمد(یو این اے)بلوچستان کی صورت حال پر پوری نظر ہے انشا اللہ اگلے مہینے دورہ کرونگا ۔پرانے ورکر پارٹی کے اثاثے ہیں انشا اللہ بلوچستان کے عوام کے حقوق ان کو ملیں گے بلوچستان پاکستان کا دل ہے چیرمین بلاول بھٹو بلوچستان کی احساس محرومی کو دور کیا جائے پرانے پارٹی ورکروں کا خیال کریں تاکہ ورکر دلجوئی سے کام کریں سابق صدر و پارلمانی کمیٹی میر چنگیز جمالی اور وفدکی بلاول سے کراچی میں ملاقات تفصیلات کے مطابق پاکستان پیپلز پارٹی کے چیرمیں بلاول بھٹو نے کہا کہ بلوچستا ن پاکستان کا دل بلوچستان ہمیں جان سے پیارا ہے یہ ایک دوسرے سے الگ نہی۔ ہو سکتے ہیں حالات خرایب کرنے والے چین سے نہیں بیٹھیں گے انہوں نے کہا کہ وہ آئیں بیٹھیں بلوچستانی بھائیوں کو ان کے جائز حقوق میں گے پارٹی کے حوالے سے بلاول بھٹو نے کہا کہ پرانے ورکر جیالے پارٹی کے اثاثے ہیں انہیں ہم کبھی نہیں بھلائیں گے انشا اللہ آنے سینٹ کے الیکشن میں چنگیز خان کو لائیں گے آپ ہمارے جیالے ہیں اس موقع پر میر چنگیز خان جمالی پی پی پی کے رہنما سابق ایم پی اے میر حیدر علی خان جمالی نے ان کا شکریہ ادا کیا اور کہا کہ بلوچستان کے حالات کو سنجیدگی سے دیکھیں اور ان کے احساس محرومی دور کریں بلوچستان کے دورے پر آئیں تو ضلع اوستہ محمد کے دورے کی بھی ہم دعوت دیتے ہیں جس پر بلاول بھٹو نے قبول کیا اور حالات کی نزاکت کو دیکھ کر آئیں گے ملاقات میں مارکیٹ کمیٹی اوستہ محمد کے چیرمین و پی پی پی نصیر آباد ڈویژن کے سینئر نا ئب صدر میر مرتضی خان جمالی بھی ان کے ہمراہ تھے آخر میں میر چنگیز جمالی اور وفد نے چیرمین بلاول بھٹو کاشکریہ ادا کیا۔

اوستہ محمد (آن لائن ) اوستہ محمد میں ڈکیتی کی وارداتوں کے دوران موٹر سائیکل نقد رقم اور موبائل فون چھین لئے۔ تفصیلات کے مطابق سٹی پولیس تھانہ کے حدود کورائی پل کے مقام پر مسلح ڈاکوﺅں نے ڈاکٹر صادق علی لہڑی سے سی ڈی موٹر سائیکل ماڈل 2018 نقد رقم چھین کر فرار ہو گئے جبکہ دوسرا واقع شہر کے مین گلی شاہی بازار سے ریاض حسین ابڑو نامی شخص سے نا معلوم افراد نے موبائل فون چھین کر فرار ہو گئے شہر میں ایک بار پھر سے بد امنی کی لہر شروع عوامی حلقوں نے پولیس انتظامیہ سے شہر میں امن و امان کی صورت حال کو بہتر بنانے اور مسروقہ سامان برآمد کرنے کا مطالبہ کردیا ۔پولیس کو بھی سخت پریشانی کا سامنا شہری بھی ہمت کا مظاہرہ کریں اور پولیس بھی کوشش تیزکریں تاکہ امن ہو سکے۔

اوستہ محمد(آن لائن) اوستہ محمد میں گوٹھ بتھیانی کے مکینوں نے بکریاں، گندم کی بوریوں کو آگ لگانے کے خلاف احتجاجی مظاہرہ کیا۔ مظاہرین کاکہنا تھا کہ پولیس چوری ڈکیتی کی وارداتیں روکنے کی بجائے شریف شہریوں کو تنگ کرنے اور ان کو نقصان پہنچانے پر تلی ہوئی ہے بکریاں، گندم کی بوریوں کو آگ لگادی گئی ہے ہم اعلیٰ حکام سے مطالبہ کرتے ہیں کہ ہمیں انصاف دیا جائے۔ مظاہرین نے الزام عائد کیاکہ سٹی پولیس ایس ایچ اور نے گوٹھ مراد بخش بتھیانی بلیدی پر چھاپے مارمختلف گھروں سے گھریلو سامان موٹر سائیکلیں ،بکریاں غلہ کی بوریاں اٹھاکر لے گئے ہیں۔

گنداخہ (یو این اے )ضلع اوستہ محمد اور تحصیل گنداخہ سمیت گردونواح کے علاقوں میں گرمی کی شدت میں غیر معمولی اضافے اور بجلی کی طویل و غیر اعلانیہ لوڈ شیڈنگ نے معمولاتِ زندگی کو شدید متاثر کر دیا ہے۔ شدید درجہ حرارت اور کئی کئی گھنٹوں کی بجلی کی بندش کے باعث شہری گھروں تک محدود ہو کر رہ گئے ہیں، جبکہ سکون کا فقدان ہونے کی وجہ سے بزرگوں، بچوں اور بیمار افراد کی مشکلات ناقابلِ برداشت ہو چکی ہیں۔ عوامی حلقوں نے تشویش کا اظہار کرتے ہوئے کہا ہے کہ حکومت کے ریلیف کے تمام دعوے دھرے کے دھرے رہ گئے ہیں اور متعلقہ ادارے عوام کو ریلیف فراہم کرنے میں مکمل ناکام نظر آتے ہیں۔بجلی کے اس بحران نے جہاں عام شہریوں کو ذہنی و جسمانی اذیت میں مبتلا کیا ہے، وہیں کاروباری طبقہ بھی سخت پریشان ہے کیونکہ دکانوں اور ورکشاپس میں کام ٹھپ ہونے سے مالی نقصان بڑھتا جا رہا ہے۔ تاجروں اور سماجی رہنماں نے حکومتِ بلوچستان، ضلعی انتظامیہ اور کیسکو حکام سے پرزور مطالبہ کیا ہے کہ لوڈ شیڈنگ کے شیڈول پر فوری نظرثانی کی جائے اور غیر اعلانیہ بندشوں کا خاتمہ یقینی بنایا جائے۔ شہریوں نے اپیل کی ہے کہ زمینی حقائق کو مدنظر رکھتے ہوئے فوری اقدامات کیے جائیں تاکہ اس شدید گرمی کے عالم میں عوام کو کچھ سکھ کا سانس میسر آ سکے۔

اوستہ محمد(آ ن لائن) اوستہ محمد شہر میں مچھروں کا بہتات شہری ملیریا کی بخار میں مبتلا شہر میں اسپرے کروانے کا مطالبہ عوامی حلقے۔تفصیلات کے مطابق عوامی حلقوں نے مئیر میونسل کار پریشن سے مطالبہ کیا کہ شہر میں مچھروں کا بہتات ہے مچھروں کی وجہ سے شہری تنگ آچکے ہیں اور ملیریا کی بخار میں مبتلا ہوگئے سخت پریشان ہو گئے ہیں عوامی حلقوں نے کہا کہ شہر میں مچھر مار مہم کر کے مچھروں کا خاتمہ کیا جائے اور مہریا کی وبا جو پھیلی ہوئی ہے اس کے ویکسین کیا جائے۔

اوستہ محمد (آن لائن)میونسپل کارپوریشن اوستا محمد میں حالیہ ٹینڈرز میں مبینہ بے ضابطگیوں کے خلاف گورنمنٹ کنٹریکٹرز کی جانب سے فرہاد حسین رند کی قیادت میں احتجاجی کیمپ 13 ویں روز بھی جاری رہی، اس موقع پر فرہاد حسین رند، مرکزی صدر کمیونسٹ پارٹی امداد قاضی و دیگر نے میڈیا سے گفتگو کرتے ہوئے کہا کہ میونسپل کارپوریشن کے ٹینڈرز متنازع بن گئے، ہم مطالبہ کرتے ہیں کہ ٹینڈرز کو فوری منسوخ کر کے شفافیت کی بنیاد پر دوبارا کیئے جائے، بصورت دیگر ہمارا احتجاجی کیمپ جاری رہے گا، احتجاجی کیمپ میں سیاسی و سماجی اور شہری حلقے شریک ہوئے انہوں نے کہا کہ ڈپٹی میئر اور چیف آفیسر کرپشن کے بے تاج بادشاہ ہیں جو کریں ان کی مرضی ہے کوئی پوچھنے والا نہیں ہے چیف آفیسر نے میونسپل کو اپنا زاتی جاگیر بنا رکھا ہے۔

اوستا محمد (اے این این)اوستا محمد میں نہری نظام کی بہتری کے لیے محکمہ ایریگیشن نے عملی اقدامات تیز کر دیے ہیں۔ اس سلسلے میں ایگزیکٹو انجینئر ایریگیشن عرفان احمد لاشاری نے مختلف نہری شاخوں اور ریگولیٹرز کا تفصیلی دورہ کیا اور پانی کی منصفانہ تقسیم کو یقینی بنانے کی ہدایات جاری کیں تفصیلات کے مطابق ایگزیکٹو انجینئر عرفان احمد لاشاری نے ایس ڈی او ایریگیشن ذیشان احمد جمالی کے ہمراہ کھیر تھر کینال اور اس سے منسلک اہم نہری شاخوں کا معائنہ کیا۔ دورے کے دوران خانپور، ڈمب اور گڑنگ سمیت مختلف علاقوں کی نہروں کا جائزہ لیا گیا۔اس موقع پر ایس ڈی او ہدیرو اللہ ڈنہ جمالی، جونیئر انجینئر صدام حسین بوہڑ، جونیئر انجینئر ریاض احمد میمن، داروغہ قربان علی جمالی اور دیگر متعلقہ عملہ بھی موجود تھا۔ایگزیکٹو انجینئر نے مختلف مقامات پر عملے سے ملاقات کرتے ہوئے نہری نظام کی بہتری، پانی کی شفاف اور منصفانہ تقسیم اور مجموعی کارکردگی کو مزید مو¿ثر بنانے پر زور دیا۔ انہوں نے واضح ہدایات دیں کہ کاشتکاروں کو بروقت اور مساوی بنیادوں پر پانی کی فراہمی یقینی بنائی جائے تاکہ زرعی پیداوار میں اضافہ ممکن ہو سکے۔انہوں نے کہا کہ نہری نظام کی مو¿ثر نگرانی اور بروقت دیکھ بھال سے نہ صرف پانی کے ضیاع کو روکا جا سکتا ہے بلکہ زراعت کے شعبے کو بھی مستحکم بنایا جا سکتا ہے۔ دورے کا بنیادی مقصد نہری نظام کو بہتر بنا کر کاشتکاروں کو زیادہ سے زیادہ سہولت فراہم کرنا ہے۔

اوستہ محمد : وفاقی حکومت کے فیصلے تحت لاک ڈاﺅن کرنے پر اوستہ محمد میں بھی عمل درآمد کرونا شروع ہوگیا تحصیلدار علی گوہر مگسی کی زیر نگرانی پولیس کے ہمراہ شہر میں دکانیں ہوٹلیں و دیگر کاروبار کو آٹھ بجے بند کرونے کا عمل تیز کر دیا شام کو پولیس کے ہمراہ تمام دکانوں اور ہوٹلوں کو بند کراتے اور انہیں ہدایتیں دی۔اس حوالے سے میڈیا کو دکانداروں ہوٹل واکوں نے شکایت کی ایک تومہنگائی نے کمر توڑ ڈالی کوئی دکان آتا بھی نہیں دوسری جانب لاک ڈاون کا حکم آیا۔بجلی بچانے کی بات ہے تو آپ بجائے لاک ڈاون کے گریڈ سے ہی بجلی بند کر دیں ہمیں کیوں بے روز گار کیا جا رہا ہے اور ہوٹل میں دودھ جو لیتے وہ خراب ہو جاتا ہے جو سالن تیار ہوتا ہے وہ دوسرے روز باسی ہو جاتا ہےانہوں نے کہا کہ بلوچستان میں بجلی ہے کہاں وہ بجلی ہی بلوچستان کو لاک ڈاون سے اشتنہا کیا جائے تو بہتر ہے پہلے بلوچستان میں بے روز گاری ہے پھر لاک ڈاون سمجھ سے بالا تر ہے۔